Во првите три месеци од годинава во Македонија имало 8331 слободни работни места. Најмногу работници недостасувале во услужните дејности и продажба, а според регионот најбарани биле работници во пелагонискиот регион.

Државниот завод за статистика објави дека во првото тримесечје од 2018 година, стапката на слободни работни места изнесува 1,68 процент. Највисока стапка на слободни работни места има секторот  Административни и помошни услужни дејности 4,25 отсто, додека најмала е стапката во секторот Јавна управа и одбрана, задолжително социјално осигурување, каде што изнесува 0,20 отсто.

Најмногу работници се барале во деловните субјекти со број на вработени од три  до девет, каде стапката на слободни работни места изнесувала 1,91 отсто. Стапката на слободни работни места во пелагонискиот регион изнесува 3,15 проценти. Но според бројката најмногу слободни работни места имало во скопскиот 4.137.

Според објавените податоци во групат аработници во служни дејности продажба имало 2.929 слободни работни места.

Министерот за транспорт и врски Горан Сугарески се обрати на Меѓународната конференција на тема Безбедност на патиштата.

Во своето обраќање, министерот Сугарески потенцира дека безбедноста е комплексен проблем каде што се бара мултисекторски пристап и неопходност од поставување на механизми за ефикасно и ефективно управување, координација и одржливо финансирање на системот на безбедност.

Многу е важно е да се мобилизраат и подготват сите клучни институции и секоја од нив да превземе соодветни активности во својот делокруг на работа. Доколку ги земеме во предвид показателите дека во земјите од ЕУ има во просек 5,2 жртви во сообраќај на 100.000 жители, а во Македонија има 7,1 жртви во сообраќајот на 100.000 жители неопходно беше да се превземат конкретни чекори. Според анализите, споредбено со 32 земји во Европа, Македонија е меѓу последните 5 земји по безбедност на сообраќајот. Тоа беше аларм, серизно да се зафатиме со оваа проблематика и во следниот период да најдеме конкретно решенија со кое ќе ги подобриме условите на патиштат и ќе ја зголемиме безбедноста. Во така насока се јави потребата да се формира една водечка институција односно Извршно тело кое ќе има крајна одговорност и задача за подобрување на безбедноста и намалување на бројот на жртви на патиштата во Република Македонија“ – изјави министерот Сугарески.

Тој пред присутните истакна дека веќе е формирана работна група која до крајот на 2018 година ќе даде конкретен предлог за формирање на Агенција за управување со безбедноста на сообраќајот. 

Заменик министерот за внатрешни работи, Агим Нухиу истакна дека Министерството за внатрешни работи презема сет на безбедносни мерки и во координација со другите институции работат на зголемување на безбедноста во сообраќајот.

На конференцијата се обрати и директорот на ЈП за државни патишта, Зоран Китанов кој истакна дека во рамките на претпријатето формирани се секторски одделенија кои ќе работат исклучиво на квалитетни проекти во патната инфраструктура заради подигнување на безбедноста на патиштата.

Конференцијата е во организација на Министерството за транспорт и врски, ЈП за државни патишта и Светска Банка.

Од вкупно 17.739 лица кои побарале бугарско джавјанство  периодот од мај 2017 до  мај 2018 година, дури 10 000 се Македонци.

Оваа бројка од собраниската говорница ја објави министерката за правда Цецка Цачева, одговарајки на критиките на опозицијата која бара нови правила во  пасошката политика.  Социјалистите бараат гаранции лицата кои ќе добијат  бугарски пасош да ги плакаат даноците и останатите  давачки со што ќе покажат дека се лојални герагани на новата татковина.

Освен од Македонија, голем дел од барателите на бугарските пасоши  се од  Украина, Албанија , Србија и Молдавија. 

Министерката за правда Цачев соопшто дека за една година  биле  одобрени  9.848 апликации, а одбиени се 895.

БЕГ - Снабдување со топлина на повеќе од половина од потрошувачите или 62 проценти, ќе им испрати пониски или еднакви порамнителни сметки со авансните, соопштуваат од компанијата.

Висината на порамнителните сметки, појаснуваат оттаму, е различна за секој потрошувач и зависи од карактеристиките и енергетската ефикасност на објектот и секако од измереното количество на испорачана топлинска енергија до самиот објект.

Иако изминатата грејна сезона траеше шест дена подолго од вообичаеното, сепак, повисоките просечни надворешни температури во текот на минатата зима ја намалија испораката на топлинска енергија во централниот систем за топлинска енергија во Скопје. Помалото количество на испорачана топлинска енегија до потрошувачите од прогнозираната ќе биде нивелирана во сметките за мај, јуни и јули, кога вообичаено се врши порамнување помеѓу прогнозираната и реално испорачаната топлинска енергија, наведуваат во соопштението.

Потрошувачите, во текот на целата година, во своите сметки добиваат податок за тоа колку енергија потрошиле, како и за износот на разликата меѓу потрошената и прогнозираната топлинска енергија. Ако при порамнувањето, велат од БЕГ, се утврди дека е потрошена повеќе топлинска енергија отколку што авансно е пресметана, тогаш разликата се распределува на три еднакви рати и соодветно се фактурира во сметките за месеците мај, јуни и јули. Ако пак потрошувачот авансно платил повеќе отколку што е утврдено при мерење на потрошената топлинска енергија, тогаш разликата ќе му биде вратена.

Тагови: парно греење