Предлог на закон за изменување и дополнување на Законот за минимална плата во Република Северна Македонија во прво читање денеска е на дневен ред на седницата на собраниската Комисија за економски прашања, труд и енергетска политика.
Овластен предлагач е претседателот на СДСМ, Венко Филипче, а останати предлагачи се пратениците Бисера Костадиновска Стојчевска, Благој Бочварски, Борче Цветков, Венко Филипче, Горан Мисовски, Даниела Николова, Димитар Ковачевски, Јован Митрески, Јованка Тренчевска, Љупчо Николовски, Миле Талевски, Митко Трајчулески, Моника Зајкова, Оливер Спасовски, Сања Лукаревска, Славјанка Петровска, Соња Мираковска, Фатмир Битиќи.

Со  предлог-законот се предлага минималната плата во државава да изнесува 600 евра.

Истиот предлог-закон потоа е ставен и на дневен ред на Законодавно-правната комисија.

Тагови: минимална плата собрание

Дозволено пушење цигари ќе има во простори, тераси кои ќе треба да бидат отворени од најмалку две страни.Првичниот предлог закон кој предвидуваше најмалку отворени три страни во просторот, има измени по последната средба меѓу угостителите и претставниците на Владата.

Оваа одлука доаѓа откако институциите утврдиле дека голем дел од објектите немаат техничка можност да ги отворат терасите од три страни. Сепак, забраната за пушење во затворените делови на објектите останува целосна и категорична.

Во деловните простори, во внатрешноста, нема да се пушат цигари, ’ајкос’ или ’вејп’. На терасите ќе продолжи да се пуши, со обврска да ги приспособиме на новиот закон – да бидат отворени од минимум две страни и заградени до висина од 1,40 метри поради безбедност и природно проветрување, изјави Перица Голомеиќ, претседател на Туристичко-угостителската комора.

Иако угостителите бараа одложена примена од три години, извесно е дека ќе добијат рок од најмногу една година по стапувањето на сила на законот за да ги приспособат своите објекти.

Тагови: Влада на РСМ забрана за пушење цигари

Даути Комерц - А.Д лидер во регионот и пошироко во микродистрибуција на производи за широка потрошувачка.

Моментално вработува:

Мерчендајзер (Редач на роба) - Скопје
Референт за продажба регион Скопје
Готвач/ка

Се уште невработени?! Сите останати огласи за вработување можете да ги најдете ТУКА.

Тагови: Даути Комерц

Интервјуто за работа треба да биде разговор базиран на доверба. Но реалноста е поинаква – многу кандидати барем еднаш „ја разубавиле“ вистината во своето CV или на интервју. Зошто се случува тоа?

Дали станува збор за нечесност – или за притисок од системот?

1. Страв од одбивање

Пазарот на труд е конкурентен, особено во Северна Македонија. Кога една позиција има десетици или стотици апликанти, кандидатите чувствуваат дека мора да се издвојат по секоја цена. Малото „претерување“ за искуството или вештините изгледа како безопасен чекор за да стигнат до следната фаза.

2. Нереални барања во огласите

Кога „почетна позиција“ бара 2-3 години искуство, напредно познавање на повеќе алатки и совршен англиски – кандидатите се чувствуваат приморани да ги „прилагодат“ фактите.

Ако системот поставува високи и често нереални стандарди, дел од луѓето ќе се обидат да ги достигнат – барем на хартија.

3. Притисок од околината

Очекувањата од семејството, финансискиот притисок и желбата за побрз успех можат да доведат до одлуки што инаку не би ги донеле. За некои кандидати, интервјуто не е само разговор – туку прашање на егзистенција.

4. „Сите го прават тоа“

Постои перцепција дека разубавувањето на CV е нормална пракса. Од додавање „напредно ниво“ на Excel, до зголемување на одговорностите во претходната компанија – линијата меѓу маркетирање и лажење станува тенка.

5. Недостаток на самодоверба

Парадоксално, понекогаш луѓето лажат затоа што не знаат како правилно да ја претстават вистината. Наместо да ги истакнат своите реални достигнувања, тие додаваат нешто што мислат дека работодавецот сака да го слушне.

Но што се случува кога вистината ќе излезе на виделина?

Краткорочно, лагата може да донесе понуда. Долгорочно – може да донесе отказ, нарушена репутација и изгубена доверба.

За компаниите, пак, ова значи погрешни вработувања, дополнителни трошоци и нарушена тимска динамика.

Решението не е само кај кандидатите

И работодавците имаат улога:

• Пореални и појасни огласи
• Фокус на потенцијал наместо на „совршено CV“
• Структурирани интервјуа што проверуваат вештини, не само приказна
• Култура што охрабрува искреност

Кандидатите лажат најчесто од страв, притисок или желба да добијат шанса.

Но вистинското прашање е: Дали процесот на селекција создава средина во која искреноста е предност – или ризик?

Прочитајте и за: Зошто компаниите бараат искуство за почетна позиција?

Тагови: HR трендови