„Бараме кандидат со минимум една година искуство.“ реченица која многу млади кандидати ја гледаат во огласите за работа. Но, како да стекнете искуство ако речиси секоја позиција го бара како услов?

Добрата вест е дека работното искуство не започнува секогаш со првата формална работа. Постојат различни начини да стекнете практични знаења, да изградите портфолио и да покажете дека сте подготвени да работите.

Еве неколку начини од кои можете да започнете.

1. Искористете ги праксите и волонтерството

Практикантската работа е еден од најдобрите начини да стекнете прво реално искуство. Дури и ако праксата е краткорочна, можете да научите како функционира работната средина, да работите со колеги и да преземете конкретни задачи.

Волонтерските ангажмани исто така можат да бидат вредни, особено ако се поврзани со областа во која сакате да се развивате.

2. Работете на сопствени проекти

Не мора да чекате компанија да ви даде шанса за да покажете што знаете. Ако сте заинтересирани за маркетинг, можете да креирате сопствена кампања. Ако сакате да се занимавате со графички дизајн, направете неколку пример-дизајни. За програмирање развијте мал проект или апликација.

Сопствениот проект може да стане доказ за вашите способности.

3. Учете, но претворете го знаењето во практика

Онлајн курсевите, обуките и сертификатите можат да бидат одличен почеток, но самото завршување курс не значи дека сте стекнале практично искуство.

Обидете се наученото веднаш да го примените. Направете проект, решете конкретен проблем или создадете нешто што можете да го покажете на потенцијален работодавач.

4. Не ги потценувајте фриленс и краткорочните ангажмани

Помали проекти, хонорарна работа или краткорочни ангажмани можат да ви помогнат да стекнете искуство и да работите со реални клиенти или тимови.

Дури и неколку успешно завршени проекти можат да ви помогнат да изградите портфолио и да покажете дека знаете да работите со рокови и одговорности.

5. Искористете ги контактите и networking-от

Понекогаш првата можност доаѓа преку човек, а не преку оглас. Разговарајте со луѓе кои веќе работат во областа што ве интересира, посетувајте настани, конференции, работилници и саеми за вработување.

Не мора веднаш да барате работа. Понекогаш е доволно да прашате за совет, искуство или препорака за тоа од каде да започнете.

6. Направете CV што ги истакнува вашите вештини

Ако немате формално работно искуство, не оставајте празен простор во CV-то.

Наведете:

• Практикантства;
• Волонтерска работа;
• Проекти;
• Студентски активности;
• Курсеви и обуки;
• Релевантни вештини;
• Достигнувања и резултати.

На пример, наместо само да напишете „Знам да работам во Canva“, наведете дека сте креирале конкретни визуелни материјали за проект, организација или сопствен профил.

7. Аплицирајте и кога не ги исполнувате 100% од условите

Ако огласот бара една година искуство, а вие имате релевантни вештини, проекти и мотивација, не се откажувајте автоматски. Работодавачите понекогаш се подготвени да дадат шанса на кандидат кој нема целосно да ги исполнува сите услови, но покажува потенцијал и желба за учење.

Не чекајте искуството само да се појави

Најголемата грешка е да мислите дека прво мора да добиете работа за да започнете да градите искуство. Започнете уште денес. Работете на проект, научете нова вештина, волонтирајте, најдете пракса или преземете мал ангажман. Секој од овие чекори може да стане дел од вашата професионална приказна.

Немате искуство? Тогаш покажете потенцијал. Работодавачот можеби нема да очекува од кандидат на почетокот на кариерата да знае сè. Но, ќе сака да види дека сте љубопитни, одговорни, подготвени да учите и дека сте презеле нешто конкретно за да се развивате. Првото искуство не мора да биде совршената работа. Важно е да биде првиот чекор.

Прочитајте и за: 5 работи што регрутерите ги забележуваат во првите 5 минути од интервјуто

Тагови: совети за работа

Петок, 28 август, Македонија ја очекува сончево и стабилно време со високи температури. Во Скопје максималната температура ќе достигне околу 38–39°C, додека утринските температури ќе се движат околу 20°C. Врнежи не се очекуваат, а ќе дува слаб до умерен ветер.

Поради високите температури, избегнувајте подолг престој на директно сонце во најтоплиот дел од денот. Пијте доволно вода, носете лесна облека и не заборавајте на крема со заштитен фактор. Во Скопје се очекуваат температури околу 38°C, со претежно сончево време.

Временска прогноза за Скопје. За другите градови кликни ТУКА.

13.10.2026 Вторник   10° / 12° 08:43   20:00

14.10.2026 Среда   9° / 15° 08:44   19:59

15.10.2026 Четврток   3° / 17° 08:46   19:57

Белград пушти во употреба нов систем од 30 сообраќајни камери што автоматски регистрираат различни прекршоци, меѓу кои користење мобилен телефон при возење, неносење безбедносен појас, пречекорување на дозволената брзина и поминување на црвено светло. Камерите се поставени на фреквентни сообраќајници, раскрсници и влезови во градот, а системот ги опфаќа Нови Београд, Земун, Алтина, Ледине, Бежанијска коса, како и правците кон Батајница, Рушањ, Винча и Борча.

Според информациите на РТС, новата технологија истовремено открива повеќе видови прекршоци, вклучувајќи и возење во жолта лента, неправилно престигнување, престигнување колона преку полна линија, како и управување нерегистрирано возило. Податоците автоматски се испраќаат до центарот на МУП, по што сопствениците на возилата ја добиваат казната на домашна адреса или преку порталот за електронска администрација.

Според објавените податоци, сообраќајните камери во Белград во просек бележат околу 120 прекршоци дневно. Најчесто се регистрираат поминување на црвено светло, неносење појас и пребрзо возење, што укажува дека новиот систем значително ќе го засили надзорот врз возачите во српската престолнина.

Тагови: казни камери Србија

Националните радиодифузери членки на ММА и јавниот сервис МРТ изразија сериозна загриженост поради сомнежи дека со работењето на спортските канали Arena M1, M2 и M3 Premium се заобиколуваат македонските закони. Според нив, каналите подолг период функционираат без домашна дозвола, иако продукцијата, студиските емисии, новинарите и коментаторите се наоѓаат во Скопје, а програмата се емитува на македонски јазик.

Дополнително, ММА и МРТ посочуваат дека овие канали не се појавуваат во евиденцијата на српскиот регулатор РЕМ, што, според нив, значи дека не станува збор за домицилни српски сервиси. Сепак, во операторските евиденции одобрени од АВМУ тие се водат како странски канали што емитуваат програма на српски јазик. Оттаму бараат институциите да утврдат дали е избегната законската обврска за лиценцирање, дали е нанесена штета на буџетот поради неплаќање лиценца и дали постои одговорност кај сопствениците, одговорните лица и службениците во АВМУ.

Во реакцијата се бара и проверка за можно неовластено користење на премиум спортски ТВ-права, односно евентуална ТВ пиратерија, како и конечно да се испита долгогодишното незаконско реемитување на канали од регионот. ММА и МРТ најавија дека ќе поднесат претставки до Јавното обвинителство и МВР, а предупредија и дека нема да дозволат истиот модел да се примени и за најавениот Euronews Македонија. Според нив, „беззаконието кое денес се толерира како исклучок, утре може да стане правило“.

Тагови: Arena Sport Македонската радио телевизија (МРТ) АВМУ