Уреди за ограничување на брзината од 2022 година може да станат дел од задолжителната опрема за автомобилите што се продаваат во Европската унија. Земјите-членки постигнаа начелен договор за новите правила.

Активистите за безбедност во сообраќајот велат дека новите правила би можеле да спасат илјадници животи. ЕУ тежнее до крајот на 20150 година да нема ниту еден смртен случај на патиштата.

Британската агенција за издавање сертификати за возила претходно објави дека оваа земја ќе ги усогласува стандардите за автомобили со ЕУ и по Брегзит.

Меѓу мерките за безбедност одобрени од Европската комисија се интелигентни системи за контрола на брзината, итно запирање и за одржување правец во лентата.

ЕУ се надева дека со новите правила ќе можат да го намали бројот на смртни случаи на нула до 2050 година.

– Секоја година 25.000 луѓе ги губат животите на нашите патишта. Најголемиот дел од овие несреќи се предизвикани од човечка грешка, изјави еврокомесарката Елизабета Биенковска.

-Со новиот напреден безбедносен систем кој ќе стане задолжителен, можеме да направиме промена, како што беше направено со воведување на сигурносни појаси, појаснува таа.

На српските патишта, животот годишно го губат околу 600 луѓе годишно, со 20.000 повредени, покажуваат податоците од српскиот Комитет за безбедност во сообраќајот.

Европскиот парламент и Европскиот совет може да ги одобрат новите мерки во рок од неколку месеци.

„Овој систем ќе ја ограничи моќноста на моторот кога тоа ќе биде неопходно за да ги спречи возачите да возат побрзо од ограничувањата. Возачите ќе можат да ја преземат контролата или привремено да го исклучат системот”, објасни Европскиот совет за безбедност во сообраќајот, независно тело на ЕУ со советодавна улога.

Статистика во Велика Британија покажува дека повеќе од 1.700 луѓе умираат на британски патишта секоја година, додека истражувањата покажуваат дека големата брзина придонесува во несреќните случаи во една четвртина од сите фатални судири.

Дописникот на Би-Би-Си кој следи економија Тео Легет вели дека постојат сомневања дали денешната технологија е доволно напредна за таков систем.

– Оваа мерка ќе биде најважниот чекор кон безбедноста во сообраќајот во овој век, изјави Џошуа Харис од британската организација „Брејк“ (Brake), која се занимава со безбедност во сообраќајот.

Нема паметни телефони

ЕУ, исто така, одобри воведување дополнителни мерки за автомобили, комбиња, камиони и автобуси, кои вклучуваат систем кој ги предупредува возачите ако се поспани, како и кога се користат паметни телефони додека возите.

Новите мерки исто така вклучуваат промени кои им овозможуваат на возачите на автобуси и камиони да обезбедат поголема видливост во сообраќајот, како и спарување со мртвите агли.

Извор: Би-Би-Си
МИА

Платена 3 месечна пракса со можност за вработување и работа со водечки бизнис компании: https://kariera.mk/job/d6x2JsZXzkGJjoHV8yypRA/data-entry-processing-verification-internship-opportunity

Отворени работни места во салоните на ОНЕ.ВИП во КАВАДАРЦИ: https://kariera.mk/job/APQZahydcEOxl93Hwa61dA/pomoshnici-vo-salonite-na-one-vip-kavadarci

Mellon Group моментално брои преку 6.000 вработени во 12 земји. За својата канцеларија во Скопје има потреба од ТЕЛЕФОНСКИ ОПЕРАТОРИ: https://kariera.mk/job/Bsxv-075Rku-0uLd78Mzkg/telefonski-operatori

Почетна плата од 18.000 денари, стимулирачки бонуси и можност за напредок. Прима Оптика има потреба од АСИСТЕНТ ЗА ПРОДАЖБА: https://kariera.mk/job/UsAtstJk9kOv4uVOAlx3JA/asistent-za-prodazhba

Нето плата од 22.000 денари за работа како МАГАЦИОНЕР: https://kariera.mk/job/kKKxyz2cM0aWV4NGlfdhBA/magacioner

Туристичка агенција "Voyager touristic service" има потреба од ШАЛТЕРСКИ РАБОТНИК - АВИО ШАЛТЕР: https://kariera.mk/job/CBTLBE3WWE6b8eLTMh9ViQ/avio-shalter-rabotnik-vo-turistichka-agencija

Paolo Bocelli во Палма Мал во ТЕТОВО вработува АСИСТЕНТИ ЗА ПРОДАЖБА: https://kariera.mk/job/A_pAwMjVG0-rtausVZT0dA/asistent-za-prodazhba-vo-tetovo

Доколку сте Апсолвенти/ки или штотуку дипломирани инженери/ки од областа на Електроенергетските системи - Аплицирајте за програмата ЕВН ИДНАТА ГЕНЕРАЦИЈА: https://kariera.mk/job/u3eYAOn1PEa5U6mIU7YDbw/evn-idnata-generacija

Град Скопје ги известува сите даночни обврзници дека во тек е доставувањето на решенијата за данок на имот и за комуналната такса-фирмарина за 2019 година.

Сите обврзници кои немаат платено данок на имот или фирмарина за изминатата 2018 година ќе добијат опомена за неплатен долг.

Сите граѓани кои нема да добијат решенија или доколку во истите забележат одредени неправилности, може да се обратат во Град Скопје во барака број 15, во работните денови за прием на странки, односно во вторник и в петок од 9 до16 часот.

Сите забелешки граѓаните можат да ги достават и секој работен ден од 7:30 до 19:30 часот со поднесување барање на шалтерите во архивата на Град Скопје или во канцелариите за сметководство на Град Скопје (барака број 16).

Дополнително, сите граѓани во рок од два месеца од добивањето на решението можат сите забелешки и недостатоци да ги пријават, преку приклучување на сајтот на Град Скопје – е-даноци ( https://danoci.skopje.gov.mk/gskopje/root/public/login.xhtml), преку одделот за пријавување проблеми ( http://gragjani.skopje.gov.mk/korisnik/), како и преку електронска пошта на следните адреси:  danoci@skopje.gov.mk,  anitan@skopje.gov.mk (за данок на имот) и  Katerina.Gichev@skopje.gov.mk (за комунална такса – фирмарина).

Патувањата со соптсвен автомобил се почести во летниот период кога се одморите. Возачите веќе знаат дека за да поминат граница со автомобил потребен им е зелен картон, но можеби не се информирани за неговата цена.

Зелениот картон се издава врз основа на издадена полиса за осигурување од автомобилска одговорност од соодветната компанија. Овој документ е замена за полисата за осигурување од автомобилска одговорност издадена за матичната земја со важност за сите земји-членки наведени во полисата.

Важност на зелената карта е 12 месеци или додека е утврдено времетраењето на полисата за автомобилска одговорност.

Цената на зелен картон на патничко возило до 66 KW на годишно ниво изнесува 3.690 денари, а за над 66 KW за една година е 5.536 денари.

Цена за патничко возило до 66 КЊ за месечно ниво е 1.850 денари, а за возило над 66 KW е 3.075 денари. За влечните и специјалните возила, моторциклите, приклучни и работни возила цената е 5.536 денари.

Цената за товарните возила и автобусите е 17.222 денари.

Зелениот картон може да се набави во сите подружнници кои работат во рамките на Станиците за Технички преглед на АМСМ низ Македонија.

Граѓаните на Македонија заедно со соседните земји бараат да се укине зелениот картон за возилата при излез од државата и предлагаат да се прифати европскиот модел во кој зелениот картон е дел од премијата за осигурување од одговорност од употреба на моторни возила (автоодговорност).

И покрај упорните барања на српските граѓани, кои често минуваат низ Македонија кога одат на летување во соседна Грција, засега нема најави или преговори за укинување на оваа обврска.
Сопствениците на возила од Србија за во Македонија потребно е да имаат зелен картон бидејќи нашата држава не е во Системот на зелен картон, не е член на Мултилатералната спогодба. Оттаму велат дека надлежните во Македонија овој документ не го бараат на сите што ја поминуваат македонската граница.

Од здружението на осигуреници на Србија истакнуваат дека во 1994 година, врз основа на едностраниот договор, кој беше дел од условите на овие земји за членство на Македонија во Системот на зелен картон, на возилата од Хрватска, Словенија и Унгарија им било овозможено во Македонија да влезат без зелен картон. Но овој закон не важи и за возачите од Македонија. На возачите од Македонија се уште им е потребен зелен картон за овие три земји. Со влезот на Хрватска во Европска унија, овој едностран договор престана да постои, па сега и возачите на Хрватска мора да имаат зелен картон при влез во Македонија.

Во многу земји, на пример во Германија, Швајцарија, Австрија, Шведска, зелениот картон се издава бесплатно или чини премногу симболично, само неколку евра, што ги покрива трошоците за печатење. Според нив, во некои земји, се наплаќа само зелениот картон, додека во други цената на картонот е вклучена во цената на полисите на задолжително осигурување од автоодговорност. Во овој случај (кога цената на зелениот картон е вклучена во цената на полисите) возачот нема можност да одлучува дали му е таа потврда потребна или, пак не.

Според АМСМ, зелениот картон се издава врз основа на издадена полиса за осигурување од автомобилска одговорност од соодветната компанија и е замена за полисата за осигурување од автомобилска одговорност издадена за матичната земја со важност за сите земји-членки наведени во полисата.