Со Предлог-буџетот за 2027 година се предвидува зголемување на платите за 10 проценти за вработените во Армијата и одбраната, соопшти министерот за одбрана Владо Мисајловски. Буџетскиот предлог веќе е усвоен од Владата, а во следната фаза треба да биде доставен до Собранието на разгледување и одлучување.

Според Мисајловски, најавеното покачување ќе ја опфати не само основната плата, туку и сите останати компоненти што влегуваат во вкупната месечна заработка. Тој оцени дека станува збор за историски најголемо зголемување во апсолутна вредност, нагласувајќи дека оваа мерка е резултат на социјалниот дијалог и соработката со синдикатите.

Министерот порача дека подобрувањето на материјалниот статус на припадниците на Армијата останува меѓу клучните приоритети на Министерството за одбрана. Воедно, упати благодарност до премиерот Христијан Мицкоски и министерката за финансии Гордана Димитриеска-Кочоска за поддршката, додека конечната одлука за предложеното покачување ќе ја носи Собранието.

Тагови: Армија на РСМ зголемување на плати

Стресот на работното место е сè почеста појава, а кратките рокови, големата одговорност, постојаната комуникација со луѓе и високите очекувања се само дел од причините поради кои секојдневната работа може да стане исцрпувачка.

Според истражување спроведено во Холандија од CBS и TNO, меѓу професиите со високо ниво на работен стрес се издвојуваат:

• Фармацевтски техничари – голема одговорност и постојана работа со клиенти.
• Наставници – справување со ученици, родители и административни обврски.
• Медицински сестри и лекари – долги смени и одговорност за здравјето на пациентите.
• Медицински асистенти – динамична работа и голем број задачи.
• Келнери и барски персонал – брзо темпо и постојана комуникација со гости.
• Готвачи и пекари – физички напор, кратки рокови и работа под притисок.

Сепак, стресот не зависи само од професијата. Лошата работна атмосфера, нереалните рокови, недоволната поддршка и нарушениот баланс помеѓу приватниот и професионалниот живот можат да ја направат стресна речиси секоја работа.

Тагови: професии работнички права стрес на работно место

Потрошувачките навики на граѓаните во Македонија покажуваат јасна промена, при што најголем дел од парите завршуваат за храна, пијалаци и гориво, додека за другите производи се троши значително помалку. Најновите податоци на Државниот завод за статистика за септември 2026 година укажуваат дека семејните буџети сè повеќе се насочуваат кон покривање на основните потреби.

Според статистиката, прометот во малопродажбата на храна, пијалаци и тутун номинално пораснал за 24,1 процент во однос на истиот месец лани, додека реалниот раст изнесува 19,4 проценти. Уште посилен скок има кај продажбата на гориво, каде прометот на бензинските пумпи е повисок за 38,7 проценти, а реалниот раст достигнува 12 проценти во споредба со септември 2025 година.

Во исто време, трговијата со непрехранбени производи бележи пад, што значи дека граѓаните сè поретко купуваат облека, обувки, мебел и апарати за домаќинство. Овие бројки покажуваат дека кога најголемиот дел од буџетот оди за храна и транспорт, останува сè помалку простор за други трошоци, а штедењето на непрехранбени производи станува сè поизразен тренд.

Тагови: Државниот завод за статистика (ДЗС) Македонци храна

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Помлад соработник книговодител, Одделение за материјално финансиско работење, Сектор за материјално - финансиски работи и сметководство

Благајник II - Виш референт - благајник, Одделение за финансии и сметководство

Самостоен референт - технички секретар на Градоначалникот, Одделение за административна поддршка на Градоначалникот, Сектор за поддршка на Градоначалникот

Помлад соработник за организација и административна подготовка на обуки, Одделение за обуки, Сектор за управување со човечки ресурси и обуки

Советник за средно образование, Одделение за образование, Сектор за образование и јавни дејности

Сите останати позиции за во државна администрација можете да ги најдете ТУКА.

Тагови: државна администрација