Ако секој понеделник без волја одите на работа, има техники со помош на кои работите ќе се сменат. 

Истражување на  Galup во 140 земји покажува дека само 13% од испитаниците се задоволни од својата работа. 63% се рамнодушни, а 24% ја мразат својата работа. 

Обично луѓето не ја сакаат работата која не е поврзана со нивната струка, но тоа и не мора да биде причина некоја професија да ја мразите. 

Работата не е само професија и услови, туку и опкружувањето кое го имате околу себе. 

Работата можеби веќе ви станала рутина, можеби имате многу задачи, можеби е до амбиентот или сте многу амбициозни. 

Затоа стекнете навики кои ќе ви помогнат да се чувствувате подобро. 

Усовршете се за да заработувате повеќе и да добиете покачување. 

Научете да разликувате успех од среќа. 

На работа сменете го она што не ви се допаѓа. 

Многу работи зависат и од тоа како фирмата ги мотивира вработените. 

Платата не е единствен начин на мотивација, туку и да се донесуваат одлуки, да се даваат предлози, работникот да добие некаква важна улога во компанијата. 

Во Македонија луѓето кои работат во воздухопловен транспорт имаат највисоки плати и заработуваат плата од 58.201 денари. 

Зад нив се оние од секторот компјутерско програмирање со 55.468 денари, трети се вработените во телекомуникации со 55.366 денари. Подолу на листата се финансиски услужни дејности со 41.013 денари, осигурување, реосигурување и пензиски фондови со 38.277 денари. 

Најниски плати земаат луѓето во трговија, преработувачка индустрија, земјоделство и ред други сектори кои со години се слабо платени. 

Државниот завод за статистика вчера објави дека нето платите во април 2017 година споредено со истиот месец претходната година се поголеми за 1,4%. 

Просечната нето плата во Македонија изнесува 22.672 денари. Од вработените во земјава 0.9% останале без својот личен доход во април.

Германка и Холанѓанин направија оаза во Србија, така што во околината на Шабац произведуваат храна и имаат биодинамичка фарма. 

Овие доселеници освен нивните две деца на село одгледуваат и тикви, јагоди, сливи, салата и друго. 

Во бајковитото село Јаловик, ова семејство живее во скромна селска куќа. 

Луѓето се добри, знаат дека не можеме сами да стигнеме да сработиме на фармата и ни помагаат. И воспитувачката од градинка доаѓа и го зема девојчето - вели Вивиен Шајдлер. 

Имаат 17 хектари земја и очекуваат фармата наскоро да биде економски независна и велат тоа е сон на секој фармер. За да успее една биодинамична фарма велат дека е најважно околината да има потенцијал. Германката во 2004 година дошла во Србија како волонтер, следела курс за биодинамика, работела во продавници за органска храна, а во 2008 година решила да се досели во селото и да почне со сопствена фарма. 

Со чартер лет на „Смал плантер ерлајнс“ од Катовице денеска на охридскиот аеродром „Св. апостол Павле“ пристигна првата група од 220 туристи од Полска кои организирано ќе летуваат на охридско-струшката ривиера.

Станува збор за организиран престој на гости од Полска кои ќе одмараат во Охрид и Струга преку аранжманите што за Македонија на тој пазар ги нуди полскиот тур-оператор „Рего-бис“, една од поголемите туристички компании во Полска.

Министерот за транспорт и врски Горан Сугарески посакувајќи им добредојде на полските туристи истакна дека Владата со серија мерки ќе работи на унапредување на авиособраќајот во земјата и во насока на привлекување што поголем број туристи во Македонија.

Како што истакна Алпер Ерсој, генералниот директор на ТАВ Македонија, од денеска се до крајот на септември на охридскиот аеродром ќе пристигнат вкупно 14 чартер авиони од Катовице, а за во иднина најавени се и чартер летови и од Варшава. Заедно со некои туристи кои доаѓаат во Македонија со автобуски превоз, се очекува оваа сезона во Македонија да летуваат околу пет илјади Полјаци.

Габриела Манку-Соколу, сопственичката на тур-операторот „Рего-бис“ истакна дека интензивно е работено на промоција на македонската туристичка понуда пред потенцијалниот полски пазар.

– Драго ми е што ете тука се првите туристи од Полска. Нашата агенција нуди аранжмани за одмор во сите држави на Балканот, сега ви останува вам преку маркетинг-активности, добра услуга и гостопримство да се наметнете во освојување на интересот на полскиот турист, рече Манку-Соколу.

Покрај летовите од Полска, на охридскиот аеродром за време на летната сезона сообраќат сезонски летови на „Корендон“ и „ТУИ Аркефлај“ од Амстердам, на „Томас Кук“ од Брисел, чартер-летови на „Аркиа“ од Израел, како и со сезонските летови на „Ер Србија“ од Белград и редовните летови на „Визер“ од Лондон и Базел и на „Германија флуг“ од Цирих.

Тагови: туристи