Од полноќ се врши намалување на малопродажните цени на нафтените деривати во просек за 0,73% во однос на малопродажните цени на нафтените деривати утврдени согласно одлуката за утврдување на највисоки малопродажни цени на нафтените деривати и горива за транспорт на Регулаторна комисија за енергетика, водни услуги и услуги за управување со комунален отпад на Република Северна Македонија од 30.06.2025 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа малопродажната цена на ЕУРОСУПЕР БС-95 изнесува 74,00 ден/лит, додека малопродажната цена на ЕУРОСУПЕР БС-98 изнесува 76,00 ден/лит.

Малопродажната цена на ЕУРОДИЗЕЛ (Д-Е V) се зголемува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа, малопродажната цена на ЕУРОДИЗЕЛ (Д-Е V) изнесува 70,00 ден/лит.

Малопродажната цена на Екстра лесното масло за домаќинство на (ЕЛ-1), не се менува, односно останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа, малопродажната цена на Екстра лесното масло за домаќинство на (ЕЛ-1) изнесува 69,50 ден/лит.

Малопродажната цена на Мазутот М-1 НС, се намалува за 0,174 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа малопродажната цена на Мазутот М-1 НС изнесува 39,409 ден/кг.

Тагови: Регулаторната комисија за енергетика-(РКЕ) цени на горивата

„Синцеритас“ АД Скопје е фармацевтска компанија чиј фокус на работење е култивирањето и производството на канабис за медицинска намена. Работните практики и политики во нашата компанија се усогласени со највисоките домашни и европски стандарди во фармацевтската индустрија (ISO, GACP, GMP) со цел производство на сув цвет и на масло од канабис со висока чистота и различни концентрации на CBD и THC.

Моментално вработува:

Менаџер за осигурување на квалитет
Менаџер за одржување и инженерство
Аналитичар за рутински фармацевтски анализи
Сениор аналитичар за контрола на квалитет – фармацевтска индустрија
Фармацевт во развој на производен процес
Фармацевт Раководител на контрола на квалитет

Се уште невработени?! Сите останати активни работни позиции можете да ги најдете ТУКА.

Тагови: СИНЦЕРИТАС АД Скопје

Националната дискусија за зголемувањето на возраста за пензионирање ја вознемири јавноста, додека претставниците од Стопанската комора на Северозападна Македонија и Лигата на пензионери нагласија дека земјата не може да го следи европскиот тренд. Тие предложија флексибилност за граѓаните кои се чувствуваат подготвени да продолжат со работа доколку постои согласност меѓу работодавачите и пензионерите.

Во пресрет на најавите за зголемување на пензиската возраст во неколку европски земји, синдикатот на пензионери истакна дека таквиот пристап треба да ги земе предвид специфичните услови на работа во Македонија, како што се работниците во тешки индустрии и текстилната индустрија, каде условите се значително различни од оние во Европа.

Уредбите и консултативните извештаи од изминатата година, како оној на Фискалниот совет, не успеаја да добијат поддршка, а граѓаните изразија загриженост дека зголемувањето на пензиската возраст би значело огромен товар, особено за луѓето во физички тешки работи. Разликите меѓу Македонија и држави како Данска, која има планови за пензионирање на 70 години до 2040, ја прават примената на истиот модел неумесна според нив.

Тагови: пензионери Стопанската комора

Истражувачите за сајбер безбедност од Koi Security открија загрижувачка кампања за кражба на криптовалути преку повеќе од 40 злонамерни екстензии на Mozilla Firefox. Овие софтверски надградби крадат приватни клучеви и фрази од крипто паричниците на корисниците, преправајќи се како легитимни додатоци за популарни платформи како MetaMask, Coinbase и други.

За разлика од класичните фишинг напади, овие екстензии директно функционираат во прелистувачот. Напаѓачите искористиле легитимни екстензии со отворен код и вметнале злонамерен код што автоматски испраќа чувствителни податоци до серверите што ги контролираат. Сомнителни коментари на руски јазик во кодот укажуваат на можна руска инволвираност во оваа операција.

Иако Mozilla најголем дел од овие екстензии ги отстрани од својата продавница, некои, како MyMonero Wallet, сѐ уште се активни. Koi Security препорачува преземање екстензии само од проверени издавачи, внимавање на нивното однесување по инсталацијата, и редовно ажурирање на прелистувачите и безбедносните алатки за заштита од вакви напади.

Тагови: Firefox Mozilla заштита на лични податоци