Телекомуникациската компанија Vip со гордост ги претставува најновите тарифи наменети за студентите кои од овој семестар добиваат исклучителна можност да активираат студентски пакет од услуги на фиксна локација и тоа без договорна обврска за времетраење.

Имено сите студенти, почнувајќи од денеска, можат да го изберат Vip Student Net или Vip Student Combo и да уживаат во интернет и телевизија без договорна обврска, без трошоци за инсталација и по супер ниска цена.

Со Vip Student Net студентите добиваат неограничен интернет до 15/1 Mbps за месечна претплата од само 599 денари, a со Vip Student Combo добиваат фиксна линија со неограничени разговори кон сите национални мрежи, неограничен интернет до 15/1 Mbps и телевизија до 80 ТВ канали, за само 799 денари месечна претплата.

“Студентските денови се исполнети со нови знаења, нови искуства и многу забава, тие денови ни остануваат врежани во сеќавањата уште долго време. Со цел да одговориме на динамиката и потребите на студентите во однос на комуникација, создадовме тарифи кои се специјално наменети за нив и ќе им овозможат не само полесен пристап до нови знаења, туку и многу забава и пристап до интересни содржини кои ќе придонесат за незаборавни животни искуства. Со овие тарифи, студентите добиваат специјални цени за намалување на трошоците за телекомуникациски услуги и тоа без договорни обврски и без трошоци за инсталација. Се надеваме дека ќе донесеме уште повеќе забава во студентските денови!”, изјави Елена Панова, маркетинг директорка во Vip.  

Сé што е потребно за активација на новите тарифи е приложување валиден студентски индекс во некој од продажните салони на Vip.

Повеќе информации за новите тарифни модели можете да најдете на www.vip.mk.

Од социјалната мрежа „Фејсбук“ соопштија дека речиси 50 милиони корисници на социјалната мрежа биле изложени на безбедносен пропуст.

Компанијата соопшти дека напаѓачи успеале да ја искористат ранливоста позната како „View As” за да се здобијат со контрола на сметките на луѓето.

Прекршокот беше откриен во вторникот, објави „Фејсбук“, и додадоа дека веднаш ја информирале и полицијата.

Корисниците кои потенцијално биле засегнати, добиле известува за повторно да се логираат, а сето тоа како што велат од компанијата се случувало во петокот.

Мааната е веднап решена, напиша шефот за безбедност на компанијата, Гај Росен.

Бидејќи ние само што започнавме истрага, допрва треба да утврдиме дали овие сметки се злоупотребувани или има пристап до какви било информации. Исто така, не знаеме кој стои зад овие напади или каде се наоѓаат, посочи тој.

Росен додаде дека „приватноста и сигурноста на луѓето е неверојатно важна“ потенцирајќи дека жалат што се случило ова.

Подземната сообраќајница која се гради паралелно со комплексот „Дајмонд Скопје“ ќе биде долга 800 метри со двонасочен коловоз од 6 ленти.

Станува збор за модерна подземна улица, налик на европските метрополи, која од двете страни ќе биде поврзана со кружни текови.

Булеварот Македонија, односно Јужен булевар ќе биде дислоциран под земја, што во голема мера ќе го намали метежот во Скопје.

Ваков проект е новитет за главниот град, бидејќи досега не се градени подземни сообраќајници.

Скопје ќе се развива рамномерно и плански следејќи ги потребите на граѓаните.

Верувам дека многу скоро успешно ќе се справиме со предизвикот нашето Скопје да се издигне во една модерна европска метропола и престолнина на идната членка на НАТО и ЕУ - изјави Градоначалникот Шилегов.

На вонреден состанок извршителите ќе договараат како ќе реагираат откако Владата им ги скрати тарифите. На состанокот, според информациите треба да се креира заедничкиот став и реакција, но се тврди дека повеќето извршители се лути и сметаат дека ова за некои од нив ќе значи и клуч на врата. Владата најави законски измени со кои трошоците за граѓаните при извршните постапки се намалуваат за 50 до 90 отсто. 

Инаку се намалуваат тарифите и за нотарите, а се тврди дека и тие и извршителите воопшто не биле консултирани за законските измени. 

За сметки за парно до 15.000 денари ќе се исклучат трошоците за адвокати, на пример, при постапка од извршители. Извршниот налог од 20 евра сега ќе биде 2 евра. Вкупно се ревидираат 16 ставки од тарифникот на извршителите, од кои некои се намалуваат за 50 отсто, а некои и повеќе од 50 отсто. Наградите се намалени, платни налози за трошоци нема да може да бидат повисоки од 20 отсто од вкупниот долг. Во прашање се илјадници семејства и загрижени граѓани – рече премиерот Зоран Заев кога ги презентираше измените.

Во постапките пред нотарите овие граѓани ќе бидат ослободени од судските такси и од надомест за клаузула за правосилност и извршност. Додека во постапката пред извршителите, според измените на законот, дури 16 ставки за кои досега граѓаните плаќаа одредена сума, со новата тарифа тие ќе бидат целосно бесплатни.