Градењето успешна кариера не е резултат на среќа или случајна можност. Тоа е процес кој бара свесни одлуки, постојано учење и јасна насока. Во динамичниот свет на работа, кариерата што расте е онаа што се адаптира, се надградува и создава вредност – и за вас и за компанијата.

1. Поставете јасна кариерна насока

Без цел, напредокот е случаен. Размислете каде сакате да бидете за 2, 5 или 10 години и кои вештини ви се потребни за таму да стигнете. Јасната визија ви помага полесно да ги препознаете вистинските можности и да кажете „не“ на оние што ве оддалечуваат од целта.

2. Инвестирајте во знаење и нови вештини

Пазарот на труд постојано се менува. Вработените кои континуирано учат остануваат релевантни и барани. Онлајн курсеви, обуки, сертификации или учење од колеги – секоја нова вештина е чекор напред во кариерата.

3. Бидете проактивни, не само вредни

Работењето напорно не е секогаш доволно. Иницијативата, преземањето одговорност и предлагањето решенија ве издвојуваат од останатите. Проактивните вработени се тие што менаџерите ги гледаат како идни лидери.

4. Градете професионални односи

Кариерата не се гради изолирано. Квалитетната комуникација, соработката и добрата репутација се подеднакво важни како и техничките вештини. Вмрежувањето отвора врати кон нови проекти, менторства и идни можности.

5. Побарајте и прифаќајте фидбек

Конструктивниот фидбек е алатка за раст. Редовното барање мислење од претпоставени и колеги ви помага да ги препознаете слабостите и да ги подобрите силните страни. Кариерата расте кога и вие растете како професионалец.

6. Излезете од зоната на комфорт

Континуираниот раст не се случува таму каде што е удобно. Нови задачи, предизвици и одговорности може да бидат стресни, но токму тие носат најголем напредок. Секој нов предизвик е можност за следното ниво во кариерата.

Кариерата што континуирано расте е резултат на свесен избор да се развивате, да учите и да се прилагодувате. Наместо да чекате унапредување, креирајте го. Вистинскиот напредок започнува одлуката да вложите во себе и во својата иднина.

Прочитајте и за: Како новото работно место да го претворите во ваша зона на комфорт

Тагови: напредување во кариера совети за работа

По воведувањето на системот EES, кој во октомври минатата година го промени начинот на кој се регистрираат патниците на границите на Европската Унија, граѓаните на Македонија, и другите земји кои ни се дел од Шенген,  треба да очекуваат уште една важна новина оваа година.

Станува збор за ETIAS - електронска дозвола за патување за граѓани на земји на кои не им е потребна шенген виза.

Иако крајот на 2026 година се споменува како прелиминарен рок, точниот почеток на примената на системот ETIAS сè уште не е официјално потврден. Она што е сигурно е дека важечката дозвола за патување ETIAS ќе биде задолжителна без оглед на начинот на патување во Европа.

Патување со автобус

Доколку патувате со автобус до една од 30-те европски земји кои бараат ETIAS, вашата дозвола ќе биде проверена на границата. Влезот ќе биде одбиен без важечка ETIAS дозвола.

Автобуските компании во почетната фаза од имплементацијата на ETIAS нема да имаат обврска да проверуваат дали патниците ја имаат оваа дозвола, бидејќи ќе имаат преоден период од три години за прилагодување.

Пример:

Македонска државјанка патува со автобус од Белград до Загреб. Како државјанка на земја на која не ѝ е потребна виза, ѝ е потребна дозвола ETIAS . Иако превозникот не може да ја провери дозволата пред заминување, граничните власти ќе ја проверат по пристигнувањето на границата, заедно со другите услови за влез.

Патување со воз

Железничките превозници генерално нема да ја проверуваат дозволата ETIAS пред качување. Проверката ќе се изврши на границата.

Исклучок се возовите што тргнуваат од Обединетото Кралство, каде што ETIAS ќе биде проверен пред качувањето.

Пример:

Граѓанин на Обединетото Кралство патува со воз од Лондон до Брисел. Бидејќи нема посебно право на престој, мора да има важечка дозвола ETIAS која ќе биде проверена пред качувањето.

Патување со автомобил

Патниците што патуваат со автомобил до земјите каде што е потребен ETIAS ќе бидат проверени на граничниот премин. Секое лице во возилото, вклучително и децата, мора да има своја ETIAS дозвола.

Пример:

Семејство од Македонија патува со автомобил кон Грција. На границата, граничната полиција ќе провери дали сите членови на семејството, вклучувајќи ги и децата, имаат важечка дозвола ETIAS.

ETIAS и EES: Клучни разлики

ETIAS и EES се два различни системи со различни функции:

• ETIAS е дозвола за патување што се добива однапред и важи за граѓани на земји на кои не им е потребна виза.
• EES (Систем за влез/излез) го евидентира фактичкиот влез и излез на патниците на надворешните граници на ЕУ во моментот на преминување на границата.
• ETIAS не може да ги намали застојот на границите што може да се појави поради EES, бидејќи EES подразбира биометриски проверки при преминување на самата граница.

Трошоци и валидност

• ЕТИАС: 20 евра
• Дозволата ETIAS важи до три години или до истекот на пасошот, доколку пасошот истече порано.

Важни забелешки

• ETIAS не е виза, туку дополнителна безбедносна проверка.
• Апликацијата за ETIAS се пополнува онлајн пред патувањето.
• Регистрацијата во EES системот се врши на границата и се прави еднаш, додека подоцна се врши само верификација, пишува Блиц.
• Безвизниот режим останува на сила - престој до 90 дена во ЕУ е сè уште дозволен.
• Кога ќе почне да се спроведува ETIAS, влезот во ЕУ ќе се врши преку системот EES, со претходно добиена дозвола за ETIAS.

Тагови: EEC ETIAS Европа

Јапонската технолошка компанија Qnote Inc. од Токио воведе необична, но ефективна практика – вработување мачки во канцеларијата со цел намалување на стресот и подобрување на работната атмосфера. Иницијативата започнала во 2004 година, а денес во компанијата постојано живеат 11 мачки кои секојдневно им помагаат на вработените да се опуштат и да направат пауза од работните обврски.

Секоја мачка има свое „работно место“, со симболични титули како службеник или менаџер, а љубовта кон мачки е дури и еден од условите за вработување во компанијата. Канцеларискиот простор е целосно прилагоден за нив, со специјални тоалети, опрема и простор за одмор.

Според вработените, присуството на мачките значително го намалува стресот, ја подобрува тимската комуникација и создава попријатна и поопуштена работна средина. Овој пример покажува дека неконвенционалните решенија можат да имаат силен позитивен ефект врз благосостојбата и продуктивноста на работното место.

Тагови: вработени стрес на работно место мачка Qnote Inc Токио

Предлог-законот за заштита од пушење  не престанува да ја бранува јавноста. Едни се за, други против, а секојдневно се открива сѐ поширокиот дијапазон на локации на кои ќе биде забрането палењето цигара. 

Според предложените одредби, пушење на тутун, електронски цигари, загреан тутун и други никотински производи нема да биде дозволено во следниве простори:

• во сите здравствени установи, установи за социјална заштита, образовни, културни и спортски објекти
• пред влезови на здравствени и образовни институции
• во и пред објекти за престој и сместување на деца, ученици и студенти
• во државни институции и општински објекти
• во сите работни простори и возила што се користат за работа
• во јавен превоз од сите видови – автобуси, возови, авиони, бродови, жичници и ски-лифтови
• на автобуски, железнички и аеродромски станици, како и пристаништа
• на станици за градски и приградски превоз
• во приватни возила ако во нив има дете
• во продавници, трговски објекти, пазари и саеми
• во сите угостителски објекти – ресторани, барови, меани, кантини и објекти за сместување
• во заеднички простории на станбени згради (лифтови, ходници, котларници, светларници)
• во полициски станици, затвори и воспитно-поправни установи
• во објекти за игри на среќа
• во и пред објекти каде се организираат забавни и рекреативни активности за деца, вклучувајќи игротеки. 

Новиот закон предвидува значително високи казни за непочитување. По категории:

• За правни лица: од 2.000 до 5.000 евра;
• За одговорни лица: до 2.000 евра;
• За физички лица: глоба на лице место од 100 евра;

Сепак, ќе биде можно и порамнување преку општокорисна работа или финансиски придонес за здравствени кампањи. 

Тагови: забрана за пушење цигари