🔎 Вториот панел на KARIERA DAYS vol.2 ни донесе важна перспектива за сите оние кои работат со – или пак самите се – млади таленти. А такви денес има сè повеќе! Новите генерации доаѓаат со свежа енергија, нов начин на размислување и амбиција која само чека вистинска можност да се покаже.

💬 Заедно со Лилјана Секуловска – Site Director @ Concentrix Macedonia и Дарја Бјелиќ Јовановиќ – Talent Acquisition Associate @ OIP Insurtech, зборувавме на тема:
„Младите таленти на дело: Како да препознаеме потенцијал, а не само искуство?“

👀 Потенцијалот не секогаш доаѓа обвиткан во години искуство – понекогаш се препознава преку ставот, желбата за учење, и храброста да се проба нешто ново.
💡 Компаниите сè повеќе се пред предизвикот да направат разлика помеѓу тоа што некој веќе го направил и тоа што некој може да го постигне, ако му се даде вистинска поддршка и насока.
🚀 А вистинскиот предизвик е: како да изградиме околина каде што младите таленти ќе имаат можност да растат, да учат и да блеснат?

Разговорот беше полн со искрени, реални и применливи совети – од препознавање на потенцијал во процесот на селекција, до создавање култура во компанијата што го охрабрува развојот на младите.

🙌 Овој панел нè потсети дека иднината не треба да се чека – таа веќе работи меѓу нас.
Слушнете што споделија Лилјана и Дарја и откријте како можете да препознаете потенцијал што може да направи разлика. 💼✨

Тагови: kariera days интервју

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Помлад соработник за ажурирање на материјално финансиски работи, Одделение за буџетска координација, Сектор за финансиски прашања - Општина Чаир

Виш соработник за даноци, инвестиции и иновации, Одделение за локален економски развој - Општина Студеничани

Помлад соработник за комунални дејности и заштита на животната средина, Одделение за урбанизам, комунални дејности и заштита на животната средина - Општина Студеничани

Самостоен референт - технички секретар на Градоначалникот и односи со јавност, Одделение за нормативно-правни работи и поддршка на Градоначалникот и Совет на Општината, Сектор за правни, општи работи и јавни дејности - Општина Петровец

Советник за финансиско, сметководствено и материјално работење - Сметководител, Одделение за финансии и сметководство, Административна служба - Општинско основно училиште Кочо Рацин Центар, Скопје

Сите останати позиции за во државна администрација можете да ги најдете ТУКА.

Од 1 јули до 31 август 2025 година, на државните патишта во Македонија се воведува летен временски режим на сообраќај, со кој се ограничува движењето на тешки товарни возила со вкупна маса над 15 тони. Забраната ќе важи за викендите и за денови со екстремно високи температури, со цел зголемена безбедност и подобра фреквенција на патиштата.

Во рамки на овој режим, сообраќајот за тешки возила ќе биде ограничен во следниве термини:

• петок од 17:00 до 22:00 часот
• сабота од 09:00 до 18:00 часот
• недела од 09:00 до 22:00 часот

Посебен режим важи за магистралниот пат А2 (делница Скопје – Охрид – Скопје), каде што забраната се однесува на возила над 7,5 тони, со дополнителни термини:

• петок од 15:00 до 22:00
• сабота од 07:00 до 12:00 и од 18:00 до полноќ
• недела од 07:00 до 22:00 часот

Во моментов, сообраќајот на државните патишта се одвива без пречки, по суви коловози, со умерен интензитет надвор од градските средини. На граничните премини од македонска страна нема подолги задржувања за влез и излез од државата.

Тагови: Авто-мото сојуз на Македонија (АМСМ) високи температури здравје товарни возила

Со јулската исплата, сите 330.000 пензионери во Македонија ќе добијат зголемени пензии. Просечната пензија ќе порасне за 2.130 денари, што значи дека дел од пензионерите ќе земаат над 21.000 денари месечно. Ова зголемување е овозможено преку ребаланс на буџетот, кој обезбеди дополнителни средства за оваа намена

Зголемување ќе има и кај платите во јавниот сектор. Вработените во МВР, здравство, образование и општините ќе добијат покачувања од 3.200 до 6.800 денари, зависно од институцијата и позицијата. Со тоа, просечната плата во јавната администрација може да достигне меѓу 45.000 и 50.000 денари – што е највисока досега.

Минималната плата е зголемена на 24.500 денари, а истовремено растат и детските, образовните и социјалните додатоци за ранливите категории. Според Министерството за финансии, мерките се резултат на стабилен економски раст и ефикасно управување со јавните финансии, иако опозицијата предупредува дека зголемувањата имаат предизборен карактер.

Тагови: пари повисоки пензии Министерството за финансии