Илон Маск стана првата личност чија проценета нето вредност надмина 600 милијарди американски долари, според пресметките на списанието „Форбс“.

Зголемувањето е поттикнато од неодамнешната продажба на акции во вселенската компанија на Маск, „Спејс-Икс“, од страна на некои вработени и инвеститори. „Форбс“ ја искористи цената утврдена во трансакциите за да процени повисока вкупна вредност за компанијата, што пак, ја зголеми пресметката на уделот на Маск. Само неколку часа претходно, „Форбс“ ја процени нето вредноста на Маск на околу 500 милијарди долари, пренесе ДПА.

Богатството на Маск е првенствено поврзано со неговите удели во производителот на електрични автомобили „Тесла“ и „Спејс-Икс“.

За разлика од „Тесла“, „Спејс-Икс“ е во приватна сопственост, што значи дека неговата вредност не е одредена од јавната цена на акциите. Во таков случај, проценките се зановаат на рунди на финансирање или продажба на акции од страна на вработените и може значително да се разликуваат од евентуалната пазарна вредност. Врз основа на цената по којашто вработените можеа да ги продадат своите акции, „Форбс“ пресмета вкупна вредност на „Спејс-Икс“ од 800 милијарди долари, што е зголемување од претходната проценка од 400 милијарди долари.

Со оглед на тоа што Маск поседува околу 40 отсто од „Спејс-Икс“, ревидираната проценка на „Форбс“ ја зголеми неговата проценета нето вредност на 677 милијарди долари. 

Тагови: Илон Маск најбогат човек Форбс

Најплатените професии во Македонија се постојано во фокусот на јавноста, особено кај младите кои планираат кариера и сакаат стабилна финансиска иднина. Во последните години, трендовите јасно покажуваат дека највисоки плати добиваат стручњаците кои работат во технолошки, финансиски и управувачки сектори. Овие области се развиваат брзо, а побарувачката расте, што природно ја зголемува и вредноста на експертите.

Технолошките професии, како софтверски инженери, data analysts, IT архитекти и cybersecurity специјалисти, се меѓу најплатените на пазарот. Причината е едноставна — компаниите постојано инвестираат во дигитализација, а квалитетни ИТ кадри има помалку од потребното. Високи плати добиваат и медицинските специјалисти, финансиските експерти и инженерите во специфични индустрии, каде што стручноста и долгогодишното искуство играат клучна улога.

Во управувачките и раководните позиции, како директори, менаџери, HR лидери и маркетинг директори, платите исто така се значително повисоки од просекот. Овие улоги носат голема одговорност и бараат стратегиско размислување, лидерски вештини и искуство во носење важни деловни одлуки. Иако платите варираат по индустрија, едно е сигурно — професиите што создаваат вредност, иновација и управување со ресурси секогаш се меѓу најдобро платените во земјата.

Тагови: IT security - IT безбедност Македонија медицина најплатени професии

Пред повеќе од една година, Agile Pro Solutions донесе стратешка одлука: отворање на нова канцеларија во Тетово. Целта беше јасна – да го диверзифицираме нашето портфолио и да го засилиме тимот на агенти за продажба, фокусирани на динамичниот американски пазар.

Предизвикот започна веднаш. Првиот тим од десетина вработени, за да ја добие потребната експертиза, започна интензивна двомесечна обука во Скопје, со секојдневно патување. Оваа фаза не само што ги подготви за работа, туку и ја постави основата на нивниот другарски однос.

Тимска Култура која Прави Разлика

Првите неколку месеци, како и секој нов почеток, беа проследени со неизвесност и адаптација. Имаше чести промени во динамиката и во тимот, но она што набрзо се стабилизираше е културата, која повеќе потсетува на семејна отколку на компаниска. Во светот на продажба каде што често владее индивидуален натпревар, тимот на Agile Pro Solution во Тетово разви нешто ретко и вредно: несебично чувство за колегијалност и искрено другарство.

Оваа уникатна култура се манифестира низ:

• Комплетна поддршка за секој ново-вработен.
• Меѓусебно помагање во секој поглед – од споделување на успешни стратегии до надминување на предизвиците.
• Изградена е силна синергија каде што секој вработен се бори и за себе и за тимот.

Деловен Успех и Висока Мотивираност на Тимот

Благодарение на оваа поддржувачка и мотивирачка работна атмосфера, деловните резултати се повеќе од импресивни.

Успехот на нашиот тим во Тетово е директен доказ дека кога луѓето се чувствуваат вреднувани, поддржани и дел од нешто поголемо, тие не само што работат подобро, туку и градат поуспешна компанија. Таа синергија јасно се гледа и во бројките и во високата мотивираност и задоволство на сите вклучени.

Придружи се на Нашиот Тим!

Ако сте личност која верува дека успехот доаѓа преку тимска работа, поддршка и континуиран развој, тогаш Agile Pro Solutions е вистинското место за вас. Отворени сме за вработување на нови таленти кои се подготвени да бидат дел од оваа успешна приказна.

Аплицирајте денес и станете дел од тимот кој докажува дека продажбата може да биде и пријателска и високо успешна!

Тагови: Agile Pro Solutions

Утрово делови од Македонија се со зголемени концентрации на ПМ10 честички, при што Тетово (111 μg/m³), Велес (106 μg/m³) и Струмица (95 μg/m³) се меѓу градовите со највисоки измерени вредности. Според важечката легенда, овие нивоа спаѓаат во категоријата „многу високо“ за Тетово и Велес, а „високо“ за Струмица, што укажува на потреба од зголемено внимание, особено кај чувствителните групи.

Други градови како Битола и Кавадарци (по 79 μg/m³) исто така влегуваат во зоната на висока загаденост, додека Гевгелија (61 μg/m³), Гостивар (60 μg/m³), Кичево (55 μg/m³) и Скопје (52 μg/m³) бележат умерено зголемени вредности над нормалата. Во Охрид (39 μg/m³) и Куманово (27 μg/m³) воздухот е во рамките од многу ниско до нормално ниво, додека Лазарополе со само 2 μg/m³ останува меѓу најчистите локации според утринските мерења.