Денес, кога пазарот на труд е преполн со различни можности, не е доволно само да добиете работа – важно е да ја изберете вистинската работа за вас. На прв поглед, повеќето огласи изгледаат привлечни – добра плата, стабилна компанија, можности за раст. Но како да знаете дали понудата е навистина вистинската?

1. Усогласеност со вашите вредности

Работното место не е само плата. Прашајте се: дали компанијата ги дели вашите вредности? Дали начинот на кој функционира се совпаѓа со вашата визија за професионален и личен развој?

2. Плата и бенефиции

Иако не е единствениот фактор, финансиската компензација мора да одговара на вашите потреби и искуство. Дополнителните бенефиции (здравствено осигурување, флексибилно работно време, обуки) можат да направат голема разлика.

3. Можности за развој

Вистинската работа не е само сегашна удобност, туку и иднина. Дали компанијата инвестира во обука и развој? Дали има јасен пат за напредување?

4. Баланс меѓу работа и приватен живот

Работа што бара постојана достапност може брзо да доведе до исцрпеност. Вистинската понуда е онаа што ви овозможува да имате и професионален успех и приватна хармонија.

5. Интуиција

Понекогаш, најсилниот сигнал е вашиот внатрешен глас. Ако нешто „не ви чини“ уште на интервјуто или од начинот на кој компанијата комуницира со вас – доверете му се на тој сигнал.

Вистинската понуда за работа е онаа што не само што ви носи стабилност и добар приход, туку и ве исполнува, ве мотивира и ве поддржува да растете. Не брзајте – проценете ја секоја можност внимателно и изберете пат што долгорочно ќе ве прави среќни.

Причитајте и за: Зошто огласите „без искуство“ често имаат скриени барања?

Тагови: HR нова работа совети за работа

Овогодинешниот традиционален тест за зимски гуми организиран од ADAC беше најголем досега. Дури 31 модел беа тестирани во популарната димензија 225/40 R18, а резултатите јасно покажуваат колку голема може да биде разликата помеѓу премиум производите и евтините алтернативи.

Речиси половина од тестираните гуми не го поминаа тестот, а дури единаесет модели беа оценети како неупотребливи.

Goodyear UltraGrip Performance 3 беше на чело на листата со вкупен резултат од 2,0. Неговите предности се одлично однесување на влажни површини и извонредна издржливост, со проценета способност за поминување на повеќе од 76.000 километри. Само малку послаб беше Michelin Pilot Alpin 5 (2,1), додека Bridgestone Blizzak 6 и Dunlop Winter Sport 5 исто така се покажаа како безбедни и избалансирани избори.

Вкупно шест модели од премиум категоријата добија оценка „добра“, потврдувајќи дека повисоката цена во овој сегмент обично се исплати.

На другиот крај од спектарот се моделите од категоријата буџетски гуми. Од четиринаесетте тестирани гуми, единаесет целосно откажаа, главно поради лошо прилепување на снег и мраз или катастрофални резултати на тестот за сопирање на влажна подлога.

Друг модел доби само оценка „задоволително“, што исто така значи дека ADAC не го препорачува. Ваквите резултати откриваат дека дури и официјалниот симбол на снегулка на страничниот ѕид на гумата не гарантира вистинска безбедност во зима.

Сепак, две поевтини гуми успеаја да поминат низ преодна оценка. Matador MP93 Nordica и Momo V-20 North Pole беа оценети како „задоволителни“. Иако им недостасуваат перформансите на најдобрите, тие претставуваат прифатлив компромис за возачите со помал буџет и во умерени зимски услови.

Најголемите разлики се видливи на тестот за сопирање на влажна подлога. Од брзина од 80 км/ч, автомобилот опремен со гуми Goodyear застана за нешто повеќе од 31 метар. Од друга страна, возилото со најлоши гуми Syron Everest 2 сепак имаше брзина од повеќе од 45 км/ч на тоа растојание, разлика што во реални услови може да значи безбедност или сериозна несреќа.

ADAC потсетува дека е невозможно да се постигнат добри резултати во сите тест категории без технолошки напредна конструкција и квалитетни материјали, а тоа се одразува и на цената. Тестот покажува дека премиум гумите, и покрај поголемата почетна инвестиција, нудат најдобар баланс на безбедност, издржливост и вкупни перформанси, пишува Jutarnji.hr

Ова не значи дека сите возачи мора нужно да се прибегнат кон најскапите решенија. На оние кои живеат во области со благи зими или повремено користат автомобил може да им се препорачаат солидни гуми од средна класа или квалитетни модели за сите сезони. Сепак, за секој што редовно се соочува со снег и мраз, пораката е јасна: не вреди да се штеди на зимски гуми.

Тестирањето беше спроведено низ цела Европа. Суви услови беа тестирани на патеки во Италија, влажни и ледени тестови беа спроведени во Германија, а најсложените тестови за снег беа спроведени во северна Финска. На овој начин, ADAC се погрижи условите да бидат што е можно пореални и поразновидни, така што препораките до возачите се базираа на ситуации од реалниот живот во секојдневниот сообраќај.

Тагови: зимска опрема гуми

Американскиот претседател Доналд Трамп најави дека од 1 октомври САД ќе воведат 100 проценти царини на увоз на брендирани лекови, 25 проценти царини на тешки камиони, 50 проценти царини на кујнски елементи, додека за тапациран мебел тие ќе изнесуваат 30 проценти.

Тој изјави дека новите царини на тешки камиони имаат за цел да ги заштитат производителите од „нечесна странска конкуренција“ и дека овој потег ќе им користи на компании како Peterbilt, Kenworth и на Freightliner во сопственост на Daimler. Во контекст на заканите за американското производство, Трамп изрази и загриженост за националната безбедност.

Ни требаат финансиски здрави и силни производители на камиони, од многу причини, но пред сè поради националната безбедност, рече Трамп.

Американската стопанска комора апелираше да не се воведуваат нови царини на камиони, нагласувајќи дека петте земји извознички – Мексико, Канада, Јапонија, Германија и Финска – се сојузници или блиски партнери на САД и не претставуваат закана за националната безбедност.

Мексико е најголем извозник на средни и тешки камиони во САД, а царините би можеле да ја погодат и матичната компанија на Chrysler, Stellantis, која во Мексико произведува Ram камиони и комерцијални комбиња. Пример е и шведската група Volvo, која гради фабрика за тешки камиони вредна 700 милиони долари во Монтереј, Мексико, што треба да почне со работа во 2026 година.

Мексико, исто така, е водечки светски извозник на влечни возила, од кои 95 проценти се наменети за американскиот пазар.

Во однос на лековите, Трамп рече дека новата царина од 100 проенти на секој брендиран или патентиран фармацевтски производ ќе се применува на целиот увоз, освен ако компанијата веќе нема почнато изградба на производствен погон во САД.

Претходно, Американската асоцијација на производители на лекови се спротивстави на царините, истакнувајќи дека 53 проценти од состојките во вредност од 85,6 милијарди долари што се користат во лековите консумирани во САД се произведени во земјата, а остатокот во Европа и други американски сојузници.

Во врска со новите царини на кујнски, бањски и дел од друг мебел, Трамп изјави дека тие се предизвикани од огромното ниво на увоз што им штети на локалните производители. 

Тагови: Доналд Трамп царински тарифи

Републичкиот совет за безбедност на сообраќајот на патиштата известува  дека од денеска почнува примената на измените и  дополнувањата на Законот за безбедност на сообраќајот на патиштат. Новите законски решенија се воведуваат во насока на елиминирање на одредени навики кај пешаците и возачите од определени категории возила.

• Пешакот е должен кога се движи по коловоз под услови утврдени со  овој закон или кога преминува преку коловозот и велосипедската патека или велосипедската лента, да се движи и преминува внимателно, без притоа да користи електронски уреди, како што се слушалки во двете уши, мобилен телефон, таблет, смарт часовник или друг вид електронски уред со кој би му се намалило вниманието додека ги преминува коловозот и велосипедската патека или велосипедската лента.
• Возачот на велосипед, велосипед со помошен мотор, мопед, мотоцикл, трицикл, лесен четирицикл и четирицикл, за време на управувањето со возилото не смее да користи електронски уреди, како што се слушалки во двете уши, мобилен телефон, таблет, смарт часовник или друг вид електронски уред, со кој би му се намалила можноста за реагирање и сигурно управување со возилото, освен специјализираните уреди за комуникација кои се вградени во заштитните шлемови.
• Возачот на електричен тротинет за време на управувањето со возилото  не смее да користи електронски уреди, како што се слушалки во двете уши, мобилен телефон, таблет, смарт часовник или друг вид на електронски уред со кои би му се намалила стабилноста и можноста за реагирање и сигурно управување со возилото, освен специјализираните  уреди за комуникација кои се вградени во заштитните шлемови.

Казните за непочитување на овие одредби се до 50 евра.

Со овие законски измени се поставуваат нови стандарди за одговорно однесување во сообраќајот, при што, пешаците, велосипедистети, возачите на електрични тротинети и останатите учесници во сообраќајот предвидени со законското решение, се обврзуваат да учествуваат во сообраќајот без да користат електронски уреди кои им го одвлекуваат вниманието, соопшти Републичкиот совет за безбедност на сообраќајот на патиштата. „Целта на ваквите законски измени е созадвање на услови за поголема безбедност, намалување на ризиците и заштита на човечките животи. Во таа насока, Советот упатува апел до сите учесници во сообраќајот да ги почитуваат сообраќајните правила и прописи бидејќи безбедноста на патиштата е заедничка одговорност,  на сите нас“, велат од Републичкиот совет за безбедност на сообраќајот на патиштата. 

Тагови: казни Сејф сити - Безбеден град