Од денеска официјално стартува системот „Сејф сити“ во рамки на проектот „Безбеден град, безбедна држава“, со што на улиците и патиштата низ државата се активираат нови интелигентни камери за следење на сообраќајот. Во пробниот период до Нова година, возачите за регистрираните прекршоци ќе добиваат само предупредувања, без парични казни, додека од јануари санкциите стапуваат во целосна сила.

Во првата фаза автоматски ќе се детектираат пречекорување на брзина, минување на црвено светло, возење со истечена сообраќајна дозвола и непрописно паркирање. Сопствениците на возилата ќе добиваат СМС и е-пошта со записник и платен налог; во првите осум дена казната ќе може да се плати на половина износ, а потоа во целост. Системот предвидува и целосно електронско плаќање, со што се поедноставува постапката за граѓаните.

Камерите се поставени во Скопје, Тетово и Куманово, како и долж автопатите и експресните патишта на коридорите 8 и 10, а до средината на следната година „Сејф сити“ треба да ја покрие целата територија на државата. Надлежните очекуваат системот да придонесе за поредовен и побезбеден сообраќај, особено на критичните точки како пешачки премини и тротоари, каде често се случуваат тешки и фатални несреќи. Првите ефекти, велат, ќе бидат видливи веќе во наредните недели, кога камерите ќе снимаат и предупредуваат, а од Нова година и ќе казнуваат.

Тагови: казни Сејф сити - Безбеден град

Вечерва мерните станици во Македонија регистрираат значително загадување на воздухот со ПМ10 честички, при што Кичево со 278 µg/m³, Велес со 211 µg/m³ и Кавадарци со 151 µg/m³ се меѓу најзагадените градови. Според важечката легенда, концентрациите над 180 µg/m³ се сметаат за екстремно високи, а до 180 µg/m³ многу високи, што укажува на зголемен ризик за чувствителните групи на население.

Во Тетово се измерени 111 µg/m³ (многу високо ниво), додека Струмица (87), Битола (75) и Гостивар (71) се во категорија на висока загаденост. Во останатите градови состојбата е подобра: Гевгелија (47) и Скопје (46) се во граници на нормално ниво, Куманово (28) има малку над многу ниско, додека Охрид (15) и Лазарополе (4) вечерва бележат многу ниски концентрации на ПМ10.

Концентрација на ПМ10 честички во воздухот измерена во 05ч. Дозволена количина 50 µg/m³.

Скопје

Македонија

Внимавајте, од утре камерите на „Сејф сити“ ве снимаат. Министерството за внатрешни работи стартува со системот „Безбеден град, безбедна држава“, кој автоматски ќе регистрира сообраќајни прекршоци и ќе ги казнува прекршителите. До Нова година е предвиден пробен период.

Возачите ќе добиваат само предупредувања, без изрекување казни. Од јануари системот влегува во целосна примена.

„Сторителите на прекршоци кои ќе бидат документирани преку системот Безбеден град ќе бидат санкционирани согласно одредба која ја регулира најголемата дозволена брзина на движење на возилата, односно нема да има толеранција без разлика дали ќе се документира прекршок во населено место или надвор од населено место“, вели Гоце Андреевски – портпарол на МВР.

Секој сопственик на возило чие прекршување ќе биде документирано, ќе добие СМС и мејл известување со линк, на кој ќе може да преземе записник и платен налог.

Од моментот на приемот, тече рок од осум дена за плаќање половина казна.

По истекот, износот мора да се плати целосно во следните осум дена, пред да започне постапката за присилна наплата.

Казните ќе може да се плаќаат и електронски, а системот веднаш ќе го известува МВР дека глобата е платена.

Тагови: Сејф сити - Безбеден град Скопје

Социјајните медиуми, од постови на пријателите и блиските, се претворија во шопинг молови, рекламни паноа и содржина од инфлуенсери. 

Тоа е една од причините се повеќе луѓе, особено помладите генерации, да го напуштат објавувањето на социјалните медиуми.

Тагови: Instagram социјални мрежи