Оваа година KARIERA.mk слави 9 години постоење! 🎂

За нас, овие години значат многу повеќе од бројка, тие претставуваат заедница која расте, се развива и создава илјадници нови кариерни приказни.

🌟 9 години поврзуваме луѓе, компании и создаваме можности

Во изминатиот период, дојдовме до бројки кои ни го исполнуваат срцето и ни ја потврдуваат мисијата:

✔️ Над 240.000 зачленети корисници на платформата

✔️ Повеќе од 6.700 зачленети компании 

✔️ Илјадници нови вработувања секоја година

✔️ Растечки број алатки, услуги и поддршка за кандидати и HR професионалци

✔️ Успешни настани, работилници и Career Days кои ги поврзуваат барателите на работа со компаниите

Секој оглас, секое испратено CV, секое ново вработување е дел од приказната што ја пишуваме заедно.

KARIERA.mk денес е многу повеќе од веб-сајт за огласи за работа.

Во последните 12 месеци ја проширивме нашата понуда и ја продлабочивме поддршката за компаниите и кандидатите:

• Нова генерација на алатки за HR и селекција
• Подобрена MojaKARIERA зона за кандидатите
• Подобрена иновативната алатка HR Scanner, која го трансформира начинот на регрутација
• Преку Career Days, работилници и HR настани, поврзуваме заедници и градиме поуспешен пазар на труд
• Содржини, трендови, поддршка и професионален развој на едно место

❤️ 9 години доверба, поддршка и инспирација

Нашата најголема сила се луѓето, кандидатите кои ја почнуваат својата приказна, компаниите што градат тимови и партнерите што веруваат во нас.

Ви благодариме што 9 години нѐ правите дел од најважните професионални моменти.

🎯 Ова е само почеток

Влегуваме во свечениот 10-ти јубилеј со огромна мотивација, да креираме уште повеќе можности, уште подобри алатки и уште посилна заедница.

Среќен 9-ти роденден, KARIERA.mk!

Да продолжиме да создадеме успешни приказни, заедно. 🎉💼✨

Тагови: Кариера Онлајн

Новогодишната ноќ е идеална прилика да заблескате и да го покажете својот уникатен стил. Без разлика дали сакате елегантност, сјај или модерна минималистичка комбинација, следните три тренди стајлинзи ќе ви помогнат да создадете впечаток и да се чувствувате уверено цела вечер.

Класична елеганција со црвено и злато

Црвен фустан или костум во комбинација со златни детали е вечна класика за празничната сезона. Додадете дискретни златен накит и чевли, и ќе имате стил што ја истакнува вашата женственост или харизма без премногу екстра детали.

Сјај и металик детали

Сребрени или бронзени тоалети, искомбинирани со светкави аксесоари, ќе ве направат вистинска ѕвезда на новогодишната вечер. Металик материјали се тренд број еден и додаваат модерна, динамична нота на секој стајлинг.

Монохроматски минимализам

Бела, црна или крем комбинација од топ и панталони или здолниште создава чист, стилски изглед. Додајте едноставни чевли и дискретен накит за минималистичка, а сепак впечатлива новогодишна естетика.

Без разлика дали ќе изберете класика, сјај или минимализам, најважно е да се чувствувате удобно и уверено. Топ 3 комбинации за оваа нова година се тренди, лесни за комбинирање и сигурно ќе ве направат ѕвезда на секоја забава.

Тагови: мода тренд новогодишна ноќ

Генерацијата Z полека станува доминантна сила на пазарот на труд, но една статистика ги загрижува работодавачите низ целиот свет: 60% од припадниците на Gen Z ја менуваат работата во рок од помалку од две години. Овој тренд ја редефинира динамиката на задржување таленти и поставува нови предизвици за HR професионалците.

Според најновите анализи, младите вработени не ја напуштаат само компанијата – тие го напуштаат и моделот на традиционална кариера. Причината? Повеќе фактори:

1. Потрага по побрз развој и учење

Gen Z очекува јасни можности за напредување, менторство и реален кариерен раст. Ако развојот е спор – тие продолжуваат понатаму.

2. Потреба од флексибилност

Оваа генерација ја става рамнотежата меѓу приватното и професионалното повисоко од сите претходни. Флексибилно работно време, хибридно работење и додатни слободи играат клучна улога во одлуката дали да останат.

3. Култура на компанијата

Gen Z сака транспарентни, етички и инклузивни компании. Микроменаџирањето, недоволно признание или токсична средина се директен „аларм“ за заминување.

4. Финансиска мотивација и стабилност

Младите отворено зборуваат за платата и условите. Ако пазарот нуди повеќе – тие скокаат.

5. Желба за значење и влијание

Работа „само за плата“ не е доволна. Gen Z бара цел, вредности и мисии со кои може да се поистовети.

Што може да направат компаниите?

За да ги привлечат и задржат младите таленти, организациите треба да создадат јасна стратегија:

• Воведување брзи, микро-учења и кариерни патеки
• Редовен feedback и менторска поддршка
• Флексибилни модели на работа
• Програми за признавање и наградување
• Транспарентна комуникација и вклучување во одлуки
• Посилно employer branding присуство

Генерацијата Z не е „нелојална“ – таа е прагматична. Таа останува таму каде што расте, е слушната и има простор за влијание. Компаниите што ќе го препознаат овој тренд навреме ќе создадат конкурентна предност и ќе задржат таленти што ја движат иднината.

Прочитајте и за: HR Револуција: Од администратор до стратешки партнер

Тагови: HR работа генерација Z

Изминатите четири дена лишени од слобода седум лица за безобзирно управување на возило согласно член 297-а од Кривичниот законик и санкционирани 2.415 сообраќајни прекршоци.

Како што информираат од МВР, во периодот од (17/20.11.2025) како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 2415 издадени платни налози, 435 прекршоци се однесува на возачи кои не ја почитувале пропишаната брзина на движење.

Лишени од слобода за безобзирно управување на возило согласно член 297-а од Кривичниот законик биле седум лица, од кои шест за возење под дејство на алкохол, а едно лице за возење со брзина поголема од дозволената надвор од населено место.

Понатаму, според статистичкиот преглед од полициските активности, евидентирани се 824 прекршоци за неправилно паркирање, 270 мерки се изречени за возачи кои управувале возило без возачка дозвола, 16 санкции за минување на црвено светло, изречени се 175 мерки за прекршоци што ги прават пешаците, како и 23 санкции за возење под дејство на алкохол.

Санкционирани се и 115 учесници во сообраќајот кои што не користеле сигурносен појас, како и 79 мерки за возачи поради користење мобилен телефон при возење. Согласно Законот за возила, 74 возила биле отстранети од сообраќај заради тоа што биле нерегистрирани, а 25 заради техничка неисправност. Изречени се и соодветни мерки за седум возачи на моторни возила поради затемнети стакла односно непрописно вградени фолии.

Сообраќајните контроли продолжуваат и во наредниот период. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта, апелираат од МВР.

Тагови: казни МВР