Што е тироидна жлезда?

Тироидната жлезда е мала, но исклучително важна жлезда во облик на пеперутка, лоцирана во предниот дел на вратот. Таа ја контролира работата на многу процеси во телото преку лачење на хормони кои го регулираат метаболизмот, енергијата, температурата, па дури и расположението. Кога нејзината работа е нарушена, може да дојде до состојби како хипотироидизам (намалена функција) или хипертироидизам (зголемена функција).

Симптоми на нарушена работа

Кога тироидната жлезда не функционира правилно, телото веднаш го чувствува тоа. Кај хипотироидизам се јавуваат замор, зголемена телесна тежина, сува кожа, пад на коса, студенило и намалена концентрација. Од друга страна, хипертироидизмот може да предизвика забрзано чукање на срцето, губење тежина, потење, нервоза и несоница. Кај жените, проблемите со тироидната често влијаат и на хормоналната рамнотежа и менструалниот циклус.

Решенија и третман

Раното откривање е клучно! Редовните лекарски прегледи и хормоналните анализи можат навреме да откријат нарушувања. Лекувањето зависи од типот на проблемот и може да вклучува медикаментозен третман, промена во исхраната и намалување на стресот. Здрава исхрана богата со јод, селен и витамин D, како и доволно сон и физичка активност, може значително да помогнат во стабилизирање на тироидната функција.

Тагови: здрава храна здравје Тироидната жлезда

Според податоците на Евростат, 71 отсто од граѓаните на Европската Унија(ЕУ) патуваат во рамки на сопствената земја, 21 отсто во други земји на Унијата, а само 8 отсто надвор од ЕУ.

Само 8 отсто од Шпанците патуваат надвор од својата земја.  Зад нив се Французите и Романците, со по 9 отсто од патувањата во други земји од ЕУ. На спротивниот крај се Луксембург (78 отсто), Белгија (62 отсто) и Малта (48 отсто). 

Анализата на „Europe in Motion“ покажува дека жителите на Луксембург трошат најмногу, односно во просек 1.758 евра за патување во странство подолго од четири ноќевања.

Тагови: Европа Евростат патување

Од 15-ти ноември 2025 година стапува на сила обврската за задолжително поседување на пропишана зимска опрема во моторните возила и мобилните машини. Доколку овие правилa не се почитуваат, согласно Законот за безбедност на патниот сообраќај, на секој возач кој не постапува по одредбите ќе му биде издаден платен налог со глоба од 45 евра во денарска противредност, и ќе му се регистрираат 25 негативни бодови.

Законските одредби и Правилникот предвидуваат дека моторните возила со најголема дозволена маса до 3.500 килограми треба да поседуваат зимски пневматици на сите тркала со минимална длабочина на шарата од 4мм. Ако возилото има летни пневматици со истата минимална длабочина на шарата, потребно е да се поседуваат синџири за снег кои одговараат на големината на погонските тркала.

За возилата со погон на сите тркала (4х4), зимски пневматици со минимална длабочина на шарата од 6мм или летни пневматици од 4мм се потребни, доколку имаат синџири за снег за задната осовина или погонските тркала. Возилата над 3.500 кг задолжително треба да имаат зимски пневматици на сите тркала, или во случај на летни пневматици, соодветни синџири за снег. Автобусите и товарните возила кои не можат да постават синџири се обврзани да носат зимски пневматици на погонските тркала и прирачен алат.

Тагови: зимска опрема казни

Вечерва Кавадарци е на врвот според загаденоста со 185 μg/m³ ПМ10 честички, што е највисоко измерено ниво во Македонија и значи екстремно загадување. Веднаш зад него се Тетово со 147 μg/m³ и Струмица со 139 μg/m³, каде концентрациите сочинуваат многу високо загадување според последните мерења.

И другите градови како Велес со 120 μg/m³ и Гостивар со 84 μg/m³ исто така имаат високи вредности над дозволеното. Скопје вечерва има значително пониски вредности со 59 μg/m³, додека Лазарополе останува со чист воздух и само 2 μg/m³. Граѓаните се советуваат да го следат квалитетот на воздухот и да преземат мерки доколку е можно.

Концентрација на ПМ10 честички во воздухот измерена во 06ч. Дозволена количина 50 µg/m³.

Скопје

Македонија