Наместо поддршка по раѓањето на детето, следувале намалување на платата и отказ. Работен трибунал утврдил дискриминација, а работничката е обештетена со околу 15.000 фунти.

Случајот на менаџерка во секторот за нега повторно го отвори прашањето за односот на работодавачите кон вработените кои стануваат родители.

Според People Management, работен трибунал досудил околу 15.000 фунти отштета на менаџерка која тврдела дека била дискриминирана откако станала мајка. Случајот се однесува на однесувањето на директорот на компанијата, кој, според наодите на трибуналот, реагирал негативно откако дознал дека вработената неодамна родила.

Одлуката на директорот предизвикала правен спор

Како што наведува People Management, директорот се почувствувал дека е „манипулиран“ и се обидел да ѝ ја намали платата на вработената за половина, откако дознал за нејзината ситуација.

Станувало збор за работничка која работела на менаџерска позиција и била ангажирана во дом за нега. Случајот подоцна стигнал до работен трибунал, каде што биле разгледувани околностите околу нејзиниот отказ и третманот на работното место.

Родителството не смее да стане „казна“ на работното место

Овој случај е уште еден потсетник дека одлуките поврзани со вработените кои стануваат родители можат да имаат сериозни правни последици за работодавачите.

За HR тимовите, ваквите ситуации ја нагласуваат потребата од внимателен и документиран пристап при промена на условите за работа, особено кога тие промени се случуваат во период поврзан со бременост, породилно отсуство или враќање на работа.

Во британскиот контекст, дискриминацијата поврзана со бременост и мајчинство е заштитена со закон, а работните трибунали можат да досудат финансиски надомест кога ќе утврдат дека работникот бил незаконски третиран.

Пораката за работодавачите

Случајот покажува колку брзо една одлука донесена во чувствителен момент може да прерасне во сериозен работен спор.

За компаниите, тоа значи дека односот кон родителите не е само прашање на добра HR практика, туку и прашање на еднаквост, законска усогласеност и професионално управување со луѓето. Вработените кои стануваат родители не престануваат да бидат професионалци а начинот на кој компанијата ќе ги третира во тој период може да биде важен показател за нејзината организациска култура.

Прочитајте и за: Искуството против алгоритмите: Зошто искусните работници потешко се докажуваат онлајн?

Тагови: HR трендови породилно отсуство

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Нептун најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Моментално вработува:

Продукт менаџер (Бела техника)
Референт за наплата и кредитирање
Референт за продажба во Скопје
Референт за продажба во Битола

Skopje Marriott Hotel е луксузен хотел со 5 ѕвезди, сместен во самиот центар на Скопје, на плоштад „Македонија“. Хотелот комбинира модерен дизајн со елегантен стил и нуди врвна услуга за деловни патници и туристи.

Моментално вработува:

Хостеса / Hostess
Супервизор на собарки / Hotel Cleanliness Supervisor
Готвач/ка - Супервизор / Cook – Lead
Готвач-ка / Cook

Кромберг и Шуберт е меѓународна компанија специјализирана за развој и производство на комплексни системи за ожичување и електрични компоненти за автомобилската индустрија.

Моментално вработува:

Оператор во производство – Скопје
Техничар за одржување на тест табли – Скопје
Работник за одржување на производни табли - Скопје

Котон Магазаџилик ДООЕЛ е дел од KOTON, еден од познатите меѓународни модни брендови со потекло од Турција, основан во 1988 година во Истанбул. Од своите почетоци како мала продавница, KOTON прераснува во глобален моден бренд со присуство на повеќе пазари и широка понуда на современа облека и модни додатоци.

Моментално ваработува:

Продажен персонал - City Mall - полно работно време
Продажен персонал - Тетово

Биотек ДОО е основан во 1999 година со двајца вработени, со јасна визија да навлезе во клиничкиот и индустрискиот сектор.

Моментално вработува:

Хигиеничар/ка

Транском Македонија специјализирани за искуство со клиенти, продажба и маркетинг преку гласовни и дигитални канали.

Моментално вработува:

German Speaking Team Leader (m/f)
Консултант за корисничка поддршка на германски јазик во сектор за финансиски услуги (м/ж)

Алкалоид AД Скопје е компанија која повеќе од осум децении работи на производство на лекови, преработка на билни суровини и на производство на козметички и на хемиски производи.

Моментално вработува:

Техничар во Котлара – сервис и инфраструктура лафома

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Просветно дело е една од најпознатите и најдолговечни издавачки компании во Македонија, со значајна улога во развојот и унапредувањето на образованието, културата и издаваштвото.

Моментално вработува:

Работник во магацин
Продажен персонал - Скопје

Се уште невработени?! Сите останати активни работни позиции можете да ги најдете ТУКА.

Создавањето поинклузивен пазар на труд и повеќе можности за вработување на младите беше во фокусот на настанот „Инклузивни политики на вработување“, на кој учествуваше и генералниот менаџер на KARIERA.mk Ружица Доневска

Во разговорот со Иван Штерјоски, Национален менаџер на проектот „Зајакнување на младите преку нови можности 2“, беше истакната важноста од создавање еднакви и достапни можности за младите, особено за оние кои се соочуваат со социјални и економски предизвици.

Како платформа која ги поврзува кандидатите и работодавачите, KARIERA.mk ја поддржува потребата од поинклузивни процеси на вработување и создавање повеќе можности младите да го покажат својот потенцијал.

На настанот се разговараше и за професионалното менторство, поддршката при интеграција на работното место и добрите практики кои можат да им помогнат на младите полесно да се вклучат на пазарот на труд.

Инклузивното вработување значи отворање повеќе врати, создавање реални можности и поддршка за секој млад човек да го направи својот следен професионален чекор.

Тагови: млади пазарот на труд СОС Детско село Зајакнување на младите преку нови можности 2

Работните групни четови денес се дел од секојдневието. WhatsApp, Viber, Teams, Slack или друга платформа комуникацијата често се одвива со неколку пораки наместо со мејл или состанок.

Но, токму затоа што пишувањето е брзо и неформално, лесно можеме да испратиме порака што ќе биде погрешно разбрана или ќе остави непрофесионален впечаток.

Еве пет чести грешки што вреди да ги избегнувате.

1. Пишувате пораки што можат да се протолкуваат на повеќе начини

Во пишана комуникација го нема тонот на гласот, изразот на лицето или говорот на телото.

„Добро.“ „Во ред.“ „Како што сакаш.“ Можат да звучат сосема различно во зависност од контекстот.

Ако пораката се однесува на важна задача, подобро е да бидете конкретни: „Во ред, ќе ја завршам задачата до 15:00 часот.“

Јасната порака остава помалку простор за погрешно толкување.

2. Пишувате кога сте лути

Работниот чет не е најдобро место за реакција во момент на лутина. Една кратка порака напишана во погрешен момент може да звучи многу поостро отколку што сте замислиле особено кога ја читаат сите членови на групата. Ако нешто ве изнервирало, направете пауза пред да одговорите.

Ако проблемот е сериозен, можеби е подобро да го решите директно со лицето или на разговор, наместо пред целата група.

3. Ја преплавувате групата со непотребни пораки

„Добро утро 😊“ „Хаха.“ „Да.“ „И јас.“ „Супер.“

Во приватен разговор ваквите пораки можеби не се проблем. Но, во работна група, десетици кратки пораки можат да ја затрупаат комуникацијата и да ја сокријат важната информација.

Пред да испратите порака, прашајте се: Дали ова е корисно за сите во групата или можам да го испратам приватно? Понекогаш една добро составена порака е подобра од пет кратки.

4. Очекувате одговор веднаш

Само затоа што некој ја прочитал пораката, не значи дека може веднаш да ви одговори. Особено ако групата се користи за работа, важно е да се почитува времето и концентрацијата на другите.

Наместо: „???“ „Ќе одговориш ли?“ „Има ли некој да ми врати?“ ако прашањето не е итно, оставете разумно време за одговор.

Ако е навистина итно, кажете го тоа јасно и наведете до кога ви е потребна информацијата.

5. Работните групи ги претворате во место за озборување

Една од најголемите грешки е да се заборави дека во работниот групен чет сè што ќе напишете може да биде прочитано, зачувано или препратено. Коментари за колеги, потсмевање, критики за менаџери или интерни озборувања можат брзо да создадат непријатна ситуација.

Дури и ако мислите дека групата е „безбедна“, добро правило е: Не пишувајте во работен чет нешто што не би го кажале лице в лице.

Работниот чет не е исто што и приватниот чат

Брзината на комуникацијата не значи дека професионалните правила престануваат да важат.

Пред да испратите порака, размислете дали е:

• Јасна;
• Потребна;
• Испратена до вистинските луѓе;
• Соодветна по тон;
• Испратена во соодветно време.

Понекогаш најпрофесионалната порака е онаа што ќе ја прочитате уште еднаш пред да притиснете „Send“.

Работните групни четови треба да ја олеснуваат комуникацијата, а не да создаваат дополнителни недоразбирања. Затоа, пишувајте кратко, јасно и со почит – и не заборавајте дека зад секоја порака стои човек кој можеби ќе ја прочита сосема поинаку од начинот на кој сте ја замислиле.

Прочитајте и за: 5 грешки при градење професионални контакти

Тагови: Microsoft Teams совети за работа WhatsApp Viber Slack