Како и во изминатите три дена, така и денеска, грчките земјоделци планираат две четиричасовни блокади на граничниот премин Евзони кон нашата земја, со што ќе биде во прекин сообраќајот за сите возила за влез и излез од Грција во периодот од 11 до 15 часот по македонско, или од 12 до 16 по грчко време. Најавени се блокади и во попладневните часови од 17 до 21 часот, односно од 18 до 22 часот по локално време.

Се очекува земјоделците од утре до петок да ги тргнат блокадите поради новогодишните празници за да го олеснат патувањето на граѓаните, како што беше случај и минатата седмица за Божиќ, а в сабота на заеднички состанок да ги одредат нивните следни чекори.

Протестите на земјоделците траат веќе еден месец, започнаа на 30 ноември, поради зголемените трошоци за производство и ниските цени за продажба на нивните производи, поради скандалот со европските земјоделски субвенции, а главното барање е исплатата на заостанатите субвенции.

На граничниот премин Евзони, блокадата започна ден подоцна, на 1 декември откако земјоделци од северна Грција ги паркираа нивните трактори на грчката страна од границата, а речиси секојдневно во изминатиот месец на неколку часа го блокираат сообраќајот за сите возила.

Грчкиот премиер Кирјакос Мицотакис во интервју за телевизијата „Action 24“ се осврна и на протестите на земјоделците изразувајќи надеж дека во периодот од Нова година до Водици во вторник, земјоделците ќе ги тргнат блокадите и ќе го олеснат патувањето на граѓаните, „без големи тешкотии и непријатности“.

Колку повеќе се измачуваат граѓаните, толку повеќе земјоделците ја губат оправданоста на нивните барања, особено кога одбиваат да дојдат на дијалог, нагласи Мицотакис.

Додаде дека не треба да се заборави дека во Грција има речиси 400.000 професионални земјоделци, на блокадите можеби има 4.000 трактори, „но огромното мнозинство од земјоделците и сточарите не учествуваат во блокадите“. 

Тагови: Грција Евзони блокади грчките земјоделци

Интервјуто отвори поширока слика за HR заедницата во Македонија, откривајќи средина во која се преплетуваат отвореноста, поврзаноста и искрената желба за заеднички раст.
Yardena Krongold и Gonçalo Sequeira споделија дека уште при првиот контакт почувствувале силна позитивна енергија, подготвеност за учење и искрена волја за соработка. Според нив, токму чувството на солидарност, меѓусебна поддршка и колективен дух претставува значајна предност во време кога светот станува сè поиндивидуалистички, а улогата на HR се проширува надвор од рамките на компаниите и добива пошироко општествено значење.

Говорејќи за иднината на HR, беа издвоени три клучни насоки: растечкото влијание на вештачката интелигенција, преминот од фиксни работни позиции кон пристап базиран на вештини и зголеменото значење на искуството на вработените. HR ќе има сè поголема одговорност да им помогне на организациите и луѓето да се прилагодат на AI, да препознава и развива таленти без географски ограничувања и да гради култура во која благосостојбата, ангажираноста и чувството на припадност стануваат клучни индикатори за успех. Посебно беше нагласено дека односите, довербата и човечката поврзаност остануваат вредности кои технологијата сè уште не може да ги замени.

Во делот посветен на лидерството и брендирањето, Gonçalo зборуваше за важноста на јасното и храбро позиционирање, особено кај помалите и младите компании кои често се обидуваат да им угодат на сите. Според него, токму фокусот и конзистентната, автентична комуникација создаваат авторитет и видливост, дури и со ограничен буџет. Yardena, пак, сподели пример за успешна HR пракса во која класичните евалуации биле заменети со разговори за раст, што резултирало со поголема ангажираност и подобри бизнис резултати. Заклучокот беше јасен – иднината на HR лежи во градење вистински односи, постојано учење и создавање средина во која луѓето се гледаат и вреднуваат како целосни личности, а не само како улоги.

Тагови: HR вештачка интелигенција

СЕТЕК сé од техника е лидер во областа на ИТ, аудио видео и белата техника, кој на македонскиот пазар е присутен повеќе од 30 години. СЕТЕК сé од техника ја поседува најголемата дистрибутивна мрежа во Македонија.

Моментално вработува:

Референти за продажба во Кавадарци
Референт за продажба во Струга
Референт за продажба во Куманово
Референт за продажба во Скопје

Доколку се уште ја немате пронајдено вашата идеална работна позиција, сите останати акавтивни огласи за вработување можете да ги најдете ТУКА.

Тагови: СЕТЕК Сè од техника ДОО

HR функцијата веќе одамна не е само административна поддршка. Со дигитализацијата, автоматизацијата и сè поголемата употреба на податоци, човечките ресурси прераснуваат во стратешки центар за носење одлуки. Оваа трансформација создава и нови HR улоги, кои секој HR професионалец треба да ги препознае – и навреме да се подготви за нив.

Од дигитален HR до data-driven HR

Првиот чекор беше дигитализацијата: HR софтвери, автоматизирани регрутациски процеси и online onboarding. Денес, фокусот се поместува кон people analytics – користење на податоци за подобро разбирање на перформансите, ангажираноста и задржувањето на вработените.

Токму тука се појавуваат нови, специјализирани позиции.

Нови HR позиции што стануваат стандард

1. People Analytics Specialist / People Data Analyst

Оваа улога анализира податоци поврзани со:

• Флуктуација на кадар
• Перформанси
• Задоволство и ангажираност
• Ефект од HR политики

Целта не е само бројки, туку подобри и поточни HR одлуки.

2. HR Technology Manager / HR Systems Lead

Одговорен за избор, имплементација и оптимизација на HR алатки (ATS, HRIS, LMS). Оваа позиција е мост меѓу HR и IT, со фокус на ефикасност и корисничко искуство.

3. AI Adoption Lead (во HR)

Со растот на AI алатки за селекција, анализа на CV-ја и employee experience, компаниите воведуваат улога која:

• Ги обучува HR тимовите
• Ја следи правилната примена на AI
• Обезбедува усогласеност со етички и правни стандарди

4. Responsible AI & HR Governance Manager

Улога со фокус на етика, транспарентност и заштита на податоци, особено кога AI учествува во процеси како регрутација и оценување на вработени.

5. Employee Experience Designer

Комбинација од HR, UX и аналитика. Оваа улога го дизајнира целокупното искуство на вработениот – од првиот контакт со компанијата до развојот и задржувањето.

Што значи ова за HR професионалците?

• HR повеќе не е само „soft skills“
• Податоците стануваат основа за доверба и влијание
• Аналитичко размислување и технолошка писменост се клучни вештини
• Кариерата во HR нуди повеќе специјализации од кога било

Преминот од HR дигитализација кон people analytics не е тренд – туку нова реалност. HR професионалците кои ќе ги разберат овие нови улоги и ќе инвестираат во соодветни вештини, ќе бидат тие што ќе ја водат трансформацијата на работните места во иднина.

Прочитајте и за: Работи што кандидатите ретко ги кажуваат - а HR мора да ги препознае

Тагови: HR трендови