Продавачите на зелените пазари се задоволни што ќе можат да заминат во пензија со бенефициран стаж според измените на законот за пензиско и инвалидско осигурување.

За пензинско и здравствено осигурување ќе треба да плаќаат по околу 2.000 денари месечно колку што е основот за осугурувње за земјоделец-поединец.

 Во фаза на донесување се и измените и дополнувањата на Законот за пензиско и инвалидско осигурување каде е вметнат основот за осигурување на пазарџиите.

Од комората велат дека конечно после скоро десет години преговори со властите, ќе се реши статусот на пазрџиите. Со ова законско решение се очекува да се намали сивата економија и да се подобри статустот на продавачите на тезги.

Законот како таков е фантастичен за пазарџиите. Многу е лесен. Не ни дава никој милостина на нас. Нека не мисли некој дека оваа група на луѓе е привилегирана. Не, не, апсолутно не! Само ние сме се бореле сме ја нашле меодологијата да ги ослободиме луѓето од непотребни давачки што нема да бидат на штета на државата, ни на штета на пазарџиите. Со оваа проблематика што е регулира сега, замислете вие 15 до 20 илјади тезги, по 100 евра персонален данок годишно тоа е добра сума на пари, рече Екрем Долек, Комора на пазарџи.

Од следната година пазарџиите кои што продаваат на тезги на зелените пазари ќе треба задолжително да имаат лиценца ако сакаат да работат. Покрај тоа тие ќе треба задолжително да плаќаат пензсиско и здравствено осигурување. Лиценцата ќе чини околу 60 евра и ќе се обновува еднаш годишно. 

Најпопуларната социјална мрежа, Facebook, го доживеа најголемиот пад на вредноста на акциите во својата историја минатата недела. Па сега, како едно од решенијата, кои медиумите го предложуваат, е да им се плаќа на корисниците за користењето на нивните податоци на оваа мрежа.

Покрај тоа, според пишувањата на светските медиуми, тоа не е единствениот предизвик за компанијата, бидејќи тука се и тврдењата на главниот човек, Марк Закерберг, кои се однесуваат на негирањето на холокаустот, но и на феноменот за лажни вести.

„CNN“, посебно внимание посветува на огромниот пад на вредноста на акциите и пренесува дека Facebook загуби повеќе од 23 отсто од својата вредност за нешто помалку од два часа, откако падна заработката.

„Грешката на Facebook го наметнува следново прашање: Дали постои начин на кој може да биде спречена понатамошна загуба и нешто што ќе го направи светот подобро место? Постои, да им се плаќа на корисниците за користењето на нивните податоци“, пишува „CNN“.

„Преку плаќањето на луѓето за нивнитеподатоци, ќе се намали профитот на дигиталните компании, но нема да се уништат нивните модели на тргување“, стои во текстот.

Се додава дека и плаќањето на податоците, кои граѓаните му ги даваат на Facebook, бара развивање на нови методи и технологии, за да се утврди нивната финансиска вредност, но и да им се плаќа на корисниците ако нивните информации му овозможат заработка на некого.

Во меѓувреме, Facebook и другите дигитални гиганти треба сами да размислат за компензација на корисниците, поради нивните податоци, тврди „CNN“.

Wall Street конечно му одржа лекција на Закерберг, која тој ја заслужи и конечно Закерберг „доби по нос“, а тоа е нешто на што многумина се надеваа уште во април, по неговото сведочење во конгресот, пишува „New York Post“.

„Вредноста на акциите на Facebook забележа спектакуларен пад, набргу откако компанијата прогнозираше намалување на бројот на нови корисници. Аналитичарите проценуваат дека слабиот одговор на Facebook, во врска со неодамна усвоениот закон за дигитална приватност во Европската Унија, исто така им нанесе штета на инвеститорите, кога станува збор за краткорочната финансиска иднина на компанијата“, пишува овој портал.

Во Агенцијата за вработување во моментов има отворени огласи преку кој македонските компании бараат кадри за ангажирање на околу 6.000 слободни места.

Се бараат разни видови на профили на работници, со различен степен на образование, стручност, искуство и во разни стопански и нестопански дејности, од страна на компании кои се лоцирани во различни региони и општини во државата. 

Се бараат директори, трговски раководители, менаџери, комерцијалисти, возачи, медицински сестри, општи работници, продавачи, инженери, магацински работници, економисти, адвокатски приправници и слично.

Сите овие огласи се јавни и видливи и секое заинтересирано лице може да ги види на веб страната на АВРМ – аврм.гов.мк што претставува исклучително корисна платформа преку која значително се овозможува доближување на понудата и побарувачката на работа.

На оваа веб страна постојано се ажурираат податоците и граѓаните преку неа може да се запознаат со сите слободни работни места за кои се распишани огласи од страна на компаниите за нивно пополнување и е добра можност за лицата кои се невработени или пак кои бараат работа детално да се запознаат со моменталната состојба на пазарот на труд и доколку ги исполнуваат предвидените услови да аплицираат на истите.

Со 18 кликови на реклами месечно, македонскиот Facebook корисник е еден од најактивните по кликање на реклами на оваа друштвената мрежа, пренесува порталот IT.mk.

Според анализата на We Are Social Singapore корисникот од Македонија е на 8. место по маркетинг активности на друштвената мрeжа.

На прво место се жителите на Фарските острови со отворени 24 огласи, следува Порторико со 23, Исланд и Хрватска со 21 и Малта и Косово со 20 клика.

Но, ако ова се добри вести за компаниите кои огласуваат во Македонија за жал има и лоши вести. Глобално падот на отворање реклами е значително намален. Статистички, падот кој е забележен е 20% намалени интеракции со рекламите, но според некои анализи ова можеби и нема да се одрази на успехот на кампањите доколку во овие 20% корисници не се оние корисници кои ги купуваат производите.

Сепак опаѓањето на кликови на реклами на Facebook е тренд. Доколку продолжи, заработката на најголемата друштвена мрежа секако ќе биде доведана во прашање кога дел од огласувачите ќе побараат алтернатива.

Генерално, Македонците во месецот заследуваат по 2 нови страници на брендови, ставаат по 15 лајкови и 4 коментари на објави и обично по еднаш споделуваат одредена објава.

Извор: https://usb.mk/