Transcom Македонија ќе организира „Отворен ден“ настан во недела, 26 април 2026 година, од 11:00 до 14:00 часот, во City Park во Скопје, наменет за сите баратели на работа и сите заинтересирани посетители кои сакаат да ја запознаат компанијата во отворена, опуштена и интерактивна средина.
Настанот е осмислен како активност на отворено со цел привлекување нови таленти и зајакнување на имиџот на компанијата и претставување на Transcom како компанија која негува вредности како тимска работа, благосостојба, позитивна енергија и поврзаност со заедницата. За време на „Отворениот ден“, посетителите ќе имаат можност да дознаат повеќе за Transcom како работодавач, да се запознаат со претставници на компанијата, да поставуваат прашања за кариерни можности и да учествуваат во интерактивни активности подготвени за овој настан.
Посебен дел од програмата ќе биде фитнес активацијата „Answer the Challenge“, развиена во соработка со Fit Corner by Marija. Овој концепт го поврзува функционалниот тренинг со важни вештини релевантни за современото деловно опкружување, како што се активно слушање, тимска соработка, мултитаскинг, фокус, отпорност и снаоѓање под притисок.
.webp)
Посетителите за време на настанот ќе можат да уживаат и во бесплатно освежување, со поддршка и награди од локални партнери, вклучувајќи ја Пицеријата „Костарика“, веќе споменатиот „Fit Corner“, одредени поволности од “Smart Living” и “Gifto”, како и други спонзори.
Организаторите истакнуваат дека целта на настанот е да се создаде пријатно и незаборавно искуство за локалната заедница, со можност потенцијалните кандидати да го запознаат Transcom на поличен и поинтерактивен начин. Настанот е отворен за сите заинтересирани посетители и влезот е бесплатен.
Детали за настанот: Transcom Open Day
26 април 2026 11:00 – 14:00 часот Градски Парк, Скопје
Тагови: Transcom Macedonia