Многу од модерните компании работат во тимови лоцирани во различни држави ширум светот. Според HR експертите ваквото функционирање по одреден период претрпува одредени потешкотии кои се должат на временската разлика и различниот простор во кој се наоѓаат тимовите.
Токму поради ова е изведено мини истражување, во кое е дојдено до одредени совети како да се зближат луѓето во компании кои работат на голема географска далечина. Вакви компании се повеќе имаме и во Македонија, на пример странските инвестиции кои се се повеќе популарни изминативе неколку години.

Вработените во една фирма кои се илјадници километри оддалечени од главното седиште на компанијата може во некои моменти да не се чувствуваат како да се дел од таа компанија а уште помалку и дел од тимот. Немаат  можност да се дружат секојдневно со колегите, да си раскажат како го поминале викендот или пак да излезат на after work party со претпоставените. Можеби нема да верувате меѓутоа ова сериозно го загрозува степенот на посветеност и фокусираност на една личност.

Какви чекори превземаат светските компании за да направат своите вработени да се чувствуваат убаво и посветено дури и ако работат на голема далечина од своите колеги? Форбс ги издвојува следните:

1. Секогаш бидете во контакт со вашите колеги

Компаниите кои се соочуваат со ваков проблем применуваат модерна технологија која секојдневно ја користиме. Интернетот и телефонските врски се нашиот свет во мало и тие навистина многу помагаат за зближување во бизнис светот. Неделни skype конференции, социјални медиуми како секојдневна комуникација преку мејлови кои ќе ги информираат околу актуелните настани се само неколку од мерките кои се применуваат во големите компании ширум светот.

2.Однесувајте се интернационално

Ова вклучува осмислување на интернационален план за активностите кои ве очекуваат. Било да се тоа навистина важни состаноци или пак средби за зближување на тимот секогаш имајте во предвид дека можете да ги направите и надвор од државата. Така и вработените далеку од седиштето на компанијата ќе се почуствуваат изедначени и ќе отпатуваат до дестинацијата за состанок. Исто така присуствувајте заеднички на тренинзи или конференции надвор од вашата држава - тоа ја подигнува мотивираноста и го подобрува фокусот на вработените.

3. Поврзете ги со иднината на компанијата

Работењето на далечина ќе ја намали неговата различност со неколку внесувања на овие работници во идните планови на компанијата. Истите ќе се почувствуваат важни за одредени активности и ќе реагираат позитивно. Комапниите се менуваат со тек на времето и не знаете каде може да ве однесе само една интернационална идеа од ваш вработен на друг континент.

4. Задоволете ги нивните специфични бизнис потреби на локацијата на која се наоѓаат

Вработените кои се одвоени од главното седиште на компанијата се соочуваат со многу предизвици кои им ги задава нивната различна локација. На пример заради религиозни или пак култоролошки разлики можеби не се во иста можност како и другите вработени во комапнијата. Доколку размислите за ова можеби ќе го подобрите нивното внесување во компанијата и вашата компанија ќе се искачи еден степен погоре во поглед на грижа кон вработените која во модерниот бизнис свет изгра клучна улога за загарантиран успех.

Продолжува борбата за изедначување на квалитетот за исти производи во старите и нови членки на Европската Унија, на што работи и хрватската европарламентарка Biljana Borzan, која во соработка со хрватската агенција за храна веќе има започнато истражување за квалитетот на производите кои странските произведувачи и дистрибутери ги пласираат на хрватскиот пазар, а резултатите ќе бидат познати пред летото. Но и другите членки на ЕУ прават такви истражувања па овие денови државната Агенција за храна во Унгарија ги објави резултатите од тестирањето на 24 производи кои меѓународните ланци на продавници како Lidl и Aldi ги продаваат во Унгарија и во Австрија.

Резултатите покажаа, дека на пример унгарската верзија на наполитанки Manner сe помалку крцкави, додека Nutella што се пласира како производ во унгарските продавници потешко се мачка за разлика од тие во австриските.

Инаку ова е само продолжение од порано направените чешки и словачки истражувања кои покажаа слични резултати. Така во Чешка имало случаеви каде што во месен нарезок наместо свинско имало пилешко. Потрошувачите ми се жалат дека разлики наоѓаат и кај автомобилите, земјоделските производи, детергентите и слично. Моето истражување потврди дека повеќе од 70% од граѓаните во Хрватска смета дека мултинационалните компании ги третира како граѓани од втор ред- рече Borzan, која на темелење на сите овие истражувања, како и на ова во Хрватска во втората половина на оваа година ќе организира сослушување во Европскиот парламент за различниот квалитет на производи од источниот и западниот пазар на ЕУ.

Во Хрватска работиме на истражување кое ги опфаќа не само прехранбените производи , туку и непрехранбените производи како детергенти, пасти за заби, гелови за туширање и слично од хрватскиот и германскиот пазар, што е прво такво истражување во ЕУ. Произведувачите можеби и можат да се вадат со тоа дека сакаме чоколади со помалку лешници, но сигурно не можат да тврдат дека преферираме детергенти кои послабо перат или мирисаат- истакнува Borzan, а најновите анализи на инспекторите од ветеринарската служба на Словачка, покажаа дека половина од производите како млечните, месните производите од риба, чоколадите, пецивата, сирењата и пијалоците на нивниот пазар се со полош квалитет од австрискиот.

Во другата половина на годинава, ќе се одржи и расправа на високо ниво во Европскиот парламент. Ќе преговараме со Европската комисија, со колегите претставници од Романија, Словачка, Бугарија, Чешка, Естонија како и од другите источни земји за настанот да биде што поквалитетен и за да биде вистински почеток на законодавната регулација за квалитет на ниво на ЕУ. Драго ми е што до тогаш ќе ги имам и резултатите од хрватскиот пазар- рече Borzan.

Во Македонија, во последните години немаме слушнато некој да прави споредба на познатите производители и да направи споредба на исти производи за да се спореди квалитетот што го имаат тие производи во Македонија во однос на тие од Западна Европа. Кога ќе видиме дека и членки на ЕУ се жалат на производи со полош квалитет, што останува со Македонија што не е членка на ЕУ? Сигурно во Македонија скоро и да не постои човек што ќе рече дека квалитетот на производите во Македонија е ист, како во Западна Европа.

Nokia носталгичарите со нетрпение ја дочека фотката од новата Nokia 3310, која се враќа со сличен дизајн, со кој очигледно има допирни точки во споредба со изгледот на претходникот. HMD Global вели дека новата Nokia 3310 ќе чини 59 евра. 

Ова е концепт за новиот модел, кој најверојатно нема да изгледа вака, затоа што се нагодува дека нема да биде паметен телефон, туку мобилен телефон со основните функционалности за повикување, пораки и долготрајна батерија. 

Да се стрпиме уште некој ден додека да ја видиме новата Nokia на Светскиот мобилен конгрес во Барселона.

Тој земал капсули габапентин, противепилептично средство кое формално не е допинг, но влегува во листата на забранети супстанци за користење според Меѓународната федерација за коњички спортови. Да бил болен од епилепсија, тој не би можел да се занимава со пливање и не би можел да стане олимписки шампион со најмногу медали во историјата.

Хакерската група "Фенси берс" на руските медиуми им испрати документи со нови имиња на допингувани спортисти, односно "Декларација за користење" на Американската анти – допинг агенција во која се наведени сите препарати, витамини и слични супстанци кои се користени пред да се даде допинг примерокот.

Се што се наведува во таа декларација е легално од гледна точка на допинг контролата, бидејќи ако спортистот користел нешто забрането, нема причина да зборува за тоа пред тестирањето. Сепак, во долументот кој го пласираше хакерската група "Фенси берс" може да се забележат неколку нелогичности кои тераат да се размисли за "чистотата" на одредени спортски ѕвезди.

Во документите е споменато и името на Мајкл Фелс, кој е 23. кратен олимписки шампион во пливање. Тој има наведено дека на 13. април за време на натпреварувањето "Арена про свим сирис" земал три капсули габапентин. Тоа е противепилептично средство кое формално не е допинг, но влегува во листата на забранети супстанци за користење според Меѓународната федерација за коњички спортови.

Зошто Фелпс користел средства проти епилепсија само тој си знае. Да бил болен од епилепсија, тој не би можел да се занимава со пливање и не би можел да стане олимписки шампион со најмногу медали во историјата. Лекарите препорачуваат дека епилептичарите не смеат да се занимаваат со пливање или пак доколку пливаат тоа е пред строг надзор.

Фелпс на последните Олимписки игри во Рио де Жанеиро, мината година освои пет златни и еден сребрен медал, по што објави крај на кариерата.

Олимпискиот шампион со репрезентацијата на САД, Дејмон Грин, освен мултвитамини, калциум и рибиното масло, кој не се штетни, во декларацијата навел дека користел и тегретол и габарентин, лек кој се користи за епилепсија и не влегува во списокот на забранети.

Во септември руската хакерска група влезе во базата на Светската анти – допин агенција и објави документи според кои одредени американски спортисти систематски се допингувале, а меѓу нив беше и првиот тениски рекет Серена Вилијмас и најдобрата гимнастичарка Симона Бејлс.