Владата на денешната седница ја измени уредбата за ограничување на движењето за време додека трае епидемијата на корона вирусот, со што им овозможи на љубителите на домашните миленици тие да можат да ги изнесат надвор со цел да ги извршат физиолошките потреби додека трае полицискиот час.

За време на викендите дозволено е шетање на милениците од 20:00 до 20:30 часот, најмногу до 100 метри оддалеченост од живеалиштето, без групирање, гласи одлуката на Владата.

Тоа значи дека во сабота и недела за љубитрелите на миленици останува да важи ограничувањето на движење од 16.00 до 20.00 часот и од 20.30 до 05.00 часот утредента.

Во моментов Владата на седницата размислува за уште еден сет на мерки за ограничување, а за утре се најавени економските мерки.

Секој полнолетен граѓанин во Србија ќе добие по 100 евра помош од државата. 

Ова  ќе важи без оглед дали некој е вработен, невработен или пензионер. За ова ќе бидат издвоени 520 милиони евра од буџетот на државата.

Претседателот Александар Вучиќ ги претстави економските мерки за помош на економијата. 

Србија сака да им помогне да своите граѓани полесно да ја надминат корона кризата.

За фирмите кои нема да отпуштат повеќе од 10 проценти од вработените, ќе има економска помош.

Понатаму, на секој фризер, чевлар, пекар, на сите вработени во нивните компании, државата ќе им исплати минимална плата. Фризерот не може во овој момент да заработи пари, но ќе има да плати минималец и за себе и за неговиот вработен.

Вучиќ синоќа додаде дека ако однесувањето на граѓаните не се промени, тој ќе биде подготвен следната недела да предложи воведување на 24-часовен полициски час.

Огромен пад на цените на нафтата. Светските медиуми јавуваат дека цената на американската нафта утрово падна на близу 20 долари за барел веднаш по отворањето на пазарот, што е близу до најниското ниво во последните 20 години.

Американската референтна вредност, позната како Вест Тексас Интермедиејт достигна вредност од 20,6 долари за барел и падна за повеќе од шест проценти. Брент, меѓународна референтна вредност, падна за шест проценти, достигнувајќи вредност од 23,03 долари за барел, што е најниска цена од 2002 година.

Цените на нафтата паднаа за повеќе од половина во изминатиот месец со затворање на пазарите во Европа и Северна Америка, што ја намали побарувачката за нафта.

А денеска се очекува Регулаторната комисија за енергетика да одреди нови цени на горивата, со оглед што таа секој понеделник ги утврдува цените на нафтените деривати во земјава, врз оснива на движењата на цените на светските берзи од претходната недела.

Новите цени на горивата веќе напладне ќе и бидат соопштени на јавноста.

Со оглед што минатата недела паѓаа цените на нафтата, се очекува РКЕ да информира за ново намалување на цените на бензините и дизлелот. 

Пред неколку дена Марко Бислимовски, претседателот на Регулаторна комисија за енергетика, изјави дека до сега во историјата откако е формирано ова тело не е виден ваков пад на дизелот и бензините. Втор пат по ред изминатиот период имаше намалување на горивата, а последниот во просек беше за 9,18 отсто. Според Бисимовски, за големото намалување е заслужна и новововедената методологија на пресметување на цените и маржите кај трговците.

„Ова се моменти кои во историјата на тргувањето со нафтените деривати не се паметат. Нарушениот баланс на понудата и побарувачката поради пандемијата со Ковит 19 донесе силни намалувања на цените и кај нас. Континуираното темпото на  силен тренд на намалување на нафтените деривати е рекордно од кога Регулаторната комисија за енергетика и водни услуги има надлежност да утврдува највисоки малопродажни цени на одделни нафтени деривати.Со денешната одлука повторно драстично ги намаливме цените на нафтените деривати што е потврда дека Методологијата по која се формираат цените на нафтените деривати ги штити интересите на потрошувачите“, рече Бислимовски.

Личните карти и возачките дозволи од денеска ќе има можност да се достават на домашна адреса на граѓаните. Ова не важи и за пасошите за кои е потребно да се остави отпечаток на прст при подигање на документот.

Министерот за внатрешни работи Наќе Чулев најави дека од денеска ќе биде сменет правилникот за да се овозможи оваа услуга.

Тој во саботата на прес-конференција информираше дека дадени се конкретни упатства до Одделот за управни работи како да се однесуваат во ситуација со коронавирусот односно да се почитува соодветното растојание кога граѓаните поднесуваат барања за документи. Дадени се и конкретни насоки за дезинфекција на уредите каде на граѓаните им се зема отпечаток од прст.