Паушална и повисока проценета вредност на имотoт од реалната пазарна вредност, што влијае на висината на данокот што го плаќаат, е една од поплаките што ги изнеле граѓаните во неодамна објавената анализа за администрирање на даноците во град Скопје, пренесе МИА.

Според агенцијата експертите и институциите решение на вакви проблеми гледаат  во поедноставување на постојната или подготовка на нова методологијата за утврдување на пазарната вредност, спроведување масовна проценка од страна на Агенцијата за катастар на невдижности за тоа да биде основа за пресметка на висината на даноците на имот а како што се наведува се препорачува и вклучување независни проценители, особено во случаи на жалбена постапка и реевалуација на вредноста на имотот,  по примерот на европските држави.  

Официјалните податоци покажуваат дека стапките на данокот на имот во Македонија се ниски во споредба со другите европски земји, но, граѓаните во анкетата спроведена за потребите на анализата наведуваат дека се незадоволни од износот што го плаќаат. Мнозинството од анкетираните не се согласуваат дека износот што го плаќаат за данок на имот односно за данок на наследство и подарок е разумен и правичен.

Како даночна основа  во Македонија се зема пазарната вредност на недвижниот имот која се пресметува согласно Методологијата за одредување пазарна вредност. Според анкетата, 70 проценти од испитаниците изјавиле дека не се запозанени со Методологијата. Од оние кои рекле дека се запознаени, две третини сметат дека даночната администрација на град Скопје не ја оценува реално вредноста на нивниот недвижен имот. Иако зема предвид повеќе аспекти, Методологијата не става акцент на географската локација на сопственоста при одредување на цената, што е најзаначен критериум во најголем дел од развиените држави.

Промени на состојбите се очекуваат со новиот закон за проценка на кој работи Министерството за правда и завршувањето на изработката на новата методологија на која работи Министерството за транспорт и врски, пишува Миа.

Максимум 50.000 рабоптници, односно 15.000 работодавачи може да бидат опфатени со новиот закон кој се носи денеска по скратена постапка со цел да им се помогне на фирмите кои ги покачиле платите над минималната граница, а износот кој секој месец ќе се добива по вработен може да достигне и до 1.200 денари. 

Едно претпријатие же се смета дека има потреба од помош доколку трошоците за вработените сочинуваат повеќе од 50 отсто од вкупните трошоци.

Државата планира да ги поттикне работодавачите кои имаат финансиски проблеми да ги исплатат зголемените плати на вработените кои се покачени над минималната плата и изнесуваат до 18.000 денари нето плата.

Средствата за исплата на финансиската поддршка се обезбедуваат од Буџетот на РМ. За спроведување на законот, што се носи по скратена постапка, ќе бидат потребни околу 372.000.000 денари за 2018 година, односно 892.800 денари за 2019 година.

Според Предлогот, финансиската поддршка ќе се обезбеди во периодот од јули до декември годинава и ќе изнесува 30 отсто од разликата помеѓу бруто платата на работникот во тековниот месец и просечната бруто плата на работникот исплатена во октомври, ноември и декември минатата година. 

Во Велика Британија е спроведено истражување со кое е дојдено до заклучок кои се всушност работите кои луѓето најмногу ги мразат кај своите колеги. Во продолжение прочитајте ги овие навики, можеби и вие ги поседувате.

• Колеги кои доцнат на работа и состаноци,
• Колеги кои постојано се на пауза за цигара,
• Колеги кои доаѓаат на работа кога се болни,
• Колеги кои ги озборуваат другите колеги,
• Колеги кои разговараат за доверливи деловни проблеми,
• Колеги кои ги носат своите деца на работа,
• Колеги кои им испраќаат меил на колегите кои седат до нив,
• Колеги кои носат папучи на работа,
• Колеги кои носат облека која ништо не прикрива,

Внимавајте ако имате некоја од овие навики обидете се да најдете решение за истата. Што е тоа што вас ве нервира најмногу кај вашите колеги?

20 973 денари е просечната исплатена месечна бруто-плата по вработен, во мај 2018 година во секторот производство на кожа и слични производи од кожа. 

18 924 денари е во рибарство и аквакултура, покажуваат податоците на Државниот завод за статистика. 

22 396 денари бруто земаат во производство на облека. 

Вработените во производство на текстил заработуваат бруто по 28 456 денари. 

Во секторот преработка на дрво и производи од дрво и плута, освен мебел, производство на предмети од слама и плетарски материјал, бруто платата изнесува 23 682 денари. 

Вработените во производство на мебел земаат бруто 22 470 денари. 22 282 денари бруто земаат луѓето кои работат со услуги поврзани со одржување на згради и дејности на уредување и одржување на животната средина и природата.