Бесплатна Академија за животни професионални вештини (платен хонорар)
Бараш работа или сакаш да смениш професионална насока?
Oтвораме 10 места за бесплатна 12-месечна академија во Скопје, каде што учиш низ работа на реални проекти. Учесниците добиваат платен хонорар од 30.000 денари, според условите на програмата и договорот за учество, и стекнуваат искуство што можат да го наведат во своето CV.
Што ќе правиш?
Со тим ќе тестираш идеи, ќе развиваш производи и услуги и ќе работиш со првите клиенти. Ќе пробуваш различни улоги за да откриеш во која насока сакаш да продолжиш. Покрај работата, те очекуваат и активности за личен развој, тимска работа и самодоверба, како и заеднички дружења, планинарење, културни настани и посета на компанија во странство.
Што добиваш?
- Бесплатна обука и менторство од искусни инструктори и експерти
- Месечен платен хонорар
- Практично искуство за твоето CV
- Комуникациски, тимски, дигитални и други применливи вештини
- Нови пријателства и професионални контакти
Кој може да се пријави?
Ако имаш 25–35 години, знаеш англиски и користиш компјутер, можеш да аплицираш без претходно работно искуство, без бизнис-идеја и без претходна обука. Доволна е желбата да учиш и да создаваш. Академијата трае 12 месеци и има флексибилен распоред што вклучува викенди и повеќедневни активности надвор од работната средина.
Како да аплицираш?
Испрати кратка пријава на [најави се за да го видиш е-маилот] најдоцна до 16 ноември. Потоа следуваат формулар со неколку прашања, разговор со избраните кандидати и заедничка пробна активност.
Не бараме совршено CV. Бараме луѓе што сакаат да направат промена.