Во шестата епизода на „На Каде Одиме?“ ни гостува Лилјана Алексова – личен водич за семејни финансии, која ни отвора врата кон светот на финансиската писменост и практичните стратегии за управување со семејниот буџет.

Со Лилјана зборуваме за професијата судски вештак – што всушност значи таа работа, какви знаења и вештини се потребни за да се успее во оваа професија, како и предизвиците и задоволствата кои ги носи секојдневното работење. Таа ни ја објаснува и важноста на финансиската анализа и како правилното управување со бројки може да влијае врз сигурноста и стабилноста на едно семејство.

Во разговорот, Лилјана ни открива како се роди нејзиниот нов проект Money Master – иницијатива која има за цел да ги едуцира и води луѓето низ сложениот свет на потрошувачката кошничка и финансиските одлуки. Тука ги споделува своите искуства, изненадувањата со кои се соочи во процесот и реакциите на групата која била дел од курсот.

Ова е епизода која нуди практични совети, инспирација и корисни информации за секого кој сака да ја подобри својата финансиска писменост, да изгради стабилна финансиска основа и да донесува паметни одлуки за своето семејство. 

🎧 Епизодата е достапна на YouTube и Spotify:

Тагови: интервју поткаст

🥇 КАМ деветта година по ред е број 1 префериран ланец на маркети во Македонија за 2025/2026 година.

Оваа позиција е резултат на континуирана доверба и силна поддршка од потрошувачите, a e потврдена преку најновите истражувања на Инсајдер ИД 🚀

Приближно 78% од потрошувачите го избираат КАМ како своето главно место за пазарење. 🙌

КАМ е на лидерска позиција и во поткатегориите:

✅ Највисока лојалност на потрошувачите

✅ Најдобар сооднос цена–квалитет

✅ Најдобра достапност

Благодарност до сите потрошувачи кои се дел од нашата успешна приказна цели 30 години!

Тагови: Кам Доо Илинден

Секое краткотрајно застанување на булеварите во Скопје, надвор од обележаните паркинг-зони, ќе биде санкционирано, најави началникот на СВР Скопје, Сашо Топаловски, во гостување во емисијата „Претрес“. Новите полициски возила опремени со камери ќе бидат директно поврзани со системот „Безбеден град“ и ќе регистрираат несоодветно паркирање без потреба од директна интервенција на сообраќајната полиција.

Топаловски истакна дека возилата ќе патролираат по цел ден, по неколку часа на различни локации низ градот, со што ќе се опфатат најфреквентните булевари и критични точки каде често се создаваат метежи. Сите оние кои ќе помислат дека ќе може да ја остават колата и некаде да отидат да завршат некоја работа, притоа да создадат гужва на таа сообраќајница, сега ќе имаат казна, предупреди тој.

Началникот на СВР Скопје испрати и јасна порака до потенцијалните сообраќајни прекршители. Според него, новиот систем ќе ја намали толеранцијата кон т.н. „паркирање на пет минути“ на булеварите и ќе го направи секое такво застанување финансиски неодржливо. „Морам да им кажам и една порака да испратам на тие кои планираат да бидат сообраќајни прекшители, тоа нема да биде исплатливо“, нагласи Топаловски.

Тагови: Сејф сити - Безбеден град Скопје Сашо Топаловски

Декември секогаш носи празнична магија – но и зголемени трошоци. Подароци, украсувања, излегувања и празнични трпези сигурно го полнат календарот, но често и го празнат паричникот. За да го избегнете финансискиот стрес, првиот чекор е да одредите јасен буџет. Планирајте однапред колку можете да потрошите и држете се до таа бројка – ова е наједноставниот начин да имате контрола врз трошоците.

Вториот чекор е внимателно и стратешки да ги купувате подароците. Наместо да брзате и купувате во последен момент, направете листа и следете ги акциите. Многу продавници нудат предновогодишни попусти, а често најубавите подароци не се најскапите. Размислете и за креативни, персонализирани подароци – се издвојуваат повеќе, а често чинат многу помалку.

И на крај – празничната атмосфера не зависи од луксузот, туку од моментите со најблиските. Намалете ги непотребните излегувања, планирајте домашни дружења и готвење со пријателите. На тој начин не само што заштедувате, туку создавате поинтимни и искрени моменти. Со малку организација и паметни избори, празниците може да бидат убави, топли и финансиски опуштени.

Тагови: пари трошоци декември буџет