По серијата намалување на цената на нафтените деривати, ценовните движења на светските берзи не носат добри вести.

За само 2 дена, цената на суровата нафта скокна за 3,5 долари по барел и сега се тргува за нешто по 63 долари за еден барел.

И покрај тоа што трендот на движењето на цените води кон поскапување, просекот се уште е под оној од пред две недели, па доколку нема некои драстични скокови, не се исклучува, идниот понеделник, регулаторот цените да ги задржи на ова ниво или пак корекциите да бидат минимални.

Но, доколку нафтата продолжи да поскапува со ова темпо, можно е до крајот на годината до кога има уште две корекции, повторно да дојде до значително зголемување на малопродажните цени.Во моментов дизелот е 61 денар, а бензините 63 односно 65 денари за еден литар.

Vip ја започнува празничната новогодишна еуфорија и со задоволство ја најавува новата атрактивна промоција со која на сите корисници им овозможува да ја дочекаат новата 2019 година со неограничена комуникација, нови смарт телефони и ТВ уреди по најповолни цени.

Со новогодишната промоција, сите корисници кои ќе ја изберат постпејд тарифата во мобилната телефонија,  Vip Neo M  добиваат зголемен 4G интернет од 15GB, неограничени разговори и СМС пораки кон сите мрежи и можност да ја започнат новата година со нов смарт телефон по супер цена. Имено, сите нови корисници и сите оние кои ќе направат обнова на својот договор на овој тарифен модел ја добиваат можноста да го добијат Samsung Galaxy Ј6 2018 и тоа со месечна рата од 209 денари или Honor 7S за 0 денари.

Vip подготви изненадување и за корисниците на Vip Комбо. Со избор на Vip Combo Neo 4M, корисниците имаат уникатната можност да добијат Full HD ТВ уред за 0 денари - TESLA 49S317BF со екран 49”. Покрај ова корисниците добиваат 2 ТВ-приклучоци, до 130 ТВ канали (до 20HD), неограничен интернет, бесплатна фиксна линија со неограничени разговори кон фиксни мрежи и две Vip Neo M мобилни линии, секоја со 15GB мобилен интернет.

“Празниците се за големи желби. Оваа година со цел да придонесеме за уште поопуштена празнична атмосфера креиравме понуда која на сите корисници ќе им донесе безгрижна и неограничена комуникација и можност да добијат атрактивни смартфони по најповолни цени. Како компанија која нуди конвергентни услуги ја збогатуваме понудата со која корисниците можат да ги комбинираат мобилните и фиксните услуги и покрај неограничената комуникација и ТВ содржини ја добиваат можноста да добијат ТВ уред за 0 денари. Убедени сме дека оваа најнова промоција на Вип ќе придонесе за многу забава во семејствата на корисниците и сето тоа по најповолни услови за нивните домашни буџети“, изјави Елена Панова, маркетинг директорка во Вип.

За новата понуда која е промотивна и ќе важи ограничен период, повеќе информации можат да се добијат на www.vip.mk и во Центарот за грижа за корисници 077 1234.

Одлуката да се укине промената во сметањето на времето во ЕУ можеби ќе се случи до 2021 година, изјави денеска австрискиот министер за транспорт Норберт Хофер.

Почетниот датум, кој е за две години подоцна од предлогот во септември на Европската комисија, ќе им даде повеќе време на земјите членки да се подготват, изјави Хофер, чија земја моментално претседава со ЕУ.

Забрзаниот распоред, предложен од Еврокомисијата, беше доведен во прашање уште во октомври, затоа што некои земји членки предупредија дека нема да можат да ги преземат потребните мерки за да се прилагодат во области како, на пример, воздушниот транспорт.

Ако инсистираме да ја направиме промената веднаш, тоа ќе го поткопа предлогот на Комисијата. Воопшто нема да можеме да ја прекинеме праксата за смена на часовното време, рече Хофер пред почетокот на состанокот на министрите за транспорт од ЕУ.

Комисијата предложи земјите членки да се откажат од преминот од зимско кон летно сметање на времето по онлајн анкета во целата ЕУ, според која 84-проценти од испитаниците ја поддржаа идејата.

За таква промена, сепак, конечната реформа ќе мора да ја одобрат земјите-членки и Европскиот парламент. Потоа земјите-членки сами ќе одлучат дали ќе останат на летно сметање на времето, или ќе го задржат стандардно време во текот на целата година.

Анкетата на Телма и МЦМС покажа дека 44.6% од граѓаните рекле дека прогресивниот данок не е добра реформа, дека за 33.5% е добра, а 20.9% одговориле дека не знаат. 

Има и поддржувачи на СДСМ кои не се согласуваат со прогресивниот данок.

75.2% сметаат дека властите не преземаат мерки за да се реши загадувањето.