И покрај тоа што Владата најави во Србија денеска нема да може да се влезе без негативен ПЦР тест.

Од Владата велат дека мерката ќе стапи во сила деновиве откако ќе се завршат сите административни процедури.

Ваквата одлука ја донесоа премиерот Зоран Заев заедно со албанскиот премиер Еди Рама и српскиот претседател Александар Вучиќ, меѓутоа иако по состанокот македонската Влада соопшти дека мерката во сила ќе стапи денеска Вучиќ во саботата изјави дека сепак македонските граѓани во Србија ќе можат да влезат без негативен ПЦР тест дури на 10ти ноември. 

„Lucky days” од 02-08 ноември во „Нептун” - продажна акција со најголеми попусти! Овие “Среќни денови” потрошувачите ќе може да купуваат производи со најголеми попусти и до 60 рати. Разгледајте ги понудите во 25-те продажни салони на Нептун ширум Македонија или онлајн на Neptun.mk и изберете од најголемиoт избор на: телевизори, фрижидери, машини за перење и сушење, плотни, фурни, лаптопи и таблети, мобилни телефони, мали апарати за домаќинство и апарати за нега и убавина од брендовите: Beko, Samsung, LG, Huawei, Sony, Apple, Grundig, Elektrolux, Candy, Asus, Acer, Lenovo, Fuego, Bosch, Tefal, Rowenta и многу други.

Акцијата важи за купување во Нептун продажните салони ширум Македонија, но и за онлајн продажба преку веб сајтот Neptun.mk и преку нивната мобилна апликација за онлајн шопинг NEPTUN достапна на Play Store и App Store. Не пропуштајте ја оваа идеална прилика за шопинг по супер цени, посетете ги “Нептун” продавниците и уживајте во овие 7 среќни денови!

Нептун Македонија периодов претстави нова маркетинг комуникација преку зборот „АЈДЕ“ и новиот слоган „ЖИВЕЈ ПОДОБРО, СЕКОЈ ДЕН“. Зборот „АЈДЕ“ кој е карактеристичен за ова поднебје, е покана, поттик за купувачите да влезат во НЕПТУН светот и преку нивните работни процеси да им овозможи на потрошувачите подобар живот. „АЈДЕ“ значи „АЈДЕ во Нептун“, „АЈДЕ дојди кај нас“, „Ајде истражи“, „АЈДЕ купи на рати без камата“ и многу повеќе. Значи, за подобар квалитет на живот, кој подразбира комфорт, удобност, избор, заштеда на време, пари, АЈДЕ, посети го Нептун! АЈДЕ! – ЖИВЕЈ ПОДОБРО, СЕКОЈ ДЕН.

„Нептун Македонија“ најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 22 год. на македонскиот пазар преку 25 продажни салони во 21 град во Македонија. Со брендови во своето портфолио како Beko, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун” е позициониран како апсолутен лидер на пазарот во државава. Нептун Македонија има и широка палета на услуги за своите клиенти како: happy лојалната програма, инстант кредити, дополнителни гаранции, премиум достава, онлајн продажба, мобилна апликација за онлајн шопинг, кредитна и кешбек картичка haPPy MasterCard.

Предлог Законот за изменување и дополнување на Законот за Македонска банка за поддршка на развојот со кој се овозможува реализирање на мерката Државен гарантен фонд е поставен на Единствениот национален електронски регистар на прописи (ЕНЕР) за јавна консултација. Со предлог-законот се уредува начинот на кој ќе функционира кредитната-гарантна шема, која има за цел да го олесни пристапот до кредити за микро, малите и средни претпријатија, соопшти денеска Министерството за финансии.

„Со предлог-законот се предвидува 10 милиони евра од буџетот да се вложат во Гарантниот фонд, како неповратни средства кои ќе се користат како гаранции кај комeрцијалните банки за земање на кредити. Носењето на овој закон и спроведувањето на оваа мерка е од големо значење за микро, малите и средни претпријатија, бидејќи значително им се олеснува пристапот до капитал и им се дава поддршка во време кога поради кризата е намалена ликвидноста во стопанството, посочува министерот за финансии Фатмир Бесими.

Развојната банка и банките и штедилниците ќе склучат договор за издавањето на гаранциите, а крајни корисници ќе бидат микро, мали и средни трговци, како и големи извозно-ориентирани трговци. За кредитите за обртни средства ќе се гарантира до 80 отсто од износот на кредитот, а за кредитите за основни средства до 50 проценти од износот на кредитот. 

Гарантната шема може да мобилизира ограничена кредитна активност на Гарантниот фонд. Агрегатниот износ на одобрени кредити со гаранција од Гарантниот фонд може да биде најмногу во висина на десеткратниот износ на средствата на Гарантниот фонд. Дополнително, ограничена е и изложеноста на Гарантниот фонд кон одделна банка и штедилница во висина до 25% за банка и 10% за штедилница од износот на средствата на Гарантниот фонд. Со ова решение се влијае на постигнување на една од целите на законот - олеснет пристап до кредити за што е можно поголем број на микро, мали и средни претпријатија.

Во функција на транспарентност и контрола на законитоста во работењето на Гарантниот фонд, Развојната банка ќе објавува број и износ на одобрени кредити, износ на одобрени гаранции и лимит на гаранции по банки и штедилници на квартална основа, а Министерството за финансии ќе објавува полугодишен извештај за фискалните ризици на Гарантниот фонд, гарантната изложеност и започнатите постапки за активирање на гаранциите.

Речиси 500 милиони денари овој месец ќе легнат на сметките на граѓаните по основ на поврат на ДДВ, врз основа на скенирање сметки преку МојДДВ во текот на третото тримесечје и за време на мерката Викенд без ДДВ што се реализираше на 10, 11 и 12 октомври, како дел од четвртиот пакет антикризни мерки. За третото тримесечје повратот е 430 милиони денари, додека од Викендот без ДДВ нешто над 63 милиони денари.

-Во текот на ноември Управата за јавни приходи ќе спроведе исплатата за финансиски средства по основ на враќање на дел од данокот за додадена вредност за месеците јули, август и септември 2020 година, согласно Законот за враќање на дел од данокот на додадена вредност на физички лица, информираат за МИА од Управата за јавни приходи.

Оттаму додаваат дека во текот на ова трето тримесечје во месеци јули, август и септември 2020  остварен е промет од  29,8 милијарди  денари, од кои прометот од македонски производи изнесува  7,8 милијарди денари, а прометот од останати производи изнесува  21,9 милијарди денари.

-На граѓаните, како што наведуваат за МИА,  за ова тримесечје  ќе им се врати, односно исплати  околу 430 милиони денари, како дел од ДДВ што го оствариле граѓаните од скенирани фискални сметки во јули, август и септември 2020 година.

Во текот на овој месец се очекува исплатата и на поврат на ДДВ од остварениот промет за време на Викеднот без ДДВ. За ова се чека на донесување на ребалансот на буџетот кој е во собраниска процедура и за кој веќе се расправа на пленарна седница. Расправата почна во четвртокот и веќе се расправа три дена, а најмногу согласно Деловникот може да трае пет дена.

-Мерката Викенд без ДДВ  е дел од четвртиот сет антикризни мерки, кои пак се условени од усвојување на ребалансот на Буџетот на РСМ во Собранието на РСМ. Штом ребалансот биде усвоен од страна на Собранието,  ќе се создаде законска можност за спроведување на мерките вклучително и оваа мерка и ќе се исплатат средствата. Сите граѓани кои оствариле право на враќање на целосниот износ на данокот на додадена вредност за време на ,,Викендот без ДДВ,  ќе им се исплатат финансиските средства  на нивната трансакциска сметки, истакнуваат од Управата за јавни приходи. 

Викендот без ДДВ се реализираше на 10, 11 и 12 октомври. Според податоците на УЈП во овие три дена вкупно 204 088 граѓани купиле  македонски производи и услуги како и компјутерска опрема и издадените фискални сметки ги скенирале преку апликацијата МојДДВ.

Во Викендот без ДДВ остварен е промет од 558.176.715 денари со што граѓаните ќе остварат враќање на  ДДВ во износ од  66.853.929  денари.

Во Викеднот без ДДВ беа скенирани трипати повеќе  фискални сметки и беше остварен  9,5 пати поголем промет од македонски прозиводи во однос на истиот викенд од минатата година.

Викендот без ДДВ беше првата мерка од четвриот пакет антикризни мерки кои се во вредност од 470 милиони евра и чија реализација чека на усвојување на ребалансот на буџетот, а целта да се придонесе за намалување на ефектите од ковид-кризата и да се поддржат граѓаните и стопанството.