Иновативниот уред IQOS (ајкос) кој направи револуција во тутунската индустрија од денеска е во продажба во Македонија.

IQOS е електронски уред кој го загрева, но не го гори тутунот. Бидејќи се избегнува процесот на согорување, при неговото користење се испушта до 95% помалку штетни состојки од оние кои се создаваат со пушењето. За негова употреба се користи специјално дизајниран несогорлив тутун, а при процесот на негово користење нема чад и пепел.

,,IQOS е производ на кој Филип Морис работеше повеќе од една деценија. Резултат е на работата и посветеноста на над 400 врвни научници и експерти ангажирани од Филип Морис Интернешнл, а инвестирани се повеќе од 7 милијарди долари. Повеќе од 10 милиони возрасни пушачи во 53 земји во светот избраа да преминат од цигарите на овој производ. На овој начин се грижиме за создавање свет без чад, нудејќи им на возрасните пушачи подобар избор“, изјави Михаeл Солтер, генерален директор на Филип Морис Тутунски Комбинат Прилеп (ФМТКП) ДОО Скопје.

Од денес, IQOS може да се купи онлајн и да се најде во поголемите трговски центри во Скопје.

Компанијата ФМТКП е заедничка компанија на Филип Морис Интернешнл и Тутунскиот Комбинат Прилеп основана во 2014 година.

За Филип Морис Интернешнл: Филип Морис Интернешнл (PMI) прави трансформација во тутунската индустрија со цел да создаде иднина без чад и да ги замени цигарите со производи без чад во корист на возрасните пушачи кои инаку би продолжиле да пушат, општеството, компанијата и нејзините акционери. PMI е водечка меѓународна тутунска компанија која на пазарите надвор од Соединетите Американски Држави се занимава со производство и продажба на цигари, производи без чад и придружни електронски уреди и додатоци, како и други производи кои содржат никотин. Покрај тоа, согласно Договорот за лиценца, PMI до Altria Group го испорачува IQOS и неговите додатоци за кој, Американската администрација за храна и лекови има издадено овластување за продажба. PMI ја гради својата иднина на оваа нова категорија производи без чад, кои, иако не се без ризик, се многу подобар избор отколку пушењето. Преку мултидисциплинарен развој на производи, најнапредни истражувачки центри и научни докази, PMI има за цел да осигури дека производите без чад ги исполнуваат преференциите на возрасните пушачи и ригорозните барања на регулативата. За повеќе информации, посетете ги веб-страните: www.pmi.com и www.pmiscience.com.

Владата на денешната седница се очекува да донесе и одлука за целосно укинување на полицискиот час. Извори од Комисијата за заразни болести брифираат дека ваква препорака доставиле до владата имајќи предвид дека граѓаните се почесто го прекршуваат ограничувањето на движењето. 

Претходно Скопје Инфо објави дека денес се очекува Владада да донесе одлука за отворање и почеток со работа на угостителските објекти во земјава. 

Пандемијата поради корона вирусот го „затвори“ цел свет, направи многу промени во начинот на живеење и функционирање на луѓето, а од таму доаѓа и прашањето: „Која професија ќе биде најпотреба по крајот на пандемијата?“

Програмерите ќе бидат најбарани работници на пазарот на труд во наредните неколку децении.

Тоа го изјави директорот за дистрибуција на технологија во Yandex, Григориј Бакунов, за порталот Gazeta.ru.

Тоа може да се нарече професија на иднината. Токму овие експерти ќе го придвижат човештвото напред“, изјави тој.

Бакунов смета дека ИТ сферата може да се промени поради масовното преминување на луѓето на работа од далечина за време на епидемијата од коронавирус.

Пандемијата покажа дека програмерите можат да работат и од далечина. Во врска со тоа, луѓето кои живеат во оддалечени региони и мали градови имаат повеќе шанси добро да работат во сериозни компании – тоа е фундаментална промена“, истакна експертот.

Минатата недела, експерти од Институтот за прогресивно образование соопштија дека по пандемијата, веројатно ќе бидат барани советници за кризи, експерти за дигитализација, менаџери за SMM (деловна промоција) и содржини, како и експерти за управување со време.

План за управување со сомнителен случај на Ковид-19, потребно е да имаат сите хотели и туристички објекти во Грција, согласно здравствените протоколи од Министерството за туризам, додека пак хотелите со капацитет од 50 и повеќе соби, потребно е да изработат акционен план и индивидуални протоколи за секој дел од објектот за управување со евентуален позитивен случај, јави дописничката на МИА од Атина.

Секој туристички објект треба да одреди лице одговорно за спроведување на планот за справување со сомнителен случај на коронавирусот, како и лекар соработник.

Паралелно, предвидена е и обука на персоналот за начинот на пренесување на вирусот, за процесот за информирање на одговорните во хотелот како и гостите, за одржување на основните правила за лична хигиена итн.

Секој туристички објект треба да има архива со податоците за персоналот и гостите (име и презиме, националност, датум на пристигнување и заминување, телефонски број, мејл и сл) за доколку се појави сомнителен случај, да биде полесно пронаоѓањето на лицата кои биле во контакт.

Паралелно мора да се почитуваат и правилата за заштита на личните податоци.

На рецепција, треба да има антисептик за гостите, вработените да ја држат потребната дистанца, се препорачува да постојат информативни проспекти со основните здравствени упатства на неколку јазици, се препорачува пријавувањето и одјавувањето да биде по електронски пат, а плаќањето со картица.

Поставувањето заштитен плексиглас не е задолжително.

Во туристичките објекти и хотели, според протоколите од Министерството за здравство на Грција, се препорачува да се отстранат декоративните предмети, списанијата, каталозите, на далечинските управувачи за климите и телевизорите да се користи заштитна прекривка за една употреба, секојдневно да се проветруваат просториите и се препорачува во секоја соба да постои антисептик.

Веќе одредените, општи правила и прописи што важат за угостителските услуги, просторите за деца, за спа центрите и базените, за конференициските сали, продавниците и сл, истите важат и за конкретните делови доколку се во рамките на хотелите.

Хотелите кои работат во текот на целата година ќе се отворат на 1 јуни, додека пак останатите туристички објекти, две седмици подоцна, односно на 15 јуни 2020 година.

Во здравствените протоколи на Министерството за туризам на Грција, како што објави МИА, вклучени се и организираните кампови, кои исто така треба да имаат план за управување со сомнителен случај на Ковид-19.

Меѓу влезовите на камп приколките, шаторите и слично, треба да има растојание од пет метри и три метри странично.

Во однос на туристичките автобуси, треба да работат со 50 отсто од капацитетот,  на влезот треба да има антисептик, а за сите патници за целото патувањето, задолжително е носењето маска. Се препорачува често проветрување на автобусите и темелно дезинфицирање после секое патување или на крајот од смената.

Компаниите што управуваат со автобусите потребно е да имаат план за управување со сомнителен случај на Ковид-19, доколку кај некој од патниците се појават симптоми. (МИА)