Управувањето моторно возило без возачка дозвола е кривично дело. Согласно со законот, по наредба на Основно јавно обвинителство, Министерството за внатрешни работи има право да одземе такво возило. 

Под управување без возачка дозвола се смета возачот никогаш да не положил возачки испит, дозволата да му е трајно одземена, или да управува со возилото во период кога му е изречена мерка привремена забрана за управување со моторно возило. 

За нешто повеќе од две седмици, односно од почетокот на прокетот „Сејф Сити“ полицијата одзеде вкупно 90 возила! 

Во периодот од 1. до 16. февруари на територија на цела држава, по насоки на јавен обвинител, одземени се вкупно 90 возила. Од нив 14 возила се одземени на територија на СВР Тетово, 13 возила се одземени на територија на СВР Велес, 12 возила на територија на СВР Битола, по 11 на територија на СВР Струмица и СВР Куманово... информираат од МВР за Скопје Инфо. 

Како што појаснуваат оттаму, полициските службеници го одземаат возилото по насоки на јавен обвинител, а натамошната постапка е во надлежност на обвинителството и судот.

Во моментов одземените возила се чуваат во полициска станица, а понатаму на места и локации кои што ќе бидат одредени од обвинителството. 

Инаку, како што информираа вчера од полицијата, изминатата недела е намален бројот на сообраќајни прекршоци кои ги регистрирал „Сејф Сити“. 

Тагови: Министерство за внатрешни работи (МВР) Сејф сити - Безбеден град одземени возила

Agile Pro Solutions, како аутсорсинг компанија со голем број на клиенти од Соединетите Американски Држави е етаблиран работодавач во Македонија на десетици вработени кои се совршено интегрирани и во нашиот колектив, и во компаниите-наши клиенти за кои работат. За да ви доловиме едно искуство на наши вработени, проследете ја сторијата на Марија Атанасовска:

Во 2020 година, среде глобалната неизвесност и промените што ги донесе пандемијата, ја започнав мојата професионална приказна како analyst. Работам со американски клиент, а паралелно сум и менаџер на тимот кој работи за клиентот тука во Македонија. Тоа значи дека секојдневно балансирам помеѓу аналитика, стратегија, луѓе и културни разлики, улога која со текот на времето ми донесе огромно искуство и личен раст.

Во април 2025 година имав посебна чест да интервјуирам и вработам нов колега, Александар (исто така analyst) кој денес е важен дел од нашиот тим. Неколку месеци подоцна, заедно добивме покана од нашиот US клиент да присуствуваме на глобална конференција во Orlando, Florida.

Конференцијата беше повеќе од професионален настан, беше вистинско оживување на онлајн релациите што со години ги градевме преку екрани. Конечно ги запознавме во живо колегите од различни делови на светот со кои секојдневно комуницираме, луѓе од Европа, Америка, Азија, Латинска Америка.

Чувството кога ќе се ракуваш со некого со кого си работел години, но никогаш не си го видел во живо, е навистина посебно. Тогаш сфаќаш колку е моќна заедницата ,power of community. Не сме само индивидуалци што работат од различни временски зони, туку сме тим поврзан со заедничка цел, вредности и меѓусебна поддршка.

Програмата на конференцијата беше богата и разновидна. Имавме можност да учиме за:

- Креирање и оптимизација на dashboards

- Подобрување на аналитички процеси

- Стратешко размислување и data storytelling

- Развој на soft skills

- Надминување на imposter syndrome

Особен впечаток ми остави делот за imposter syndrome, отворените разговори за сомнежите што сите понекогаш ги чувствуваме, без разлика на позицијата или искуството. Да слушнеш лидери од глобални тимови како искрено зборуваат за своите несигурности беше навистина ослободувачко и мотивирачко.

Како менаџер, за мене беше важно не само да научам нови технички вештини, туку и да ги подобрам моите лидерски способности, како подобро да комуницирам, како да мотивирам, како да изградам психолошка безбедност во тимот.

Од Florida до сонот наречен New York

По завршувањето на конференцијата во Orlando, решивме да го искористиме патувањето и да продолжиме кон New York City.

New York нè фасцинираше од првиот момент. Енергијата на градот, високите облакодери, динамиката, различноста,сè изгледаше како сцена од филм. Прошетките низ Менхетен, погледот кон skyline-от, гужвата, уличната уметност, Central Park, секој агол носеше ново искуство.

Градот е симбол на амбиција, можности и соништа. После денови исполнети со професионална инспирација, Њујорк беше совршен потсетник зошто вреди да се излезе од зоната на комфор и да се прифатат нови предизвици.

Ова патување не беше само службено. Беше симбол на раст, личен и професионален. Од 2020 година до денес, од локален analyst до глобална конференција во САД, патот беше исполнет со работа, посветеност и верба.

Тагови: Agile Pro Solutions

Средната возраст на населението во Македонија во 2025 година изнесува 42,21 година, покажуваат податоците на Еуростат, додека просекот во Европската унија е повисок и достигнува 44,9 години. Во споредба со 2015 година, кога средната возраст во земјава била 37,4 години, населението за само една деценија е „остарено“ за речиси пет години.

Во регионот, од Македонија помладо население има само Црна Гора со средна возраст од 40,4 години. Албанија (44,3) и Србија (45,4) имаат постаро население, додека во Грција и Бугарија просечната возраст е уште повисока и изнесува 47,2 години. Во Хрватска и Словенија жителите во просек имаат по 45,5 години. На ниво на ЕУ, најмладо население има Ирска со 39,6 години, а најстаро Италија, каде средната возраст достигнува 49,1 година.

Еуростат бележи дека на ниво на целата ЕУ средната возраст од 2015 до 2025 година е зголемена за 2,1 година, од 42,8 на 44,9 години. Стареењето на населението е најизразено во Словачка и на Кипар, каде средната возраст пораснала за 4 години, а веднаш потоа следуваат Италија (+3,9), Грција и Полска (по +3,8) и Португалија (+3,7 години). Намалување на средната возраст е забележано само во Германија и Малта, каде таа е пониска за 0,4 години во споредба со 2015.

Тагови: ЕУ Македонија население Еуростат

Вештачката интелигенција повеќе не е иднина – таа веќе е дел од секојдневието во HR секторот. Компаниите ширум светот, вклучувајќи ги и оние во Македонија, сè почесто користат AI алатки за побрза, поефикасна и попрецизна селекција на кандидати.

Но, што точно се менува?

Автоматизирано прегледување на CV-а

Еден од најголемите предизвици во регрутацијата е обработката на голем број апликации. AI системите можат:

• Да скенираат стотици CV-а за неколку секунди
• Да ги препознаат клучните зборови и вештини
• Да ги рангираат кандидатите според релевантност

Ова значително го намалува времето потребно за првична селекција.

Подобра анализа на податоци

AI овозможува анализа базирана на податоци, наместо само на интуиција.

Со помош на алгоритми, компаниите можат да:

• Предвидат кој кандидат има најголема веројатност за успех
• Анализираат историски податоци за вработувања
• Идентификуваат обрасци во успешните профили

Ова носи пообјективен пристап во процесот.

Чет-ботови и автоматска комуникација

AI чет-ботовите можат да одговараат на прашања од кандидати 24/7, да закажуваат интервјуа и да даваат информации за статусот на апликацијата.

Ова го подобрува кандидатското искуство и ја зголемува транспарентноста.

Намалување или зголемување на пристрасноста?

Една од најголемите дебати е дали AI ја намалува или ја засилува пристрасноста.

Доколку алгоритмите се правилно дизајнирани, тие можат да:

• Елиминираат субјективни фактори
• Се фокусираат на компетенции

Но, доколку се базираат на пристрасни историски податоци, ризикот од дискриминација останува.

Дали AI ќе ги замени HR професионалците?

Краткиот одговор е – не.

AI е алатка, не замена. Таа може да ја автоматизира рутинската работа, но:

• Финалната проценка
• Проценката на културолошка усогласеност
• Емпатијата и човечкиот фактор и понатаму остануваат во рацете на HR експертите.

AI го прави процесот на селекција побрз, поефикасен и податочно ориентиран. Но, вистинскиот успех лежи во комбинацијата на технологија и човечка проценка.

Компаниите што паметно ќе ја интегрираат вештачката интелигенција во регрутацијата ќе имаат предност во привлекувањето и изборот на најдобрите таленти.

Прочитајте и за: Дали бонусите ја зголемуваат лојалноста?

Тагови: HR трендови