Wizz Air започна со продажба на билети за пет нови авиолинии од Скопје, со цени кои почнуваат од 969 денари во правец.
Како што најави вицепремиерот Александар Николоски, од ноември ќе има летови до Мадрид и Стокхолм, аод декември до Прага, Бари и Келн.
Утрово потпишавме договор за пет нови дестинации кои ќе се оперираат од скопскиот аеродром. Овие нови авиолетови ќе значат повеќе туристи, повеќе бизнис можности и повеќе избор за сите граѓани на Македонија. Веќе од ноември почнуваат редовните линии Стокхолм – Скопје и Мадрид – Скопје, а од декември и Бари – Скопје, Келн – Скопје и Прага – Скопје, информираше пред неколку денови Николоски.
Според објавените информации, првите летови и цени по правец се следните:
- Скопје – Мадрид: прв лет на 28 октомври, од 1.949 денари
- Скопје – Стокхолм: прв лет на 27 октомври, од 2.079 денари
- Скопје – Бари: прв лет на 27 октомври, од 969 денари
- Скопје – Прага: прв лет на 15 декември, од 1.619 денари
- Скопје – Келн: прв лет на 15 декември, од 2.599 денари
Вицепремиерот Николоски вчера преку социјалните мрежи објави дека започна продажбата на билети за новата линија Скопје – Келн, нагласувајќи дека оваа авиолинија ќе има големо значење за развојот на туризмот, поврзаноста со дијаспората и за економијата.
Тагови: Wizz Air авио сообраќај Александар Николоски