За само 15 минути денеска биткоинот изгуби огромна вредност.  Станува збор за пад од 8.000 долари. 

Одлуката на Тесла да сврти 1,5 милијарди долари од своите готовински залихи во Биткоин ја „истрела“ најстарата и најголема криптовалута нагоре за 20 oтсто, а за време на викендот достигна над 58.000 американски долари. После твитот на Маск дека „биткоинот и етериумот му се чинат скапи“, токените нагло паднаа, пишува „Блумберг“.

Биткоинот избриша над 16% и падна на нешто повеќе од 47.000 долари по твитот. За само 15 минути, криптовалутата изгуби 8.000 долари од вредност, а потоа започна да ги враќа загубите.

SpaceX неодамна објави дека ќе испрати четворица цивили во орбитата на нејзината капсула Crew Dragon, што е прв пат екипаж без ниту еден професионален астронаут да лета во вселената воопшто. Еден од тие среќни граѓани ќе биде Хејли Арсиноу, кој на 29 години ќе биде најмладиот Американец што летал во вселената, објави NY Times.

Патувањето ќе се случи благодарение на Џаред Ајзакман, милијардер кој го купи дебитантското лансирање астронаутска ракета од SpaceX. Тој ќе добие едно Crew Dragon седиште во мисијата „Инспирација 4“, но другите три ги донираше. Едното ќе оди кај победникот на натпревар спонзориран од страна на неговата компанија Shift4, а другото седиште ќе оди кај победникот на мечевите од болницата St. Jude. Четвртото место e наменето за девојката која работи во болницата St. Jude и ја симболизира надежта, а тоа е Хејли Арсиноу.

Арсиноу сега е лекар-асистент во Детската истражувачка болница St. Jude во Мемфис, но пред скоро 20 години, таа била пациентка. Таа во 2002 година се лекувала од карцином на коски и сега има метални прачки на одредени места во левата нога. Како таква, таа, исто така, ќе биде првата личност со протетски дел во телото која ќе оди во вселената.

Нормално, таквата медицинска состојба би била дисквалификувачка за оние кои сакаат да станат астронаути, а Арсиноу сè уште има млитавост и повремена болка во нозете. Сепак, нејзе и беше доделена дозвола за лет од SpaceX и ќе служи како медицински службеник на екипажот. „Мојата битка со ракот навистина ме подготви за патување во вселената“, рече таа за „The Associated Press“. „Тоа ме направи цврста, а исто така мислам дека навистина ме научи да го очекувам неочекуваното и да ја реализирам желбата за лет во вселената “.

Ајзакман, кој за забава лета со Миг-29 и други воени авиони, рече дека Хејли е совршено прилагодена за цивилниот тим за вселенски летови. „Не треба секогаш да се работи за тоа да се возбудат луѓето кога ќе бидат астронаути некогаш, што е секако кул“, рече Ајзакман минатата недела. „Исто така, треба да станува збор за инспиративна порака за тоа што можеме да постигнеме тука на Земјата“.

Последното лансирање на екипажот SpaceX, Crew-1, се случи во ноември минатата година, а следниот, Crew-2, требаше да се случи во април 2021 година. Ајзакман ќе ги открие другите вселенски туристи во мисијата Inspiration4 следниот месец, но тие нема имаат многу време да се подготват. Полетувањето од вселенскиот центар НАСА Кенеди е закажано за во октомври, а летот трае два до четири дена.

Додека Скопје и Софија бараат компромис, претседателот на Бугарија Румен Радев со поддршка за барањето на невладини организации од Македонија лицата кои на пописот ќе се изјаснат како Бугари да добијат бугарски пасош.

 

Секој што на пописот ќе се изјасни како Бугарин да добие пасош по брза постапка – вакво писмо до државниот врв во Софија испратил т.н. културен центар „Иван Михајлов“ од Битола. Ваквото барање во писмото го оправдуваат со тоа што тврдат дека тие во земјава се соочувале со дискриминација и стравуваат јавно да го искажат својотнационален идентитет. Доказ за тоа според нив бил фактот дека илјадници граѓани во земјава се декларирале како Бугари за да добијат државјанство, но на пописот се изјаснувале како Македонци. Тоа според нив би било променето доколку се поедностави процедурата за добивање на државјанство, со што тие би биле заштитени од дискриминација.

Барањето наиде на експресен одговор од бугарскиот Претседател Румен Радев, кој даде поддршка до идејата и побара навремена реакција од соодветните институции во Бугарија, но и во Македонијаза како што посочи, Бугарите кои се соочуваат со проблеми во земјава.

,,Бугарските институции треба да ги олеснат постапките за стекнување бугарско државјанство за оние кои отворено го изјаснуваат својот бугарски идентитет. Институциите кај нашиот југозападен сосед треба да го гарантираат правото на нашите сонародници да се само идентификуваат како Бугари по потекло, во согласност со принципите на меѓународното право.

За сега бугарскиот претседател е единствениот кој излезе со став за барањето на културниот клуб во Битола, но не и премиерот Борисов или пак шефицата на бугарската дипломатија Захариева до кои писмото исто така беше адресирано.

Менувањето на имињата на улиците ги разбранува социјалните мрежи.

Едно од моите предизборни ветувања беше враќање на идентитетот на Скопје. Ги враќаме старите имиња на добро познатите скопски улици“, вели скопскиот градоначалник Петре Шилегов. Менувањето на имињата на улиците е идентитетски геноцид, изјави претседателот на Патриотски институт на ВМРО-ДПМНЕ, Александар Пандов. Кое е Вашето мислење?

Повторно ќе се менуваат имиња на улици, плоштади, мостови и други објекти. Град Скопје со предлог листа од 570 имиња, меѓу кои „Лева Патика“, „Бис Без’ „Медена Земја“, „Дејвид Боуви“, „ Квин“. Ќе има улици кои ќе се преименуваат по името на новинарот Никола Младенов, пејачката Вања Лазаревска, спортистите Атина Бојаџи, Благоја Георгиевски – Боштур, писателите Славко Јаневски, Петре М. Андреевски, Блаже Конески, Владо Малески. Советниците во градското Собрание деновиве ќе ги гласаат предложените називи. Се враќаат и стари имиња на улиците иако дел од нив беа пред само неколку години преименувани. Граѓаните сметаат дека се работи за политика, а не суштинска потреба од менување на имињата. 

Таксистите кои постојано се низ градот велат секоја промена за нив е проблем бидејќи губат многу време во учење на новите имиња. 

Дел од скопските улици ќе ги носат имињата на личности како Дукаѓини Лек воен водач, албански благородник, Колиќи Ернест (1903-1975), Министер за образование на Албанија, Шуку Халим, делегат во втората Призренска лига. Градоначалник на Урошевац.

Предлог има и за улица Нивици, името на местото каде се потпиша Преспанскиот договор. 

Опозицијата обвинува, наместо да се градат улици, мостови, тунели, градоначалникот ќе става нови имиња кои немаат врска со македонската историја ниту со главниот град. 

Во Законот за лична карта член 8 пишува дека секој граѓанин кој ќе промени живеалиште или ќе изврши промена на лично име му се издава нов документ. 

„При промена на адресата на станот на живеалиштето, граѓанинот е должен во рок од 30 дена да поднесе барање за замена на личната карта со нова.“

Членот 15 од истиот закон, став 6  предвидува и казна за граѓаните кои нема да ја променат личната карта. Ќе платат од 20 до 80 евра.