Вонредната состојба донесе нови мерки и во поглед на личните документи. Ако поминала важноста на личната карта или пасошот, сепак документот е валиден за времетраењето на вонредната состојба, вели одговорниот за односи со јавност на МВР, Тони Ангеловски за Слободен Печат.

За ова Владата донесе уредба таа е на сила додека трае прогласената состојба. Откако ќе заврши вонредната состојба, граѓаните ќе имаат рок од 30 дена да ги обноват документите чија важност поминала.

– И покрај вонредната состојба, службите за вадење на лични документи функционираат
редовно и им стојат на располагање на граѓаните за било кој документ што им е потребен, а е во
надлежност на МВР. Работното време за вадење лични документи е секој работен ден од 8 до 16
часот, вели Ангеловски.

Во врска со проблемите околу издавањето на пасоши, Ангеловски вели дека тие се надминати и секој граѓанин може да аплицира и тоа преку телефонскиот број 072 92 92 92 или електронски, преку интернет страната на МВР.

Побарувачката за работна сила рапидно се менува.

На глобално ниво, сигурно ќе има помала побарувачка за туристички персонал, додека расте побарувачката за доставувачи и здравствени работници.

Коронавирусот брзо се рашири во светот, ги промени нашите навики и слободата на движење, но и пазарот на труд. Имено, додека повеќето компании, па и одредени професии трпат големи загуби затоа што не се во можност да ги извршуваат своите активности, некои други занимања стануваат дополнително барани и многу лесно се вработуваат.

Податоците на Linkdln откриваат драматични промени во побарувачката за одреден персонал и активности.

Можеби не е изненадувачки, најголем пораст на побарувачката е за персоналот кој се смета за клучен, вклучувајки ги работните места во здравството и другите организации кои го поддржуваат функционирањето на државата.

Меѓу најбараните работни места во моментов во САД, што е и глобален тренд на запад се работниците во продавниците, систем администратори, сметководители, здравствени работници, градежни работници, магационери, психолози, возачи, изведувачи.

Покрај тоа, експертите ја наведуваат се поголемата потреба за свртување кон земјоделството и побарувачката на таа работна сила, бидејќи предвидуваат дека ако потрае епидемијата, може да предизвика феномен “самодоволност” на државите поради намалување на увозот.

Така, производството на сопствена храна би можела да стане приоритет.

Грција планира да ги отвори границите во јуни за новата туристичка сезона. Таа ќе дозволи влез во државата на туристи само од одредени земји, главно од Балканот, додека за западноевропските земји каде што вирусот зеде најголем замав ке има рестрикција. Со тоа Грција планира да има туристичка сезона и таа годинава да трае подолго.

Од 4 мај, постепено, Грција се враќа во нормала – изјави државниот министер на Грција Јоргос Герапетритис. Тој во интервјуто за грчката телевизија “Скај” изјави дека секоја седмица ќе имаат по едно отворање.-Ќе ги имаме трговските продавници, училиштата, кон средината на јуни отвараме врата за туристите, но внимателно. Ќе дозволиме влез на турсити од региони кои имаат стабилни бројки во борбата со пандемијата. Нашата цел е туризмот да се активира, под услов да се заштити јавното здравје и да се прават неопходните контроли за да можеме да го грантираме нивото што го имаме денес. Сакам да потенцирам дека благодарение на направените напори, нашите туристички дестинации останаа незаразени, немаме многу големо ширење на вирусот на нашите туристички дестинации и ова ни создава надеж, но и многу голема одговорност да го задржиме ова ниво – рече државниот министер на Грција за ТВ „Скај” .

Дека туризмот во Грција наскоро се враќа во живот, потврди и портпаролот на грчката Влада Стелиос Пецас.

Полека, до крајот на мај, средината на јуни во голема мерка ќе се вратиме во нормала. Најголемиот проблем и најголемата наша грижа во однос на економската активност е туризмот – рече портпаролот на грчката Влада.

Македонските туристички агенции најавија официјален почеток со работа на 4 мај и враќање кон нормалните работни обврски кои ќе значат подготвување за годинашната сезона. Нивните очекувања се дека оваа година ќе има продолжена туристичка сезона.

Тагови: туристи

Со задоволство ве известуваме дека утре, 28 април 2020 година се одржува интернационален онлајн фестивал на тема „Како светот реагира на Ковид-19“, во организација на меѓународната плаформа за новинарство Outride.rs, на кој Некстсенс, како компанија која ја изработи апликацијата СтопКорона! е поканета да ги сподели своите искуства и да ги претстави предностите на апликацијата во напорите за справување со поледиците од пандемијата со Ковид -19.

Фестивалот, на кој ќе учествуваат претставници од целиот свет, се одржува на симболичен ден - ден на Суперхероите, и има за цел да ги одбележи најголемите иницијативи и иноватори во кризата со коронавирусот и да инспирира нови решенија за борба против Ковид-19. Вонредната состојба предизвикана од глобалната пандемија е силен двигател за иновации, помагање, споделување, ангажирање и самоорганизирање. Секоја земја има свои херои: медицински работници, лидери во заедницата, инфлуенсери, претприемачи, уметници и бизниси.

Организаторот упати покана до Некстсенс да ја презентира апликацијата СтопКорона!, која веќе е препознаена во Европа и пошироко како апликација која што е наменета да даде прионес во борбата против ширењето на пандемијата со „Ковид-19“.

Имајќи го предвид големиот интерес во светот за ваков тип на мобилна апликација која овозможува следење на изложеноста на Ковид-19, Некстсенс на Фестивалот ќе ги презентира искуствата и моделот на мобилна апликација за откривање близок контакт со потенцијално заразени лица преку постапка за детекција на блискост на мобилни уреди/апликации, со користење на Bluetooth технологија. Мобилната апликација СтопКорона! е прва од овој тип во регионот на ЈИЕ и меѓу неколкуте во светот.

Ве покануваме утре да го проследите меѓународниот Фестивал посветен на иновативните иницијативи во борбата против коронавирусот, кој ќе биде емитуван во живо на Facebook: https://www.facebook.com/events/181692989528550

Презентацијата на Некстсенс започнува во 12.00 часот, по што следи сесија со прашања и одговори од учесниците и јавноста.

Приклучете се во живо и следете го интернационалениот онлајн фестивал „Како светот реагира на Ковид-19“.

Агендата и сите информации за фестивалот се достапни на https://festiwal.outride.rs/en/