Откако Советот на Град Скопје ја усвои листата на регистарот на имиња на улици, градоначалникот Шилегов на Фејсбук објави дека целата процедура повлекува и други импликации, а фирмите се особено засегнати. 

По реакциите на граѓаните, Шилегов објасни дека нивните документи ќе важат до моментот на нивното истекување и нема потреба да ги менуваат порано поради промената на имињата на улиците во главниот град. Меѓутоа, што се однесува до компаниите, тие ќе мора да ја средат целосната документација, со оглед на тоа што секоја промена треба да биде пријавена и внесена во Централниот регистар. 

Ова ќе доведе до дополнителни трошоци за компаниите, поради тоа што ќе мора да ги внесат промените во сите валидни документи, кои ќе мора да ги содржат новите податоци, односно во овој случај седиштето на фирмата. 

За помош на угостителите може да се разговара, но олабавувањето на мерките и дозвола за организирање свадби, како што бараат, нема да има се додека Комисијата за заштита од заразни болести не одлучи дека се создадени услови за тоа.

Вицепремиерот за економски прашања Фатмир Битиќи вели дека останува подготвен за соработка и дијалог со угостителите, но нема да оди против одлуките на Комсијата, објави Вечер.мк.

Немам доблест, немам храброст да одам против Комисијата. Секој треба на професионален начин да одработи, ако Комисијата вели нема околности за олабавување треба да им веруваме. Јас сум отворен за средби, отворен бев и пред пакетот мерки. Мислам дека решенијата се изнајдени, треба само соодветно да ги искомуницираме. Сите сме погодени од кризата, некој здравствено некој економски, сега е битно да видиме колку погодени ќе излеземе од кризата. Ќе разговарам со секој кој смета дека има потреба од разговор, рече вицепремиерот Битиќи.

Угостителите, според вицепремиерот Битиќи, не се изземени од ниту една мерка и за нив се предвидени и неповратни средства, значително поголеми во моментот кога ќе почнат со работа Попладнево угостителите повторно ќе излезат на протест. Овој пат ќе протестираат пред Влада. Нивните барања се да се донесат протоколи за да можат да почнат со работа рестораните за организирани настани кои цела година се под клуч, а инсистираат на брзо утврдување на мерките повикувајќи се на почетокот на сезоната за свадби.

Apple го презеде владеењето од Samsung во поглед на глобалната продажба на „смарт“ телефони. Во четвртото тромесечје од 2020 година, компанијата со седиште во Купертино, Калифорнија, го врати првото место на таа скала по пет години на места пониско од јужнокорејската компанија и другите на пазарот.

Според истражувањето и консултантската фирма „Гартнер“, лансирањето на „iPhone 12“, кој ја претстави серијата 5G на фирмата и помогна на компанијата „Apple“ да забележи двоцифрен раст во четвртото тромесечје од 2020 година.

Овој факт и помогна на фирмата предводена од Тим Кук да ги надмине Huawei и Samsung на листата на глобални продажби на „смарт“ телефони. Според консултантите, последен пат „Apple“ успеа да стане главен снабдувач на „смарт“ телефони во четвртото тромесечје од 2016 година.

И покрај здравствената и економската криза, Apple успеа да ја зголеми својата продажба за скоро 14,9% на годишно ниво, додека Samsung ја намали продажбата за 11,8%. Компанијата основана од Стив Џобс, успеа да продаде 79,9 милиони iPhone телефони минатата година, 10 милиони повеќе отколку во 2019 година. Од друга страна, Samsung продаде 62,1 милиони во 2020 година, приближно осум милиони помалку од 2019 година, според податоците на Гартнер.

Иако според IDC, друга компанија за аналитиза на податоци, Apple успева да продаде 90,1 милиони „смарт“ телефони во последните три месеци од минатата година, додека Samsung достигнува 73,9 милиони. Сепак, факт е дека компанијата од Купертино успеа да се врати на првото место на пазарот.

Најголемиот ланец на маркети за бела техника и електроника во Македонија, Нептун, предводен од генералниот директор, Горан Цветинов, континуирано работат на подобрување на корисничкото искуство, имплементирајќи нови начини, кои помагаат за подобро препознавање на потребите на потрошувачите. Како што секогаш се стремат кон подобро запознавање на потрошувачот, на ист начин постојано ги препознаваат и поддржуваат и семејните вредности.

Секој заеднички миг со семејството, гради бесценети спомени, кои се вистинската смисла на животот. Секојдневната задача на секој родител во модерното окружување е често смислување на различни и забавни активности, исполнувајќи го времето на своите деца, кои секогаш се во потрага по нови “палави” предизвици.

Генералниот директор, Горан Цветинов, заедно со Нептун семејството и нивниот долгогодишен партнер LG, ја согледаа потребата за повеќе забавни моменти и преку креативен и забавен фото-предизвик, ги разубавија и овековечија најпалавите моменти на децата, измамија многубројни искрени насмевки, а внесоа и нова свежина во дигиталниот свет.

30 дневниот фото-предизвик, во кој главната улога ја имаа најмалите членови, траеше до 20-ти февруари и имаше една единствена цел - преку фотографија, семејствата да си ги овековечат најинтересните и најсмешни моменти од своите мали палавковци. За целиот предизвик да биде поинтересен, Нептун реши да награди тројца палавковци кои имаа најуникатни и најсмешни фотографии.

Овие 30 дена беа незаборавни за многу родители и деца, кои беа предизвикани од страна на Сара Мејс, Димитар Атанасовски, и нивната мала, слатка и палава Илина, кои преку фотографии ги истакнаа нејзините палавштини, креативни моменти и дружби.

По завршувањето на фото-предизвикот, кој несомнено помина одлично, со многу интересни, смешни и палави фотографии, објавени со hashtag-от #lgпалавковци и тагнување на @neptunmakedonija, најтешката задача ја имаше публиката, како и Сара, Димитар и Илина.

Довербата, лојалноста и палавите моменти на учесниците беше наградена со LG производи. Генералниот директор на Нептун, Горан Цветинов и претставникот од LG, Јосип Радиќ, ги наградија првиот и вториот палавковец. Првата награда падна во рацете на @mavcoska_viktorija, чија фотографија беше наградена со LG телевизорот UHD TV LG 50 UN 7400. Со второто место се здоби палавата и уникатна фотографија на @maja_sah, која беше наградена со мобилен телефон LG Velvet. Третиот LG палавковец, беше избран од страна на Димитар, Сара и Илина и според нивниот заеднички избор третата награда ја доби профилот на @ackovadespina, која објави интересна и палава фотографија од својата ќеркичка, која ќе стане Нептун-инфлуенсер во некоја од следните кампањи на Нептун.

Нептун и LG, се заблагодаруваат на Димитар, Сара и Илина, кои помогнаа овој предизвик да биде вистинско ремек дело, а упатуваат и голема благодарност до сите оние кои одлучија да ги споделат најубавите и најсмешните моменти од своите палавковци и ги направија овие 30 дена посебни и незаборавни.

Големото семејство на Нептун и генералниот директор, Горан Цветинов ги повикуваат семејствата да продолжат да создаваат спомени и да уживаат во моментите поминати со најмилите, а Нептун ќе продолжи да наградува и изненадува со иновативни технолошки решенија за нивните домови и секојдневие.