Во време кога скоро секој аспект од работата се одвива онлајн – од комуникација и организација до личен брендинг – дигиталното однесување станува клучен дел од професионалниот успех. Начинот на кој ги користиме технологијата и социјалните мрежи не влијае само на продуктивноста, туку и на нашата репутација.
Една погрешна објава или лоша навика може да чини скапо, додека добрите дигитални практики можат да направат да изгледаме посигурно, подготвено и професионално.

Еве четири дигитални навики кои можат реално да ти ја спасат кариерата – и да ти помогнат да изгледаш како вистински професионалец во модерниот свет.

💬 1. Внимавај што објавуваш на социјални мрежи

Она што го споделуваш јавно може да стане првото нешто што ќе го види потенцијален работодавач. Коментарите, фотографиите и статусите создаваат впечаток за тоа кој си, па затоа внимавај секогаш да одржуваш професионален тон.
👉 Твојот дигитален траг е твојата нова биографија.

⏳ 2. Користи паметни алатки за продуктивност

Технологијата е тука за да ни го олесни животот – ако знаеме како правилно да ја користиме. Алатки како Notion, Trello или Google Calendar можат да помогнат во планирањето на обврските, следењето на рокови и подобрување на личната организација.
👉 Технологијата е асистент, ако знаеш како да ја користиш.

🔐 3. Заштити ги твоите податоци

Безбедноста е дел од професионалноста. Една компромитирана лозинка или хакнат профил може да ја уништи довербата кај клиенти и колеги. Користи силни лозинки, активирај двојна автентикација и внимавај на сомнителни линкови.
👉 Една компромитирана лозинка може да чини цела кариера.

🧹 4. Редовно чисти го дигиталниот неред

Преоптоварена електронска пошта, стари документи или непотребни апликации создаваат хаос и го зголемуваат стресот. Одвој време еднаш неделно да го организираш дигиталниот простор – ќе почувствуваш ментално олеснување и поголема фокусираност.
👉 Чист дигитален простор значи чист ум.

✅ Заклучок

Денес, дигиталното однесување е дел од твојата професионална култура. Начинот на кој комуницираш, што објавуваш и како ја користиш технологијата кажува многу за тебе. Со неколку едноставни промени можеш да ја заштитиш својата репутација, да ја подобриш продуктивноста и да останеш чекор пред останатите.

Тагови: дигитализација работни навики

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Магна Интернешнл Инк. е водечки глобален автомобилски добавувач посветен на испорака на нови решенија за мобилност и технологија што ќе го променат светот. 

Моментално вработува:

ACCOUNTING MANAGER - СТРУГА
ACCOUNTING MANAGER – ОХРИД
ОПЕРАТОР ВО ПРОИЗВОДСТВО

СЕТЕК сé од техника е лидер во областа на ИТ, аудио видео и белата техника, кој на македонскиот пазар е присутен 30 години. СЕТЕК сé од техника ја поседува најголемата дистрибутивна мрежа во Македонија. 

Моментално вработува:

РЕФЕРЕНТИ ЗА ПРОДАЖБА ВО ТЕТОВО
РЕФЕРЕНТ ЗА ПРОДАЖБА ВО ПРИЛЕП
МАГАЦИОНЕР ВО СКОПЈЕ

Цементарница УСЈЕ АД Скопје е водечки производител на цемент и градежни материјали во Македонија, со повеќе од пет децении успешно работење. Компанијата е дел од Titan Group, меѓународна групација со силно присуство во Европа, САД и регионот. 

Моментално вработува:

ПОМОШНИЦИ ВО ПРОИЗВОДСТВО И КРАНОВИ
ПЛАТЕНА ПРАКТИКАНТСКА РАБОТА ВО СЕКТОР ЗА БЗР

НЛБ Груп е најголемата банкарска и финансиска групација во Словенија и најголемата финансиска групација со седиште и ексклузивен стратешки интерес во нашиот матичен регион - Југоисточна Европа. 

Моментално вработува:

ЛИЦЕ ЗА КОНТРОЛА НА УСОГЛАСЕНОСТ НА РАБОТЕЊЕТО НА БАНКАТА СО ПРОПИСИТЕ

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија. 

Сите огласи од Рамстор Македонија можете да ги најдете ТУКА.

Пивара Скопје АД е една од најстарите и најпрепознатливи компании во Македонија, со традиција што трае повеќе од 100 години. Основана во 1924 година, денес Пивара Скопје е водечки производител на пиво, безалкохолни пијалаци и вода, и горд партнер на светските брендови Coca-Cola и Heineken. 

Моментално вработува:

УНАПРЕДУВАЧ НА ПАЗАРОТ - СКОПЈЕ
УНАПРЕДУВАЧ НА ПАЗАРОТ - БЕРОВО, ВИНИЦА, ДЕЛЧЕВО

Ел Дорадо 05 ДОО Скопје е основач на брендот ZIA кој работи повеќе од 7 години, и е пласиран на пазарот со 6 продажни локации, меѓу кои Г.Т.Ц., Приземје (спроти Жена парк), Т.Ц.Лептокарија (до Зегин од внатрешната страна), Capitol Mall, 1 спрат, East Gate Mall, Приземје, Skopje City Mall 1 спрат и Битола Широк Сокак. 

Моментално вработува:

ПРОДАЖБА - CITY MALL / EAST GATE MALL
ПРОДАЖБА - ЛА ПЛАЗА МОЛ КУМАНОВО / ПАЛМА МОЛ ТЕТОВО

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди. 

Моментално вработува:

ВОЗАЧ ДИСТРИБУТЕР - Ц КАТЕГОРИЈА

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи. 

Моментално вработува:

ЦАРИНСКИ ДЕКАЛАРАНТ
ЦАРИНСКИ ДЕКАЛАРАНТ (БЕЗ ЛИЦЕНЦА)
КОПИРАЈТЕР / СПЕЦИЈАЛИСТ ЗА КРЕИРАЊЕ МЕДИУМСКА СОДРЖИНА

Зегин ДОО е првата приватна компанија во Република С. Македонија регистрирана за продажба на лекови. 

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Промената на работа ретко е лесна одлука. Таа носи неизвесност, но и можност – можност за раст, нови искуства и свежа енергија. Многумина остануваат на истото работно место подолго отколку што треба, од страв или навика. Но, постојат јасни знаци дека можеби е време да започнете ново професионално поглавје.

1. Повеќе не чувствувате мотивација

Ако секое утро станувате без желба, ако работните задачи ве оставaат рамнодушни и ништо повеќе не ве инспирира – тоа е сигнал дека нешто недостасува. Работата не треба секогаш да биде возбудлива, но треба барем повремено да ве мотивира и исполнува.

2. Немате можност за напредок

Кога чувствувате дека сте го достигнале плафонот во компанијата – дека повеќе нема простор за раст, учење или промена – тогаш можеби е време да барате средина што ќе ве предизвика. Статичноста често го убива ентузијазмот.

3. Работната средина ве исцрпува

Негативна атмосфера, недостиг на поддршка, токсични односи или хроничен стрес – тоа не е „нормално“. Ако секој ден се враќате дома исцрпени, а викендите ви служат само за „опоравување“, време е да се запрашате дали оваа средина е вистинска за вас.

4. Вашите вредности и целите не се усогласени со работата

Со текот на времето се менуваат и нашите приоритети. Ако компанијата во која работите веќе не ја дели вашата визија или ако чувствувате дека вашата работа нема смисла – можеби е време да тргнете по пат што повеќе ви одговара.

5. Почнувате да сонувајте за нешто друго

Ако сè почесто се фаќате себеси како барате огласи, размислувате за други можности или се замислувате во нова улога – вашиот ум веќе ја направил промената. Сега треба само да го следите.

Понекогаш, најтешкиот чекор е првиот. Но секоја промена почнува со одлука – дека заслужувате повеќе. Новото професионално поглавје не значи пораз, туку раст. Понекогаш треба да затворите едно поглавје за да започне следното, подобро.

Прочитајте и за: Вашето прво работно место: што бараат работодавците од почетници

Тагови: HR нова работа работа совети за работа

Денес, 10 октомври, се одбележува Светскиот ден на менталното здравје – ден посветен на подигање на јавната свест за значењето на менталната благосостојба и предизвиците со кои се соочуваат луѓето на глобално ниво. Овој ден е потсетник дека менталното здравје е еднакво важно како и физичкото, а во Македонија претставува можност да се разговара за состојбата во системот и потребата од подобра грижа и поддршка за сите граѓани.

Иако менталното здравје е дел од општата здравствена грижа, достапноста на услуги е ограничена, особено во помалите општини. Недостигот на стручни кадри, психолози и психијатри ја отежнува навремената интервенција, а и покрај најавените стратегии за подобрување на системот, нивната реализација често запира поради недоволни ресурси. Голем предизвик останува и стигмата — многумина сè уште се плашат да побараат помош од страв од осуда или неприфаќање.

Загрижувачки се и бројките кај младите – речиси 30% пријавуваат симптоми на депресија, а над 20% анксиозност. Недостигот од поддршка, терапија и достапни услуги резултира со хроничен стрес, нарушен сон и пад на продуктивноста. Светскиот ден на менталното здравје нека биде потсетник дека секој заслужува поддршка и разбирање, а државата и општеството треба заеднички да работат на подобра достапност на услуги, едукација и уривање на стигмата.

Тагови: Македонија ментално здравје Светски ден