Промовирани огласи »

Црна Гора го укина задолжителниот ПЦР тест

Мерките се олабавуваат

Министерката за здравство Јелена Боровиниќ-Бојковиќ ијави дека се укинува забраната за меѓуградски превоз за време на викендот исто така истакна и дека за влез во државата повеќе нема да биде потребен тест.

Бојковиќ кажа дека останува забраната за прославата на Василица.

– Забраната за прослава на Нова година според Јулијанскиот календар е забранета на отворено и во затворен простор, истакна Боровиниќ-Бојовиќ.

Таа наведе дека угостителските објекти ќе продолжат да работат од седум до 20 часот, но останува забраната за музика во живо.

Промовирани огласи »

Комисијата за енергетика предлага освен социјалните случаи субвенции за струја да се даваат и на пензионери со ниски пензии, граѓани со минимална плата и граѓани погодени од кризата, пишува Вечер пресс.

Целта како што велат од РКЕ е да се намали енергетската сиромаштија во државата, бидејќи поради кризата зголемен е бројот на граѓани кои останаа без работа и немаат пари да си ги платат сметките за струја. Предлог за зголемување на опфатот на ранливи категории потрошувачи кој ќе добиваат субвенции за струја од државата е доставен до Министерството за економија.

Во ранливи категории сега ќе влезат и домаќинствата во кои нема ниту еден вработен и кои не се корисници на постојана социјална парична помош и немаат друг извор на приход, домаќинствата кои имаат невработено лице корисник на паричен надоместок од Агенцијата за вработување во висина на постојната социјална помош и е единствен приход во домаќинството, како и домаќинствата кои се со повеќе од два члена во кои има еден член што е пензионер и добива минимална пензија, односно е во првата група, и тоа е единствен приход во домаќинството. Исто така ќе бидат вметнати и домаќинства со повеќе од два члена во кои има само еден вработен со минимална плата чиј износ се движи во висина на постојана социјална парична помош и нема други приходи во домаќинствата. Дополнително, имајќи ги предвид проблемите кои ги предизвика кризата во економијата, од РКЕ предлагаат во ранливите потрошувачи да се вметнат и домаќинствата кои имаат невработено лице од 1 април 2020 година што е корисник на парична помош во случај на невработеност од Агенцијата за вработување.

Освен тоа, за ранливи категории потрошувачи остануваат да важат досегашните правила според кои не смее да им се исклучи струја во зимски месеци, не смее да бидат исклучени доколку не им се платени три сметки, можност за плаќање на рати, неплаќање надоместок за повторно вклучување… Целта, како што велат од РКЕ е преку субвенционирање на одредена сума од страна на државата да им се помогне на домаќинствата кои не се во финансиска состојба да ги подмират сметките.

Според претседателот, Марко Бислимовски засега не се очекува зголемување на цената на струјата и додава дека во кризата енергетските компании имале сериозен проблем со наплатата и со ликвидноста но дека сега ситуацијата се смирува полека.

-ЕСМ има обврски да ги обезбеди потребите на малите потрошувачи и на домаќинствата и тоа по цена која сама си ја определува, бидејќи РКЕ повеќе не ја определува цената на ЕСМ за струјата. Според информациите кои ги имаме, сега цената на ЕСМ изнесува 38,8 евра за мегават час. Факт е дека имаме намалено производство од хидро капацитетите во државата кое пред сè се должи на лошата хидрологија која кон крајот на 2020 година ја имаше не само во нашата земја туку и во регионот и од тие причини имаше потреба од увоз на електрична енергија, но ЕСМ е обврзан во рамките на таа цена којашто ја понудил од 38,8 евра за мегават час да ги обезбеди потребите на малите потрошувачи и на домаќинствата. Дали ќе увезува дополнително или не тоа од аспект на цена не е битно, бидејќи во калкулациите на РКЕ влегува цената која ја нуди ЕСМ и во рамките на таа цена ЕСМ ќе си ги покрие своите трошоци за увоз на електрична енергија, вели Бислимовски.

Според последните податоци на Министерството за труд и социјална политика по 1.000 денари месечен надоместок во време на грејна сезона добиваат 32 до 33 илјади домаќинства во државата.

Промовирани огласи »

Колку е моќен македонскиот пасош?

Во колку земји можеме да патуваме без визи?

Нашите и црногорските пасоши нудат исти можности и отвораат ист број граници без виза. 

Со македонскиот пасош без виза се патува во 124 држави во светот. 

Тој се најде на 45 место на листата на земји во светот според бројот на држави во кои македонските граѓани можат да влезат без виза. Носителите на македонски пасош, како што објави „Хенли паспорт“ индексот за првиот квартал од 2021 година, без виза можат да патуваат во 124 држави.

Нашата земја 45-то место го дели со Црна Гора. На врвот на листата е рангирана Јапонија, со чијшто пасош без виза може да се патува во 191 земја од вкупно 199 колку што ги има на листата. Зад Јапонија е Сингапур со слободен влез во 190 земји, а веднаш потоа и Германија и Јужна Кореја со чии што пасоши може слободно да се патува во 189 земји во светот. 

Од државата во регионот највисоко е рангирана Грција, којашто го дели осмото место и слободен влез во 184 земји. Словенија е на 12 место и слободен влез во 180 држави, Бугарија и Хрватска го делат 18-то место за слободен влез во 171 земја, Србија е на 38 место со безвизен влез во 134 земји, Босна и Херцеговина е 49-та со влез во 117 земји, Албанија на 52 место и влез без виза во 114 земји, а Косово го споделува 102-то место со слободен влез во 40 држави. На дното на листата се Сирија, Ирак и Авганистан.

Во 2018 година јапонскиот беше најмоќен пасош.  Година претходно, сингапурскиот пасош беше број еден во светот. 

Промовирани огласи »

Гуангжу, Кина - Биткоинот и другите дигитални монети во понеделникот извадија околу 170 милијарди долари од целиот пазар на крипто-валути.

Пазарната капитализација или вредноста на пазарот на крипто-валути беше 959,53 милијарди долари во 12.10 часот. По времето на Сингапур, помалку од 1,1 трилиони долари еден ден порано, според Coinmarketcap.

Биткоинот, најголемата криптовалута, падна за над 11 отсто од претходниот ден на 35.828,06 американски долари, околу 12:15 часот. По сингапурско време, Етер, вториот по големина, забележа пад од околу 15 отсто до 1.126,72 долари.

Продажбата во криптовалути доаѓа по огромниот митинг и можеби сигнализира одредена заработка од инвеститорите. Биткоинот сè уште е во пораст над 340 отсто во последните 12 месеци и минатата недела достигна историски максимум нешто под 42.000 УСД.

„Корекцијата што ја видовме беше очекувана бидејќи веруваме дека скокот на цената на БТК од неодамна од 20.000 до 40.000 УСД во изминатите четири недели ќе предизвика притисок во продажбата“, изјави за CNBC Симонс Чен, извршен директор за инвестиции и трговија во фирмата за финансиски услуги со криптовалути Бабел Фајнс .

Ознаката од 40.000 американски долари можеше да биде причина за профит, рече Чен.

Оживувањето на Биткоинот се припишува на низа фактори, вклучително и поголемо купување од големи институционални инвеститори.

Исто така, тој се спореди со „дигитално злато“, потенцијално безбедно засолниште и заштита од инфлацијата. Во неодамнешната истражувачка белешка, од JPMorgan нагласија дека биткоинот може да достигне 146.000 американски долари на долг рок, бидејќи се натпреварува со златото како „алтернативна“ валута. Стратезите на инвестициската банка забележаа, сепак, дека биткоинот ќе мора да стане значително нестабилен за да ја достигне оваа цена. Биткоинот е познат по диви промени во цените.

Но, некои критичари на биткоинот - како Дејвид Розенберг, економист и стратег во „Розенберг Рисрч“, го нарекоа биткоинот меур.

Џен Чу, основач на трговската фирма насочена кон ризичен капитал „Кенетик капитал“, која е насочена кон крипто валута, рече дека повлекувањето на биткоинот може да биде добра влезна точка за купување на инвеститорите.

„Оваа краткорочна корекција е природна и потребна и е одлична влезна точка за долгорочните инвеститори бидејќи набрзина достигнуваме 50 илјади УСД овој квартал и 100 илјади до крајот на годината“, изјави Чу за Си-Ен-Би-Си.

Минатата недела, имаше предвидувања дека биткоинот може да надмине 100.000 УСД.

„Веројатно ќе достигне 100.000, па 150.000, па 200.000“, изјави Палихапитија за „Извештајот за полувремето“ на CNBC. „Во кој период? Не знам, можеби пет или 10 години, но тоа оди натаму“, гласи изјавата.

Вчитај повеќе вести...
барај огласи за вработување »