Од 1 јануари стартува пилот фазата за проектот е-фактура со којшто ќе се минимизира ризикот од злоупотреби и фиктивни фактури, најавува директорката на Управата за јавни приходи (УЈП) Елена Петрова. 

Петрова денеска во дискусија на панелот „Дигитална трансформација на јавниот сектор“ на третата годишна конференција за дигитализација на АмЧам,  рече дека е избран модел со модерно решение усогласено со меѓународни стандарди и барања, кое за компаниите ќе биде лесно за примена и интеграција со нивните системи, како и дека се спроведуваат мерки кои ќе овозможат максимално да се минимизираат ризиците.

Според неа, со оваа реформа ќе се подобри управувањето со јавните финансии, ќе се подобри даночната усогласеност, брзо и лесно ќе се детектираат несоодтевните одлуки на влезен ДДВ, несодветно декларирани расходи кои не се признаваат за стопанската дејост,  ќе се намали сивата економија, ќе има поефикасна даночна контрола,... 

Како што рече Петрова, е-фактура е меѓу најзначајните дигитални реформи на УЈП и за целата бизнис заедница, а се спроведува многу внимателно за да се обезбеди подготвеност на економските оператори кои ќе бидат корисници на новиот систем. 

Петрова соопшти дека активностите почнале на 1 јули годинава и оти завршена е набавката на современата ИТ опрема која треба да обезбеди стабилна инфраструктура.

Се наоѓаме пред клучна фаза, целосно сме фокусирани на стартот на пилот имплементацијата од 1 јануари 2026 година. Тогаш ќе го објавимекомуникацискиот механизам  кој треба да обезбеди автоматска и безбеда размена на податоците меѓу системите на компаните и системот за е- фактура. Же биде поставена техничката документација, врз основа на која компаните ќе можат да почнат да ги прилагодуваат своите софтвери, да ја спроведат техничката интеграција и да започат со тестирање на испраќање и издавање фактури во контролирана тест околина. Оваа фаза  ќе биде наменета за ИТ компании и тимови кои работат на развој и одржување на фактурирачки и слични системи, како и економски оператори кои имаат свои ИТ решенија. До крај на првиот квартал 2026 година ќе бидат објавени и клиентската и веб апликацијата кои ќе бидат наменети за помалите компани кои немаат сопствени фактурирачки системи а до крајот на  вториот кваратл ќже биде поставен продукциоскиот сервер. Планирано е до крај на третиот квартал да заврши тестирањето и да почне имплементацијата, информира Петрова.

Фазите за задолжителна имплементација се уште не се утврдени но најави дека и тоа ќе биде направено во најскоро, откако ќе се видат резултатите од почетното тестирање, во поглед на димензионираноста и дизајнот.

Појаснувајќи ги функционалностите рече дека е избран модел на централизиран државен систем со кој ќе комуницираат компаниите.

Комуникацијата и доаѓањето на податоците ќе биде во реално време бидејќи преку тој систем ќе се врши издавањето на фактурите.  Овој модел е најблиску до ОЕЦД концептот - Даночна администрација 3.0., кој се однесува на висока интеграција  на системите на даночната администрација со системите на компаниите и други страни и создавање на интероперабилен даноче систем. Карактеристично за овој модел е и тоа што со Министерството за финансии се договоривме во овој систем покрај фактурите да поминуваат и да се издаваат и пропратните документи како испратници, приемници, времени ситации, итн, ... со што системот ќе обебдди целсона документирана деловна трага за еден деловен настан. Се прави со цел да се минимизира ризикот од злоупотреби и фиктивни фактури, рече Петрова.

Најважните предизвици се однесуваат на обезбедување систем кој, како што појасни, ќе биде соодветно димензиониран и ќе има содветна брзина во функционирањето. Се работи и на заштита на податоците, автентичноста на фактурата, да нема можности за промени, заштитата од разни напади, блокирања на системот,...

На отворањето на конференцијата, беше порачано дека дигитализицијата го зајакнува владеењето на правото, го стеснува просторот за корупција и обезбедува транспарентни и унифицирани услуги достапни до сите граѓани. 

Славе Пројковски, член на одборот на директори на АмЧам истакна дека дигитализацијата бара фокус на луѓето и нивните вештини и оти е потребна заедничка работа на јавниот и приватниот сектор.  За исполнување на поставените цели неопходно е јакнење на рамката за сајбер бездност, што, посочи, е национална потреба затоа што секој нов систем, секој нов процес, секое ново поврзување мора да биде безбедно. 

Дигитализицијата на државните сервиси мора да се одвива во соработка со приватниот сектор. Прогресот зависи од една работа-работење  заедно. Ни треба силно партнерство. Владата да го притиска приватниот сектор за иновации, а приватниот сектор да ја притиска Владата за модернизирање. Кога двете страни ќе ги здружат силите прогресот ќе биде побрз и одржлив. Луѓето се во центарот на трансформацијата. Мора да инвестираме во дигитални вештини на секое ниво, да им помогнеме на институциите да  креираат и да понудат нови системи, на компаниите да ги дигитализираат нивните процеси, а граѓаните да се чувствуваат безбедно кога ги користат, рече Пројковски.

Конференцијата  продолжува со панел „Од интероперабилност до институционална отпорност“,  за искористување на потенцијалот на поврзаните податоци, по што се одржат и панелите „Дигитализација и сајбер безбедност во енергетскиот сектор“, „Забрзување на дигиталната трансформација во финансискиот сектор“ и „Финансирање на дигитализацијата“. 

Тагови: дигитализација УЈП е-фактура

Во динамичниот пазар на труд, брзината често е пресудна. За да се истакнете меѓу десетици кандидати и да стигнете побрзо до интервју, потребно е да имате јасна стратегија не само добра апликација. Еве неколку ефикасни чекори што навистина прават разлика:

1. Прилагодете го CV-то за секоја позиција

Едно CV за сите апликации одамна не функционира. Истакнете ги вештините и искуството што се најрелевантни за конкретната улога. Работодавачите препознаваат кога кандидатот вложил труд и има фокус.

2. Напишете јасно и ефективно мотивациско писмо

Нема потреба од долги параграфи – важно е да кажете зошто токму вие и зошто токму таа компанија. Кратко, конкретно и со јасен тон на ентузијазам.

3. Активно користете професионални платформи

Редовно ажурирајте го вашиот профил на KARIERA.mk и LinkedIn. Додајте нови вештини, сертификати и волонтерски активности. Често, првиот впечаток не доаѓа од CV-то, туку од вашиот онлајн профил.

4. Аплицирајте веднаш кога ќе се појави оглас

Брзата реакција ви го зголемува шансите – многу компании почнуваат да интервјуираат уште пред официјалниот рок. Активирајте нотификации за нови огласи за да бидете чекор напред.

5. Поврзете се со луѓе од индустријата

Нетворкингот често ја отвора вратата побрзо од автоматските системи. Вклучете се во групи, онлајн заедници и професионални настани. Некогаш еден контакт значи побрза препорака.

6. Бидете кратки и директни во комуникацијата

Ако се јавите или праќате follow-up порака, бидете професионални и јасни. Кратка проверка по апликацијата покажува интерес и иницијатива.

7. Усовршете се паралелно

Кратки курсеви или сертификати се одличен начин да бидете поатрактивни за работодавачите. Дури и еднонеделна обука може да ви ја зголеми видливоста и шансите за интервју.

Со вистински стратегии, интервјуто не е случајност – туку резултат на добро планиран процес. Со фокус, доследност и паметен пристап, можете значително да го скратите времето помеѓу апликацијата и првиот разговор со работодавачот. 

Прочитај и за: Управување со време: Клучни чекори за поквалитетен и помалку стресен работен ден

Тагови: интервју за работа совети за работа

По „quiet quitting“, „quiet hiring“ и „quiet firing“, HR светот добива нов тренд кој тивко, но сериозно ги менува организациите - Silent Reshuffling. Овој феномен веќе се забележува и кај македонските компании, иако ретко кој го нарекува по име.

Што всушност значи Silent Reshuffling?

Silent Reshuffling претставува тивко прераспределување на вработени од една улога во друга, без формален процес, промена на позиција или надворешна комуникација.

Тоа значи дека вработениот фактички почнува да работи нешто сосема различно од неговата позиција — без официјална титула, без јасни очекувања и често без дополнителна плата.

Компаниите го прават ова поради:

• Недостиг на кадар,
• Зголемен обем на работа,
• Нови приоритети или проекти,
• Потреба за брза адаптација.

Како влијае Silent Reshuffling врз тимовите?

1. Пад на мотивацијата

Кога вработените се преместуваат „тивко“ во нови задачи без да им се објасни зошто, чувството на несигурност расте. Се јавува отпор и демотивација — „Зошто јас? До кога? Што е следно?“.

2. Губење на јасни улоги во тимот

Тимовите почнуваат да функционираат без структури. Луѓето не знаат кој што работи, каде започнува и завршува нечии одговорности и кој носи одлуки.

3. Прегорување и прекумерно оптоварување

Најчесто, Silent Reshuffling „паѓа“ врз најдобрите или најфункционалните вработени. Тие завршуваат со два работни описи во една плата. Резултатот? Прегорување, замор и зголемена желба да ја напуштат компанијата.

4. Скриени конфликтни точки

Кога промените не се комуницираат јасно, тимовите почнуваат да создаваат сопствени интерпретации. Наративите се создаваат сами од себе и тоа често погрешни. Ова води до тензии, недоверба и нарушена тимска динамика.

5. Непланирано губење таленти

Талентирани вработени не сакаат да живеат во „сива зона“. Тие сакаат јасни цели, јасен кариерен пат и признавање. Кога тоа го нема, тие бараат поисчистена структура најчесто во друга компанија.

Што можат да направат компаниите?

Silent Reshuffling не мора да биде негативен ако се комуницира правилно.

Клучно е да има:

• Транспарентна комуникација – зошто се прави промена и што се очекува,
• Формално признавање на новата улога,
• Реален договор за плата/бенефити,
• Модерни развојни планови за вработените,
• Јасна структура на тимови и одговорности.

Silent Reshuffling е тивок тренд, но со силни последици. Ако компаниите го прават без стратегија и комуникација, ризикуваат нестабилни тимови, заморени вработени и забрзан одлив на талент.

Но ако се спроведе транспарентно може да биде алатка за развој, флексибилност и создавање посилни тимови.

Прочитајте и за: Недостиг на кадар: Зошто 2026 ќе биде година на агресивно вработување

Тагови: HR трендови

Стекнувањето нови професионални вештини не мора да трае со месеци. Многу од вештините што најмногу ги ценат работодавците можат да се научат за само неколку недели.

Неодамнешните податоци покажуваат дека речиси 40 проценти од менаџерите за вработување сега ги оценуваат кандидатите врз основа на вештини, а не само врз основа на титули, а компаниите што се потпираат на вработување врз основа на вештини се значително поуспешни во пронаоѓањето квалитетни кандидати. Всушност, работодавците што користат податоци за вештини имаат околу 60 проценти поголема веројатност да ја вработат вистинската личност во споредба со оние што не ги користат.

Оваа промена јасно покажува дека колку повеќе вештини стекнувате, толку повеќе можности создавате за себе. Еве седум практични вештини што можете да ги научите за 30 дена или помалку, кои веднаш ќе ја унапредат вашата кариера.

Основи на Excel

Совладувањето на основните вештини на Excel може веднаш да ве направи повредни. На пример, ако вашиот менаџер побара ажурирање за барањата на клиентите, можете да претворите долга табела во табела што ги истакнува петте главни категории по обем, како и едноставна табела што јасно ги прикажува растечките трендови. Наместо да испраќате сурови информации, вие давате увид - што ве позиционира како некој што внесува јасност во процесот на донесување одлуки. Работата со еден сет на податоци неделно брзо ќе ги изостри вашите вештини и ќе ја зголеми вашата самодоверба.

Деловно пишување што дава резултати

Ефективното или убедливо пишување заштедува време и ве прави да изгледате покомпетентни. Добра почетна точка е да ги поедноставите вашите е-пораки со тоа што ќе започнете со главната порака и ќе завршите со јасна акција или одлука.

Ако колега чека ваша повратна информација, можете да ја замените нејасната порака како „Кажете ми што мислите“ со: „Го разгледав нацртот и идентификував три области на кои им е потребно разјаснување. Можете ли да потврдите која верзија ја претпочитате за да можам да ја финализирам денес?“

Овој стил на пишување ја елиминира непотребната кореспонденција и покажува дека размислувате и работите ефикасно. Прегледувањето на една е-пошта дневно во текот на 30 дена може значително да ја подобри јасноста и влијанието на вашето пишување.

Основи на јавно говорење

Јавното говорење не е ограничено на формални презентации. Тоа е исто така вештина што ви помага да зборувате самоуверено на состаноците и јасно да ги објаснувате идеите. Започнете со подготовка на една клучна точка за секој состанок за да не мора да се потпирате на импровизација.

На пример, кога вашиот тим разгледува нов работен тек, би можеле да кажете: „Ги разгледав чекорите и забележав две преклопувања. Предлагам да ги споиме за да ги забрзаме одобрувањата.“ Јасното изнесување на вашата поента и кратка пауза за да продолжите со дискусијата сигнализира самодоверба и подготвеност за придонес. Снимањето на себеси еднаш неделно може да ви помогне да го прилагодите вашиот тон и темпо, правејќи ја вашата комуникација поубедлива.

Основи на управување со проекти

Управувањето со проекти често започнува со дневни задачи, а не со големи организациски иницијативи. Учењето како да креирате временски рамки, да доделувате одговорности и да го следите напредокот може да ве направи личноста на која другите се потпираат кога им е потребна структура.

Дури и координирањето на едноставна внатрешна активност, како што е организирање тимска обука, може да ви помогне да ги демонстрирате овие вештини. Можете да креирате споделена временска рамка, да доделувате точки за акција и да испраќате неделни ажурирања во еден документ. На овој начин, покажувате дека можете да го подобрите бизнисот без постојан надзор. Вежбањето на мали проекти секој месец ја гради основата за преземање поголеми одговорности подоцна.

LinkedIn профил што ве издвојува

Убедлив LinkedIn профил може да ви донесе можности. Започнете со ажурирање на вашиот наслов за јасно да ја искаже вашата улога и вредност, а потоа препишете го вашето резиме за да ги истакнете вашите достигнувања со мерливи резултати. Клучните одговорности често се поважни за регрутерите од работните титули, па затоа додавањето ставки што ги одразуваат вашите вештини може да му помогне на вашиот профил да се истакне.

На пример, регрутер кој бара некој со искуство во координација може да го пронајде вашиот профил ако вклучите реченица како „Координирав задачи што вклучуваа временски рокови, ажурирања на засегнатите страни и конечни извештаи“. Оваа едноставна промена ја зголемува видливоста и може да привлече можности што можеби не сте ги барале активно. Објавувањето содржина еднаш неделно може исто така да помогне да го одржите вашиот профил активен и да го зголемите вашиот кредибилитет.

Вештини за преговарање што ја зголемуваат вашата вредност

Преговарањето е дел од секојдневната работа, а не само разговори за плата. Потребно е разбирање на вашите сопствени потреби и целите на другата страна, а потоа наоѓање разумен компромис. Замислете дека сакате да преземете нов проект, но вашето моментално работно оптоварување е веќе полно.

Наместо веднаш да кажете да или не, можете да му кажете на вашиот менаџер: „Можам да ја преземам новата задача ако ја префрлиме одговорноста за неделниот извештај на друг член на тимот. Тоа ми дава простор да работам квалитетно за двата приоритета.“ Овој пристап покажува зрелост, јасно размислување и стратешка свест. Ако практикувате мали преговори секоја недела, брзо ќе се чувствувате посигурни во претставувањето на вашите интереси.

Максимизирајте ја продуктивноста

Започнете со избирање на вашата најважна задача и доделување на одредено време за неа. На пример, би можеле да одвоите 90 минути секое утро за да работите на клучни задачи без прекин и да го третирате тоа време сериозно како состанок.

Многу професионалци сметаат дека ја завршуваат најважната задача од денот до ручек токму затоа што одвоиле време за фокусирана работа. Прегледувањето на вашиот распоред секој петок ви помага да ги прилагодите вашите блокови за претстојната недела и да останете доследни.

Не ви е потребна драматична промена во кариерата или долга програма за обука за да постигнете значителен напредок. Една вештина, совладана за 30 дена, може да ви ја зголеми самодовербата, да ги подобри вашите резултати и да ви отвори врати што никогаш не сте ги очекувале, пренесува Forbes Hrvatska. 

Тагови: напредување во кариера