Менувањето на имињата на улиците ги разбранува социјалните мрежи.

Едно од моите предизборни ветувања беше враќање на идентитетот на Скопје. Ги враќаме старите имиња на добро познатите скопски улици“, вели скопскиот градоначалник Петре Шилегов. Менувањето на имињата на улиците е идентитетски геноцид, изјави претседателот на Патриотски институт на ВМРО-ДПМНЕ, Александар Пандов. Кое е Вашето мислење?

Повторно ќе се менуваат имиња на улици, плоштади, мостови и други објекти. Град Скопје со предлог листа од 570 имиња, меѓу кои „Лева Патика“, „Бис Без’ „Медена Земја“, „Дејвид Боуви“, „ Квин“. Ќе има улици кои ќе се преименуваат по името на новинарот Никола Младенов, пејачката Вања Лазаревска, спортистите Атина Бојаџи, Благоја Георгиевски – Боштур, писателите Славко Јаневски, Петре М. Андреевски, Блаже Конески, Владо Малески. Советниците во градското Собрание деновиве ќе ги гласаат предложените називи. Се враќаат и стари имиња на улиците иако дел од нив беа пред само неколку години преименувани. Граѓаните сметаат дека се работи за политика, а не суштинска потреба од менување на имињата. 

Таксистите кои постојано се низ градот велат секоја промена за нив е проблем бидејќи губат многу време во учење на новите имиња. 

Дел од скопските улици ќе ги носат имињата на личности како Дукаѓини Лек воен водач, албански благородник, Колиќи Ернест (1903-1975), Министер за образование на Албанија, Шуку Халим, делегат во втората Призренска лига. Градоначалник на Урошевац.

Предлог има и за улица Нивици, името на местото каде се потпиша Преспанскиот договор. 

Опозицијата обвинува, наместо да се градат улици, мостови, тунели, градоначалникот ќе става нови имиња кои немаат врска со македонската историја ниту со главниот град. 

Во Законот за лична карта член 8 пишува дека секој граѓанин кој ќе промени живеалиште или ќе изврши промена на лично име му се издава нов документ. 

„При промена на адресата на станот на живеалиштето, граѓанинот е должен во рок од 30 дена да поднесе барање за замена на личната карта со нова.“

Членот 15 од истиот закон, став 6  предвидува и казна за граѓаните кои нема да ја променат личната карта. Ќе платат од 20 до 80 евра.

Задолжителниот седумдневен домашен карантин за сите кои во Грција ќе влезат на било кој начин и со било кое средство е продолжен уште две седмици, односно до 8 март 2020 година.

Согласно министерската одлука од надлежните грчки министерства и новите одлуки на Агенцијата за цивилно воздухопловство на Грција, и понатаму во сила е задолжителната потврда за негативен ПЦР тест направен 72 часа пред патувањето, за сите оние кои до 8 март ќе пристигнат во Грција, а паралелно, при пристигнувањето, ќе се спроведуваат и брзи тестови за дел од патниците согласно предвидениот процес според податоците внесени во специјалниот формулар (Passenger Locator Form) за патување во Грција.

Одуката за домашниот карантин се однесува на патници од сите земји вклучувајќи ги и оние од Европската Унија, а доколку посетата на Грција трае помалку од седум дена, тогаш домашната изолација ќе трае за целиот период додека се во земјата, сѐ до нивното заминување.

За патниците од Велика Британија предвидени се посебни правила, односно за да излезат од седумдневниот карантин, потребно ќе биде, на седмиот ден, да направат ПЦР тест.

До 8 март, како што вчера објави МИА, продолжена е и одлуката за ограничување на копнените граници со Северна Македонија, Албанија и Турција, како и забраната за влез во Грција на државјани на трети земји, а од рано утрово стапи во сила.

Измамени потрошувачи сведочат дека производите имаат една цена на рафтовите по маркети а друга во фискалната сметка. Случајност или не?

На рафт една цена, а на каса друга цена. Ова е честа појава во супермаркетите на што редовно се жалат граѓаните кои се револтирани поради тоа што, како што велат, “во очи нè прават будали“. Многу често граѓаните одат да пазарат во некој маркет токму поради одредени акции и попусти, а кога ќе дојдат на каса им ја куцаат редовната цена. Некои од граѓаните велат дека кога ќе дојдат дома и ќе ја видат фискалната сметка се чувствуваат измамени. Други, пак, кои се обиделе да го вратат производот на каса се соочиле со невкусни коментари од страна на касиерките.

Како што гласи онаа народната „кој ќе се изгори од млеко, дува и на јогурт„, па така и повеќето граѓани кои биле измамени сега се многу повнимателни кога се работи за цените на производите на акција.

Граѓаните реагираат и укажуваат дека тоа се недоразбирања кои најчесто се поврзани со ценовникот или со неправилно означување на производите. Најчесто цехот го плаќаат помалку внимателните купувачи, бидејќи овие трговски трикови многу тешко можат да се забележат кога се купува во поголеми количини.

Од Организацијата на потрошувачи на Македонија велат дека во законот за заштита на потрошувачи стои дека потрошувачот пред да донесе одлука за купување на некој производ треба да биде правилно информиран за цената по која го купува. Оттаму велат дека во ваков случај потрошувачите треба да ја платат цената која е на рафтот, а не онаа која е во компјутер. Доколку имаат проблем околу тоа треба да го пријават случајот во Пазарна инспекција.

Од Државниот пазарен инспекторат велат дека и до нив стигнуваат пријави за вакви неправилности по што тие излегуваат на терен и го проверуваат извештајот на каса во посочениот маркет. Доколку се утврди дека нема усогласеност во цените тогаш се преземаат санкции и се изрекуваат глоби за прекршителите.

Германското здружение за воздушен транспорт формулираше список на барања и им се обраќати на политичарите во форма на отворено писмо, со цел да се осигура дека оваа индустрија ќе расте кога ќе помине корона-кризата. Здружението ги застапува интересите на авиокомпаниите, аеродромите и контролата на летовите.

Здружението бара начин да го намали бројот на авиони во воздухот, бидејќи поради преоптовареноста на небото, понекогаш се чека со часови за одобрување да полета.

Тие забележуваат дека има компании кои ги намамуваат патниците со евтини билети за 9,99 евра. Здружението повикува на воведување анти-дампинг мерки и да се спречи паѓањето на цената на билетите. Идејата е да се ограничи минималната цена на билетот, во однос на сите такси, надоместоци и трошоци што ги има аеродромот. Бидејќи само еден данок во Германија е 12,90 евра, евтините билети ќе станат минато.

Според правилата на ЕУ, доколку летот се одложи повеќе од три часа, патниците имаат право на надомест на штета од 250 до 600 евра. Германците сакаат да го променат ова правило. Во моментот, нема пари да се враќаат ако има вонредни околности, а се случува судот да биде тој што ќе одлучи дали нешто е вонредна околност или не.

Здружението има уште еден проблем со ова правило. Ако летот од Мајорка до Хановер, на пример, треба да биде откажан поради технички проблеми, компанијата не е мотивирана да организира брз заменски лет во рок од три часа, бидејќи тоа е невозможно во тој период, па ако дефинитивно ќе плаќа надомест, тогаш заменскиот лет го организира дури за следниот ден.

Од Здружението сметаат дека луѓето попрво би пристигнале дома или на одмор на време, затоа тие бараат овој рок да се смени и да им се даде пет часа можно одложување.