Пред два месеци, Transcom Македонија започна соработка со нов клиент за корисничка поддршка на германски јазик, а интересот од кандидатите и брзиот развој на проектот потврдуваат дека станува збор за стратешки значајна иницијатива. Проектот континуирано се проширува, а со почеток на овој месец официјално започна и третата тренинг група, со што дополнително се потврди неговиот стабилен раст и долгорочен потенцијал.

Со најновото вработување, Transcom Македонија го прошири својот тим со над 30 нови вработени, кои успешно ја започнаа платената обука и работата на проектот. Новите членови на тимот се одликуваат со одлично познавање на германскиот јазик и висока мотивација за работа во меѓународна и динамична работна средина.

Проект што расте - можност за кариерен развој

Бидејќи станува збор за релативно нов проект, неговиот раст носи и конкретни можности за професионален развој и напредување. Вработените кои се приклучуваат во раните фази имаат шанса за дополнително усовршување, стекнување специјализирани знаења и, со текот на времето, преземање одговорни и водечки улоги во рамките на тимовите.

Како знак на добредојде за новите групи, Transcom Македонија нуди бонус за добредојде во износ од 800 евра бруто, со што дополнително ја истакнува важноста на мотивацијата и задоволството на вработените уште од самиот почеток на нивниот професионален пат во компанијата.

Флексибилност уште од првиот ден

Работата на проектот може да се извршува 100% од дома, што им овозможува на вработените поголема флексибилност и подобра организација на секојдневните обврски. Во исто време, на кандидатите кои претпочитаат работа од канцеларија им е овозможена опција за работа од канцеларијата во Скопје, со што Transcom Македонија го потврдува својот пристап насочен кон индивидуалните потреби на вработените.

Искуство на новите вработени

Еден од новите колеги, Стефан Настевски, од првата тренинг група ги сподели своите први впечатоци по завршувањето на onboarding процесот:

„Процесот на вработување беше јасен и професионален, а обуката одлично структурирана. Уште од првиот ден се чувствува поддршката од менторите и тимот, што дава дополнително чувство на сигурност. Особено мотивирачко е сознанието дека проектот расте и дека постојат реални можности за напредување.“

Долгорочна визија и стабилност

Континуираното отворање на нови тренинг групи потврдува дека станува збор за долгорочен и стабилен проект со јасна визија за развој во рамките на Transcom Македонија. Фокусот на квалитетна обука, флексибилни услови за работа и конкурентни бенефиции го прави овој проект исклучително атрактивен за сите кои бараат сигурна и перспективна кариера во областа на корисничката поддршка на германски јазик.

Со овој проект, Transcom Македонија дополнително ја зацврстува својата позиција како сигурен и посакуван работодавач кој континуирано инвестира во луѓето, знаењето и професионалниот раст.

Поради понатамошното проширување на проектот, Transcom Македонија и понатаму активно вработува говорители на германски јазик.

Доколку сакаш да станеш дел од тимот и да работиш на проект што расте, нуди сигурност и можности за развој, можеш да аплицираш преку официјалниот линк за вработување. Аплицирај тука: https://apply.careers.transcom.com/en_US/careers/JobDetail?jobId=10055&source=Kariera+mk

Тагови: Transcom Macedonia

Прифаќањето понуда за работа е возбудлив момент, но и одлука што може значително да влијае на вашата кариера и приватен живот. Пред да кажете „да“, важно е да застанете и внимателно да ги проверите клучните елементи зад понудата – не само платата.

1. Работните обврски – дали се јасни?

Проверете дали описот на работната позиција е конкретен и реален.

Дали задачите што ви се понудени се исти како оние за кои аплициравте?

Дали постои ризик „со време“ да работите многу повеќе од договореното?

Јасните очекувања на старт значат помалку разочарувања подоцна.

2. Плата и бенефиции – што навистина добивате?

Платата е важна, но не е единствениот фактор. Внимавајте на:

• Нето износ и динамика на исплата
• Бонуси, додатоци и можности за покачување
• Приватно здравствено осигурување, флексибилно работно време, работа од дома

Побарајте писмена понуда со сите детали.

3. Договорот за вработување

Пред потпишување, внимателно прочитајте:

• Типот на договор (на определено, неопределено, пробен период)
• Отказен рок
• Клаузули за доверливост или неконкуренција

Доколку нешто не ви е јасно – прашајте. Тоа е ваше право.

4. Работна култура и атмосфера

Информациите за компанијата не завршуваат со огласот. Истражете:

• Каква е работната култура
• Како се однесуваат менаџерите кон вработените
• Дали постои баланс меѓу работа и приватен живот

Често атмосферата е пресудна за долгорочно задоволство.

5. Можности за развој и напредување

Прашајте се:

• Дали позицијата нуди учење и напредок
• Дали компанијата инвестира во обуки
• Каква е перспективата за следните 2–3 години

Работа без развој брзо станува стагнација.

6. Тимот со кој ќе работите

Обидете се да дознаете:

• Кој ќе ви биде директен надреден
• Како функционира тимската работа
• Дали вредностите на тимот се совпаѓаат со вашите

Луѓето со кои работите секојдневно се подеднакво важни како и позицијата.

7. Интуицијата – не ја игнорирајте

Ако нешто „не ви штима“ уште во процесот на интервју, тоа често е знак дека вреди дополнително да размислите. Вашето чувство е важен индикатор.

Добрата понуда за работа не се мери само во бројки, туку во услови, култура и перспектива. Одвојте време, поставете прашања и донесете информирана одлука. Подобро е да одбиете една понуда, отколку да прифатите погрешна работа.

Паметниот избор денес значи поквалитетна кариера утре.

Прочитајте и за: Практични совети за заштита од дискриминација во работната средина.

Тагови: совети за работа

Алкохолните пијалоци бележат најголемо поскапување во угостителскиот сектор, додека цените на ноќевањата се во пад, покажуваат најновите податоци на Државниот завод за статистика (ДЗС) за јануари 2026 година. Вкупните цени на угостителските услуги во јануари се зголемени за 0,2 отсто во однос на декември 2025, а во споредба со јануари 2025 година се повисоки за 3,4 проценти. Во исто време, во текот на целата 2025 година во однос на 2024 година, угостителските цени пораснале за 4,8 проценти.

Во споредба со декември 2025 година, во јануари 2026 храната во угостителството поскапела за 0,3 проценти, а алкохолните пијалоци за 0,2 проценти, додека цените на безалкохолните пијалоци и на ноќевањата останале непроменети. Меѓутоа, на годишно ниво (јануари 2026 – јануари 2025), најголем раст е забележан кај алкохолните пијалоци, чија цена е повисока за 9,1 отсто, следени од храната со раст од 7,8 проценти и безалкохолните пијалоци со зголемување од 5,3 проценти.

И додека цените на пијалоците и храната растат, ноќевањата значително поевтинуваат. Според ДЗС, за една година цените на ноќевањата се намалени за 12,3 проценти, што укажува на обид на угостителско-туристичкиот сектор да привлече повеќе гости преку пониски сместувачки трошоци, иако потрошувачката во локалите станува сѐ поскапа.

Тагови: алкохолот угостителски услуги Државниот завод за статистика (ДЗС)

Биткоинот доживеа драматичен пресврт, со пад на вредноста под 63.000 долари – најниско ниво од октомври 2024 година и повеќе од преполовување во однос на рекордните 124.000 долари. Иако силните ценовни осцилации се вообичаени за крипто пазарот, аналитичарите укажуваат дека моментот на овој пад е изненадувачки, бидејќи доаѓа во период на засилена геополитичка и економска неизвесност, кога според поддржувачите биткоинот требаше да функционира како заштитно средство.

Индексот на страв и алчност на CNN се наоѓа во зоната на „страв“, а волатилноста на пазарите расте, додека златото ја зацврстува својата позиција како традиционално безбедно засолниште и достигнува над 5.500 долари за унца. Од почетокот на годината, биткоинот изгуби околу 20 проценти од вредноста, а дел од инвеститорите, според познатиот инвеститор Мајкл Бери, дури продаваат злато и сребро за да ги покријат загубите во крипто секторот. Истовремено, избледува и таканаречениот „ефект на Трамп“ – постизборниот ентузијазам околу поблага регулација на криптовалутите.

Сегашните движења го доведуваат во прашање наративот за биткоинот како „дигитално злато“, бидејќи се однесува сè повеќе како ризична актива – додека златото порасна за околу 24 проценти од октомври, биткоинот изгуби околу 44 проценти. Дополнителна неизвесност внесе и изјавата на американскиот секретар за финансии Скот Бесент дека нема мандат за интервенција на крипто пазарите. Иако историјата покажува дека биткоинот често се опоравува во рок од година и пол по силни падови, останува отворено прашање дали и овојпат сценариото ќе се повтори.

Тагови: Биткоин CNN