Почнувајќи од денеска па се до 15 ноември во рамките на акција на МАПАС волонетрите ќе им помагаат на пензионерите преку набавка на секојдневни намирници.

-Волонтерската акција се одвива под мотото „Помогни на пензионер денес затоа што тебе утре ќе ти треба помош” и ќе се реализира на територија на градот Скопје. Сите пензионери што сакаат да бидат дел од акцијата и да добијат помош, можат да се пријават на телефонскиот број 0800 11 800, информираат од МАПАС.

Целта на оваа акција, како што појаснуваат, е да им се помогне на пензионерите како една од најранливите категории во време на ограничено движење заради заштита од ширење на заразата, во обезбедување на секојдневните намирници. Обезбедувањето на намирниците за пријавените пензионери во рамките на акцијата ќе се одвива еднаш неделно, во општините во Скопје.

-За да се обезбеди што пошироко покривање на што поголем број на пензионери, беше организиран и јавен повик за пријавување на волонтери, кои ќе бидат дел од оваа акција. Досега се пријавија 80 волонтери кои заедно со волонтерите од МАПАС и пензиските друштва ќе ги набавуваат намирниците за пензионерите од Скопје, се вели во соопштението од МАПАС.

Волонтерската акција „Помогни на пензионер денес затоа што тебе утре ќе ти треба помош” е дел од информативната кампања „Времето до пензија поминува побрзо отколку што мислиш”, која започна на 15 септември – Денот на пензиска свесност, чија цел е зголемувањето на свесноста кај младите за тоа дека вистинските одлуки за нивната пензија треба да ги донесуваат уште сега, односно со нивното прво вработување, а не пред пензионирање.

На денешната собраниска комисија за финансии за ребалансот на буџетот опозицијата побара да се намали ставката за договорите за дела во јавниот сектор, но пратеничката на СДСМ, Сања Лукаревска, рече дека тоа не е предвидено затоа што „привремено вработените не треба да бидат оставени на улица“.

- Не треба не ги оставиме на улица во оваа криза. Популистички мерки не може да се носат кога има ваква криза, одговори поранешната директорка на УЈП од говорницата како реплика.

Љупчо Пренџов, пратеникот на ВМРО-ДПМНЕ, претходно побара да се намалат расходите за оваа ставка при ребалансот на буџетот затоа што станува збор за „партиски војници во администрацијата која во овој период ионака работи со намален обем“.

- Договорите на дело се за привремени вработувања, тоа е за кога има зголемен обем на работа, за администрацијата да биде ефикасна. Ние во администрацијата од март немаме зголемен обем на работа, туку нешто е намален. Назад шест месеци вработените ротираат, ама си ги држиме партиските војници. Држете ги, ама кажете и на јавноста, рече Пренџов.

Ќе биде многу полошо од претходно, вели првиот човек на „Мајкрософт“, Бил Гејтс за вториот бран, објави Политико. 

Тој изјави дека постои голема шанса да бидеме сведоци на поголемо пренесување на вирусот.

„Сите бројки растат и постои голема шанса да бидеме сведоци на поголемо ширење на коронавирусот. Додека не дојде новата заштита. Но, она што го имаме моментално е нашето однесување, заштитните маски и почитувањето на сите мерки“, рекол Гејтс.

Гејтс и неговата сопруга Мелинда се на чело на нивната фондација која што донира стотици милиони долари за испитувањето на коронавирусот, како и за пронаоѓање на вакцина.

Во светот сега има 38.8 милиони заразени. 

САД е на врвот, а потоа следат Индија, Бразил и Русија. 

Во својата последна статија објавена денеска „24часа.бг“ објави дека Бугарија има една од најмалите минимални пензии на Балканот, а како што велат од таму, помала и од онаа во Северна Македонија.

Во Македонија пензијата изнесува 9.751 денари, односно 157 евра. Минималната пензија во Македонија е повисока од онаа во Бугарија која е 127,7 евра, од Србија каде е 89,5 евра, Црна Гора со 144 евра, Албанија со 112,4 евра и Косово со 74 евра.

Нешто поголема минимална пензија од Македонија имаат Романија и БИХ каде се 202, односно 201 евро. 

Минималната пензија е убедливо највисока во Словенија со 498, Турција и Грција со 400 и 388 евра, како и во Хрватска со 362 евра.