Во Јапонија задремувањето на работа не е нешто необично. Оваа појава, позната како „инемури“, значи кратко задремување додека лицето и понатаму е присутно на работното место. Наместо да се смета за мрзеливост, во многу случаи се гледа како знак дека работникот напорно работи и дека му е потребен краток одмор за да продолжи со обврските.

Сепак, оваа навика зборува и за заморот со кој се соочуваат многу вработени. Долгите работни часови и големата одговорност често доведуваат до недостиг на сон и исцрпеност. Токму затоа сè почесто се отвора прашањето за подобар баланс меѓу работата и приватниот живот и за услови што ќе овозможат поздраво работно секојдневие.

Во најтешките случаи, прекумерната работа може да има сериозни последици по здравјето. Во Јапонија постои дури и термин за „смрт од прекумерна работа“, што укажува колку овој проблем е сериозен. Ова е дополнителен потсетник дека одморот не е луксуз, туку неопходност за здрав и продуктивен живот.

Тагови: Јапонија работни навики работнички права скратено работно време дремка

Во денешно време, првиот впечаток често се остава онлајн. Без разлика дали сте студент, искусен професионалец или менаџер, квалитетното CV може да направи огромна разлика. За среќа, постојат бројни алатки кои ви овозможуваат брзо и лесно да креирате модерна и професионална биографија.

Еве ги најдобрите CV генератори според различни професионални профили:

1. Canva – Идеално за креативци

Canva нуди стотици визуелно атрактивни шаблони. Погодна е за дизајнери, маркетинг специјалисти и сите што сакаат модерно и визуелно впечатливо CV.

✔ Голем избор на бесплатни шаблони
✔ Лесно уредување (drag & drop)
✔ Можност за извоз во PDF

2. Zety – За професионален и структуриран пристап

Zety е одличен избор за кандидати кои сакаат јасно структурирано CV со професионален тон.

✔ Водич чекор-по-чекор
✔ Предлог текстови за секоја секција
✔ ATS-пријателски формати

3. Novoresume – За почетници и студенти

Novoresume нуди едноставни и чисти шаблони, особено погодни за млади кандидати без многу работно искуство.

✔ Фокус на вештини
✔ Лесно прилагодување
✔ Модерен изглед

4. Europass – За аплицирање во Европа

Europass е стандарден формат препознаен низ Европа. Идеален е за аплицирање на меѓународни позиции, пракси и академски програми.

✔ Бесплатен
✔ Стандарден европски формат
✔ Погоден за академски профили

5. Resume.io – Брзо и практично решение

Resume.io е одличен ако ви треба CV во краток рок.

✔ Брза регистрација
✔ Професионални шаблони
✔ Оптимизирано за различни индустрии

Како да изберете вистински CV генератор?

При избор, земете ги предвид:

• Индустријата во која аплицирате
• Дали ви треба креативен или формален формат
• Дали аплицирате локално или меѓународно
• Дали CV-то треба да биде ATS-оптимизирано

Нема „еден најдобар“ CV генератор – вистинскиот избор зависи од вашиот професионален профил и цел. Најважно е CV-то да биде јасно, концизно и прилагодено на позицијата за која аплицирате.

Доколку сте во потрага по нова можност, подгответе го вашето CV и започнете со аплицирање – следната кариера може да ве чека токму вас. 

Прочитајте и за: Стратегии за справување со токсично работно опкружување.

Тагови: CV совети за работа

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Software Developer - ERP Development & Reporting
Архитект- дизајнер за внатрешно уредување
Дистрибутер за достава на амбалажа низ Скопје
Работници за подготовка и продажба на брза храна
Водоинсталатер

Останатите оглси за во Скопје можете да ги најдете ТУКА.

Прочитајте и за: Огласи за работа во Штип!

Прозорците не се менуваат често како мебелот или апаратите за домаќинство. Нивниот просечен век на траење е околу 30 години, што значи дека изборот што ќе го направите денес ќе влијае на вашиот комфор и трошоци во следните децении. Замената на прозорци не подразбира само купување нови – таа отвора дополнителни трошоци како рушење на ѕидови, изнесување шут, опшивка и завршни градежни работи. Затоа одлуката мора да биде внимателна и информирана.

Енергетска ефикасност – клучниот фактор

Главната улога на ПВЦ прозорот е да обезбеди максимална енергетска ефикасност – односно да ги намали загубите на топлина во зима и прегревањето во лето.

Uw = 1.0 W/m²K е коефициент кој ја означува вкупната топлинска спроводливост на прозорот (профил + стакло). Колку е пониска вредноста, толку е подобра изолацијата. Денес, со зголемените цени на енергенси, прозорците со ниска Uw вредност директно значат пониски сметки за струја и греење.

Освен топлинската изолација, сè поголемо значење има и звучната изолација, особено во урбани средини. Квалитетниот трослоен термопан со различна дебелина на стаклата може значително да ја намали бучавата од сообраќај и надворешни влијанија.

Профилот не е сè

Често прозорците се именуваат според брендот на профилот: Трокал, Комерлинг, Саламандер, Рехау, Века и други. Но профилот е само еден дел од целината.

Многу поважно од името на профилот е:

• квалитетот на термопанот,
• дебелината и видот на армирањето (железото),
• типот на оковот,
• начинот на производство,
• и најважно – стручната монтажа.

Термопанот – срцето на изолацијата

Околу 80% од површината на прозорот е стакло, што значи дека токму термопанот има најголемо влијание врз изолацијата.

Современите решенија вклучуваат:

• нискоемисиони стакла (Low-E),
• 4 сезони стакла,
• полнење со аргон,
• топли дистанционери наместо алуминиумски,
• трослоен термопан со дебелина до 50 мм.

Трослоен термопан со Ug = 0.5 W/m²K обезбедува до 5 пати подобра изолација во споредба со стандарден двослоен термопан од 24 мм со Ug = 2.7 W/m²K.

Дополнително, модерните стакла со меко покритие нудат значително подобри изолациски својства од постарите генерации со тврдо покритие.

Безбедност и стабилност

Армирањето (железото во профилот) е клучно за стабилноста. Без соодветна дебелина, прозорот може да се искриви со тек на време.

Оковот, пак, директно влијае на функционалноста и безбедноста. Современите системи со безбедносна класа RC2/WK2 обезбедуваат зголемена заштита од кражби, што е сè поважен аспект за домовите и деловните објекти.

Прецизна изработка и CNC технологија

Денешното производство на прозорци користи CNC машини кои овозможуваат минимално човечко влијание и максимална прецизност. Тоа значи подобро дихтување, подолг век на траење и помала можност за грешки.

Долгорочна сигурност

Во време кога на пазарот функционираат стотици компании за ПВЦ столарија, важно е да се избере стабилен и докажан изведувач кој ќе биде присутен и по 10 или 20 години – за сервис, гаранција и поддршка.

Прозорецот не е трошок – тој е инвестиција во комфор, сигурност и енергетска заштеда. Затоа одлуката треба да се темели на целокупниот систем, а не само на името на профилот или најниската цена.

Тагови: енергија топлина ПВЦ прозори