Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните за прекршоците што се санкционираат преку системот „Безбеден град“ и предвидените глоби.

Пречекорување на брзина во населено место (дозволена брзина до 50 km/h, по исклучок до 70 km/h со знак)

• до 10 km/h над дозволеното – 15 €

• од 10 до 30 km/h – 50 €

• од 30 до 50 km/h – 300 € + забрана за управување 3–12 месеци

Пречекорување на брзина надвор од населено место (130 km/h автопат • 110 km/h пат за моторни возила • 90 km/h други патишта)

• до 30 km/h над дозволеното – 20 €

• од 30 до 50 km/h – 50 €

• од 50 до 70 km/h – 300 € + забрана за управување 3–12 месеци

Поминување на црвено светло

• 250 € глоба/забрана за управување 3–12 месеци

Непрописно запирање и паркирање (пешачки премини, крстосници, мостови, зелени површини, места за лица со попреченост, велосипедски патеки, тротоари, автобуски постојки и други критични локации)

• глоби од 25 €, 40 €, 150 € и 180 € (во зависност од видот и тежината на прекршокот)

Учество во сообраќај со нерегистрирано возило (без важечка сообраќајна дозвола или без регистарски таблици)

• 500 € глоба

• ако истекот на сообраќајната дозвола е до 30 дена – 100 €

Намалување на санкциите 

Плаќање во рок од 8 дена → се плаќа 50% од глобата

Ако има и забрана за управување → се изрекува во половина од пропишаниот рок

МВР апелира до сите учесници во сообраќајот да ги почитуваат правилата и прописите, за поголема лична и општа безбедност и намалување на сообраќајните незгоди.

Тагови: казни Министерство за внатрешни работи (МВР) Сејф сити - Безбеден град

ПроКредит Банка во Северна Македонија е развојно-ориентирана комерцијална банка со седиште во Скопје, основана во 2003 година и дел од меѓународната ProCredit група. Таа обезбедува широка палета на банкарски услуги за физички лица и за микро, мали и средни претпријатија со фокус на поддршка на економскиот раст, одржлив развој и одговорно банкарство. Банкaта се издвојува по тоа што промовира кредити најмногу за бизнис потреби, развој и инвестиции наместо потрошувачки кредити, како и по силен акцент на дигитални услуги, транспарентност и долгорочни партнерства со своите клиенти. Таа е меѓу поголемите банки на пазарот и активно учествува во проекти за финансиска поддршка поврзани со зелена економија, енергетска ефикасност и инклузија во бизнисот.

Моментално вработува:

Finance Specialist
Советник за клиенти - Скопје
Советник за клиенти - Куманово

Се уште невработени?! Останатите работни позиции на сајтот ќе ги најдете ТУКА.

Тагови: ПроКредит Банка АД Скопје

Стручната пракса долго време се смета за првиот чекор кон успешна кариера. За младите, таа е можност за учење, стекнување искуство и влез на пазарот на трудот. За компаниите – начин да препознаат потенцијални таленти. Но, сè почесто се поставува прашањето: дали праксата навистина е можност за развој или станува форма на прикриена експлоатација?

Кога праксата ја губи својата цел

Проблемот започнува кога практикантите се третираат како евтина работна сила. Наместо менторство и учење, тие добиваат:

• Рутински и повторливи задачи без образовна вредност
• Работно време идентично со вработените, но без надомест
• Високи очекувања без јасни цели и повратна информација

Во вакви случаи, праксата го губи својот едукативен карактер и се претвора во неформално вработување без права и сигурност.

Како изгледа фер и корисна пракса?

Добрата пракса има јасна структура и цел. Таа подразбира:

• Дефинирани задачи поврзани со струката
• Ментор кој активно го води практикантот
• Јасно времетраење и очекувања
• Финансиски надомест или барем транспарентни услови

Праксата треба да биде инвестиција во млад кадар, а не начин за пополнување на недостиг од ресурси.

Одговорноста на компаниите и HR тимовите

HR тимовите имаат клучна улога во поставувањето граници. Практикантските програми треба да се третираат како дел од talent pipeline, а не како краткорочно решение. Компаниите што нудат квалитетни практики не само што градат позитивен employer branding, туку создаваат и лојални идни вработени.

Што можат да направат младите?

Од друга страна, младите кандидати сè почесто поставуваат прашања:

• Кој ќе ми биде ментор? Што ќе научам? Дали постои можност за вработување?

Оваа свесност е клучна за да се избегнат лоши искуства и разочарувања.

Границата помеѓу пракса и експлоатација е тенка, но јасна. Праксата треба да нуди знаење, насока и вредност – не само обврски. Во спротивно, таа го губи својот смисол и довербата на идните професионалци.

Во време кога младите таленти внимателно ги бираат своите први чекори, одговорните практикантски програми се повеќе од потреба – тие се стратешка предност.

Прочитај и за: Feedback културата – зошто годишните евалуации умираат.

Тагови: HR трендови пракса

Маж од Нигерија, Ојо Егоса Кингсли, бил уапсен откако потрошил околу 1,5 милијарди наира кои по грешка му биле префрлени на сметката од First Bank. Наместо да ја пријави грешката, тој започнал да ги користи средствата во периодот од јуни до ноември 2025 година, што подоцна довело до истрага и негово апсење во Бенин Сити.

Случајот бил преземен од Комисијата за економски и финансиски криминал (EFCC), која го изведе Кингсли пред Високиот суд во сојузната држава Едо. На 19 јануари 2026 година, обвиненијата му биле прочитани, а тој веднаш се изјаснил за виновен. Судот му понудил две опции: една година затвор или парична казна од 5 милиони наира, како и обврска да ги врати преостанатите 272.252.193,59 наира на банката.

Пред изрекувањето на пресудата, EFCC соопшти дека веќе биле повратени над 802 милиони наира, вклучувајќи средства префрлени на сметките на неговата мајка и сестра, додека банката успеала да поништи трансакции вредни над 300 милиони наира. Според судските документи, Кингсли изјавил дека повеќе би избрал една година затвор отколку да го врати преостанатиот износ.

Тагови: пари Нигерија First Bank измама