Изгореници од сонце, болки во увото и исеченици се најчестите причини поради кои македонските туристи кои летуваат надвор од земјата бараат медицинска помош. 

Оние кои освен со торбите и пасошите тргнале на пат преку граница и со полиса за патничко осигурување, не треба да се грижат, зашто на здравствените служби во местото во кое летуваат нема да им платат од свој џеб.

Патничкото осигурување може да се набави преку брокерите на осигурителните компании, или во самата туристичка агенција. 

Со склучување договор за патничко осигурување, договарачот на осигурувањето, односно осигуреникот се заштитува од ризик кој може да настане на патување надвор од постојаното место на живеење на осигуреникот.

Осигурителната компанија каде патникот ќе купи патничко осигурување им ги обезбедува следните услуги и покритија при патување и престој во странство во зависност од типот на осигурителната полиса :

• Здравствена помош и осигурување ( Итен медицински третман, лекови, итен медицински превоз и хоспитализација, стоматолошки третман и сл.)
• Осигурување од незгода (смрт од незгода, целосен траен инвалидитет (100%), делумен траен инвалидитет и сл.)
• Осигурување на багаж и замена на патните документи (кражба, уништување на багаж,кражба на багаж од моторно возило, загуба на патни документи и сл.)
• Помош при патување и осигурување (откажување на патување, правна помош и осигурување на правна заштита и сл.)

Цената на патничкото осигурување варира во зависност од времетраењето, како и пакетот кој ќе го изберете за посигурно патување во странство.

Патничкото осигурување ги покрива деновите кога сте надвор од државата и може да се склучи во времетраење од еден ден па до една година. Максималната возрасна граница кај повеќете осигурителни компании е различна, но сепак  повеќето друштва примаат во осигурување лица на максималната возраст во распон од 70 до 72 години. За лицата над 65 години, заради зголемениот ризик, најчесто се употребува двојна премиска стапка.

Постојат друштва кои нудат патничко осигурување за лица над 70 години, со повисоки премии, како и со ограничување патувањето да биде организирано преку туристичка агенција или, пак, да биде со пократок број денови на покритие. Ваквото однесување на некои осигурителни друштва е дозволено од причина што законот не ги задолжува друштвата за осигурување да креираат и понудат осигурување за сите категории на правни и физички лица, ниту пак да преземат ризици во осигурување кои не одговараат на начелото на економска ефикасност во работењето на друштвото.

Патникот кој склучил полиса за патничко осигурување е должен веднаш, а најдоцна во рок од 24 часа од настанувањето на осигурен случај, да го извести осигурувачот за сите околности и податоци во врска со истиот. Исто така е должен да ги намали или ублажи штетните последици од осигурениот случај колку што е можно, притоа следејќи ги инструкциите на осигурувачот. Настанатата штета е должен да ја пријави во рок од 8 дена по враќање од патувањето и да дозволи осигурувачот да ги изврши сите испитувања кои се однесуваат на причините за настанување на осигурениот ризик, за проценување на последиците и за висината на бараниот надомест.

Осигурувачот плаќа надомест на лицето кое има право на тоа, согласно износот на осигурителното покритие утврден во договорот за осигурување во рок од 14 дена по прием на сите документи, односно по приемот на последниот документ кој е потребен за решавање на штетата. Доколку осигурената сума е договорена во евра, надоместот се исплаќа во денарска противвредност на еврото, пресметан по средниот курс на Народната банка на Република Македонија на денот на решавање на штетата.

Правото да се бара исплата на надомест врз основа полисата истекува во рок од 3 години, сметајќи од првиот ден по истекот на календарската година во која настанал осигурениот случај.

Тагови: годишен одмор Патничкото осигурување

Многумина мислат дека огласите за работа каде „не се бара работно искуство“ се совршена стартна точка – лесен влез во работниот свет. Но реалноста често покажува поинаку: и тие позиции се исклучително конкурентни и понекогаш подеднакво тешки за добивање како и оние со барано искуство. Зошто е тоа така?

1. Голем број на апликанти

Огласите кои не бараат искуство автоматски привлекуваат најширок круг на кандидати – матуранти, студенти, лица кои се преквалификуваат, и луѓе кои долго време не работеле. Тоа значи огромна конкуренција и потреба да се истакнете дури и без искуство.

2. Работодавците сепак бараат нешто „друго“

Иако формално не се бара работно искуство, неформалното искуство или личните карактеристики (комуникациски вештини, тимска работа, иницијативност) играат клучна улога. Работодавачите често се водат според впечаток, став и желба за учење.

3. Слаб квалитет на апликации

Многу млади кандидати не знаат како да направат добро CV или мотивациско писмо – па дури и кога не се бара искуство, лошата презентација може веднаш да ве елиминира.

4. Некои позиции сепак подразбираат „скриени“ барања

Некои огласи иако велат „без искуство“, во реалноста бараат основно претходно знаење, познавање на алатки, или работа со клиенти. Тоа е „неспомнато искуство“ кое многу кандидати го немаат.

5. Културна усогласеност и личност

Кога искуството не е во игра, работодавачите се фокусираат на тоа дали кандидатот „одговара“ на тимот и фирмата. Тоа е субјективен критериум кој не секогаш може да се контролира, но сепак е пресуден.

Како да се истакнеш без искуство?

Подготви професионално CV со фокус на вештини, волонтерство и лични проекти

Напиши мотивациско писмо со јасна причина зошто аплицираш токму таму

Покажи желба за учење, ентузијазам и информираност за компанијата

Размисли за MojaKARIERA картичката – со неа твоето CV може да биде директно препорачано до компанијата која може да биде твоето идно работно место!

Константно се враќате исцрпени и нервозни од работа, прочитајте и за: Работа или „стрес фабрика“? Еве што навистина ве исцрпува секој ден

Тагови: HR совети за работа работно искуство

Барате работа во Тетово? Проверете ги најновите огласи за вработување и најдете ја идеалната можност за вашиот кариерен напредок! Без разлика дали сте искусен професионалец или почетник кој бара прва работа, тука ќе најдете огласи што одговараат на вашите потреби и квалификации.

Придружете се на успешни компании и започнете ново поглавје во вашата кариера. Не чекајте! Аплицирајте веднаш и осигурете си посветла иднина.

Кредитен консултант во филијала Тетово
Персонал за работа
Sales Representative in Tetovo
Заменик раководител на малопродажен објект - Тетово

Се уште сте во потрага по идеалното работно место?! Проверете ги сите останати огласи и аплицирајте ТУКА.

Право на надоместок за празник во работен ден

Кога празникот паѓа во работен ден, работникот има право на надомест на плата, дури и ако не работи тој ден, согласно Законот за работни односи (ЗРО). Овој надомест го плаќа работодавачот и се пресметува врз основа на просечната плата во претходните 12 месеци (во приватниот сектор) или 3 месеци (во јавниот сектор). Ако работникот нема остварена плата во тој период, се применува минималната плата. За работа на празник, вработениот има право и на зголемена дневница – дополнително надоместување на редовната плата.

Додатоци за работа на празник

Работник кој работи на ден прогласен за празник, има право на зголемена дневница: 50% зголемување во приватниот сектор и 42% зголемување во јавниот сектор. Ако празникот е работен ден, вкупниот надомест е составен од: редовна дневница (100%) + додаток за празнична работа (50% или 42%) + надомест за празник (100%). Тоа значи дека за работа на празник во работен ден, работникот добива вкупно 250% (2,5 дневници) во приватниот сектор и 242% (2,42 дневници) во јавниот.

Тагови: празнична дневница работнички права