Во динамично работно опкружување полно со нотификации, состаноци и рокови, дисциплината и фокусот не се луксуз – тие се клучни вештини за успех. Но, добрата вест е дека тие не се вродени особини, туку навики што може да се изградат со правилен пристап.

1. Почнете со јасна структура на денот

Дисциплината започнува со организација. Поставете јасни приоритети уште на почетокот на денот:

• Што мора да се заврши денес?
• Што може да почека?

Користете едноставни методи како „to-do“ листа или правило 3 задачи дневно за да избегнете преоптоварување.

2. Работете во временски блокови

Фокусот не трае вечно затоа поделете го денот во интервали (на пример 25–50 минути работа + кратка пауза). Овој пристап помага да останете концентрирани и да избегнете ментален замор.

3. Елиминирајте ги работите кој ви го одземаат вниманието

Нотификациите, социјалните мрежи и непотребните разговори се најголеми непријатели на фокусот.

• Исклучете известувања додека работите
• Креирајте „deep work“ периоди без прекини
• Поставете граници со колегите кога ви е потребна концентрација

4. Тренирајте ја дисциплината како мускул

Дисциплината се гради со конзистентност, не со мотивација. Дури и кога не ви се работи, започнете со мала задача – акцијата создава инерција.

5. Изградете рутини

Кога одредени активности ќе станат рутина, тие бараат помалку напор. На пример:

• Проверка на мејлови во одредени термини
• Фиксно време за фокусирана работа
• Редовни паузи

6. Следете го вашиот напредок

Мерењето создава свесност. Следете колку задачи завршувате, колку време ви треба и каде најчесто губите фокус. Ова ќе ви помогне да ги подобрите навиките.

7. Балансирајте работа и одмор

Фокусот не значи работа без пауза. Квалитетниот одмор ја подобрува продуктивноста и ја намалува менталната исцрпеност.

Дисциплината и фокусот не доаѓаат преку ноќ, но со мали, конзистентни чекори можат значително да ја подобрат вашата продуктивност и резултати. Наместо да чекате мотивација, изградете систем што ќе работи за вас секој ден.

Прочитајте и за: Тивок притисок: Како компаниите те тераат да работиш бесплатно

Тагови: совети за работа

Кој има право на боледување и колкав надоместок следува?

Осигурените лица имаат право на надоместок на плата за време на привремена спреченост за работа поради болест, повреда, како и за време на бременост, раѓање и мајчинство. Ова право важи за лица кои се во редовен работен однос и се здравствено осигурени согласно закон.

Услови за остварување на правото

За да се добие надоместок, потребно е да се исполнат следните услови:

• Осигурувањето да траело непрекинато најмалку 6 месеци пред настанување на боледувањето
• Придонесите за здравствено осигурување да се редовно уплатувани (или со доцнење до 60 дена)
• Спреченоста за работа да биде утврдена од избран лекар или лекарска комисија
• Да се поднесе соодветно барање до Фондот за здравствено осигурување

Потребни документи

За остварување на правото се поднесуваат:

• Пријава за работен однос (М1/М2) и договор за работа
• Медицинска документација (извештај од лекар, мислење од комисија, отпусно писмо)
• Потврда за плата (образец НП-1)
• Платни списоци и докази за исплатена плата

Во случај на бременост и раѓање, дополнително се доставува извод од матична книга на родени или решение за посвојување.

Кој го исплаќа надоместокот?

• Првите 30 дена ги покрива работодавачот
• По 30-тиот ден, надоместокот го исплаќа Фондот за здравствено осигурување
• Од првиот ден Фондот исплаќа во случаи на: бременост, мајчинство, нега на дете до 3 години или дарување крв/орган

Колкав е надоместокот?

Висината на надоместокот зависи од причината:

• 100% од платата – за повреда на работа, професионално заболување, бременост и мајчинство
• 85% – за малигни заболувања
• 70% – за сите останати случаи

Тагови: боледување здравје Министерството за здравство паричен надоместок

Околу 18 проценти од бензинските пумпи во Франција утрово останаа без барем еден вид гориво, изјави портпаролката на владата и министерка за енергетика Мод Брежон.

Според неа, 83 проценти од пумпите што остана без гориво се пумпи на „ТоталЕнерџис“, кои во оваа ситуација ги ограничија цените на горивата на 1,99 евра за литар бензин и 2,09 евра за литар дизел, објави порталот „BFM TV“.

Брежон објави дека францускиот премиер Себастијан Лекорну во следните денови ќе претстави „нов пакет помош“ за горивата, но прецизираше дека помошта нема да биде универзална и дека нема да има замрзнување на цените.

Брежон рече дека пакетот ќе вклучува специфични мерки за помош на потрошувачите погодени од моменталната состојба на пазарот на горива.

Тагови: гориво светската криза Франција

Подгответе се за извонредна сесија со Harbir Singh Rissam – еден од водечките стратези во областа на човечките ресурси на глобално ниво 

Кој е Harbir?

Global HR Business Partner во AstraZeneca (Велика Британија), професионалец кој своето искуство го градел во компании како Deloitte, управувајќи со HR стратегии и процеси за бизниси вредни стотици милиони долари.

Што го издвојува?

• Повеќе од 16 години меѓународно искуство (Велика Британија, Сингапур, Индија)
• Докажано лидерство во развој на таленти, инклузија и организациска трансформација
• Препознатлив говорник на реномирани глобални HR настани

Неговата пасија е јасна – создавање вистинска вредност преку развој на луѓето. Токму затоа, ова е можност да добиете практични увиди од експерт кој работи во срцето на истражувањето и развојот во една од највлијателните компании во светот.

📌 Обезбедете го вашето место и бидете дел од иднината на HR! 🚀

Тагови: Global HR Vision HR трендови Harbir Singh Rissam