Yu Donglai, основач и претседател на компанијата Pang Dong Lai, неодамна воведе нова работна практика позната како „денови за емоционален одмор“. Оваа политика им овозможува на вработените да земат слободен ден секогаш кога се чувствуваат под стрес, преоптоварени или кога им е потребна пауза, без потреба од претходно одобрение од менаџментот.

Според Yu, целта на оваа иницијатива е да се покаже вистинска грижа за емоционалната состојба на вработените и да се нагласи дека менталното здравје треба да има исто значење како и физичкото. Одлуката за одмор е целосно во рацете на работниците, што ја зајакнува нивната автономија и довербата во компанијата.

Оваа политика е дел од пошироката филозофија на Pang Dong Lai за балансиран однос меѓу работата и приватниот живот. Компанијата веќе има скратено работно време од седум часа дневно и нуди подолги годишни одмори, што е реткост во кинеската малопродажна индустрија. Според раководството, задоволните и одморени вработени придонесуваат за подобри резултати, поголема лојалност и поодржлив бизнис модел.

Тагови: Кина ментално здравје работни навики работнички права Pang Dong Lai Yu Donglai

КАМ доо е најголем национален хард-дисконт и трговец-лидер во малопродажбата во Македонија. КАМ ги следи принципите на хард-дисконт: висок квалитет по ниски цени. Зад успехот на КАМ стои внимателно избран асортиман од над 1700 производи со повеќе од 600 производи од приватни трговски марки.

Моментално отворени позиции:

Магацински работници - подготвувачи на роба - нас.Илинден Скопје
Магацински работници - подготвувачи на роба - Куманово
Магацински работници - подготвувачи на роба - Свети Николе
Раководни лица - Струмица
Раководни лица - Кочани

Сите останати огласи од КАМ можете да ги најдете ТУКА.

Тагови: Кам Доо Илинден

Глобалниот пазар на труд влегува во една од најдинамичните трансформации досега. Под влијание на технологијата, променетите очекувања на вработените и зголемената свест за менталното здравје, HR функцијата повеќе не е административна поддршка – туку стратешки двигател на растот. Во фокусот се издвојуваат три клучни тренда: вештачката интелигенција (AI), флексибилноста и wellbeing културата.

1. AI: од автоматизација до паметно носење одлуки

AI веќе не е „иднина“ – туку реалност во современиот HR. Компаниите глобално користат вештачка интелигенција за:

• Селекција на кандидати базирана на вештини, а не само на CV,
• Автоматизирани интервјуа и предиктивна анализа на перформанс,
• Идентификација на ризик од напуштање (attrition).

Со тоа, HR тимовите добиваат повеќе време за стратешки задачи – развој на таленти, градење култура и ангажираност. Сепак, предизвик останува етичката употреба на AI и транспарентноста кон кандидатите и вработените.

2. Флексибилност: новиот стандард, не бенефит

Хибридната и далечинската работа станаа глобална норма, а не привилегија. Денес, флексибилноста не се мери само со локација, туку и со:

• Флексибилно работно време,
• Работа базирана на резултати, не на часови,
• Поголема автономија и доверба.

Компаниите што инсистираат на стари модели сè потешко ги задржуваат талентите, особено кај помладите генерации. HR стратегиите што нудат избор и баланс покажуваат повисок engagement и пониска флуктуација.

3. Wellbeing: од тренд до деловна потреба

Менталното здравје и благосостојбата на вработените стануваат централна HR тема. Глобално, компаниите инвестираат во:

• Програми за ментално здравје,
• Превенција од burnout,
• Култура што поддржува отворена комуникација и психолошка сигурност.

Истражувањата покажуваат дека тимовите со висок wellbeing имаат подобри резултати, помал број боледувања и повисока лојалност. Wellbeing повеќе не е „мек бенефит“, туку директно влијае врз продуктивноста и employer branding.

Што значи ова за HR денес?

Комбинацијата од AI, флексибилност и wellbeing ја менува улогата на HR од оперативна во стратешка. Успешните компании ќе бидат оние што:

• Паметно ќе ја користат технологијата,
• Ке понудат флексибилни, човечки политики,
• Ќе ги стават луѓето во центарот на бизнисот.

Во свет каде талентот има избор, HR повеќе од кога било ја дефинира конкурентноста на компаниите.

Прочитај и за: Gen Z и работата: зошто старите HR политики веќе не функционираат?

Тагови: HR трендови

Во 2026 година сите македонски граѓани ќе имаат седум продолжени викенди. Од вкупно 11 неработни денови за сите граѓани, седум или се во петок или понеделник и се поврзуваат со викендот, или пак се во недела и согласно Законот неработните денови се префрлаат во понеделник.

Првиот продолжен викенд ќе биде за време на Рамазан Бајрам, кој е на 20 март во петок, а следен е во април кога се празнува православниот празник Велигден. Така неработни се 13 април, понеделник, за сите граѓани и петок 10 април кој е неработен ден за граѓаните од православна вероисповед.

Граѓаните на продолжен викенд ќе празнуваат и на 1 мај – Денот на трудот, кој е во петок, но и за 24 мај – Денот на сесловенските просветители кој е во недела, но неработен ден е понеделник 25 мај.

Продолжен викенд ќе има и за 2 август кога е Денот на Републиката, кога неработен ден е понеделник 3 август, а следен продолжен викенд има и за Денот на народното востание кој се празнува на 11 октомври. Овој празник е во недела, но со оглед на тоа што станува збор за државен празник, неработен ден е понеделник 12 октомври.

Македонските граѓани ќе празнуваат на продолжен викенд и за Денот на македонската револуционерна борба кој е на 23 октомври, петок.

Со оглед на тоа што за православните граѓани неработни се и 19 јануари, петок, 29 мај, петок пред Духовден и 28 август Успение на Пресвета Богородица, кој е исто во петок, тие ќе имаат уште три продолжени викенди.

Неработни денови за сите граѓани се 1 јануари, Нова Година, 7 јануари Божик, 8 септември, кога се слави Денот на независноста, и 8 декември, вторник, Денот на „Свети Климент Охридски“.

За граѓаните од православна вероисповед неработен ден е и 6 јануари Бадник, кој се празнува во вторник.

За граѓаните од католичка вероисповед неработни се 6 aприл (понеделник), Велигден, вториот ден на Велигден, 1 ноември (недела), Празникот на сите светци, и 25 декември (петок), првиот ден на Божик.

За граѓаните од муслиманска вероисповед неработен ден е 27 мај (среда), Курбан Бајрам, првиот ден на Курбан Бајрам.

Согласно со Законот за празниците на Република Македонија (Сл.весник на РМ број 21/98 и 18/07) во
2026 година неработни денови се:

За сите граѓани на РСМ

• 1 јануари (четврток), Нова Година,
• 7 јануари (среда), Божик, првиот ден на Божик според православниот календар,
• 20 март (петок), Рамазан Бајрам, првиот ден на Рамазан Бајрам
• 13 април (понеделник), Велигден, вториот ден на Велигден според православниот
календар,
• 1 мај (петок), Ден на трудот
• 24 мај (недела) „Св. Кирил и Методиј“- Ден на сесловенските просветители, односно 25 мај (понеделник) е неработен ден,
• 2 август (недела), Ден на Републиката, односно 3 март (понеделник) е неработен ден,
• 8 септември (вторник), Ден на независноста,
• 11 октомври (недела), Ден на народното востание, односно 12 октомври (понеделник) е неработен ден,
• 23 октомври (петок), Ден на македонската револуционерна борба,
• 8 декември (вторник), “Св. Климент Охридски”.

За граѓаните од православна вероисповед

• 6 јануари (вторник), Бадник, ден пред Божик,
• 19 јануари (понеделник), Богојавление (Водици),
• 10 април (петок), Велики Петок, петок пред Велигден,
• 29 мај (петок), Духовден, петок пред Духовден,
• 28 август (петок), Успение на Пресвета Богородица (Голема Богородица).

За граѓаните од католичка вероисповед

• 6 aприл (понеделник), Велигден, вториот ден на Велигден,
• 1 ноември (недела), Празникот на сите светци,
• 25 декември (петок), првиот ден на Божик.

За граѓаните од муслиманска вероисповед
• 27 мај (среда), Курбан Бајрам, првиот ден на Курбан Бајрам

За граѓаните припадници на албанската заедница во РСМ
• 22 ноември (недела), Ден на албанската азбука

За граѓаните припадници на српската заедница во РСМ
• 27 јануари (вторник), Свети Сава

За граѓаните припадници на ромската заедница во РСМ
• 8 април (среда), Меѓународен ден на Ромите

За граѓаните припадници на влашката заедница во РСМ
• 23 мај (сабота), Национален ден на Власите

За граѓаните припадници на еврејската заедница во РСМ
• 21 септември (понеделник), Јом Кипур, првиот ден на Јом Кипур

За граѓаните припадници на бошњачката заедница во РСМ
• 28 септември (понеделник), Меѓународен ден на Бошњаците

За граѓаните припадници на турската заедница во РСМ
• 21 декември (понеделник), Ден на настава на турски јазик.

Тагови: неработни денови продолжен викенд