Според најновите податоци, WhatsApp доживеа ненадеен пад на новите преземања во услови на голем пораст на популарноста за ривалските апликации за пораки како „Сигнал“ и „Телеграм“.

Преземањата паднаа за повеќе од 2 милиони во периодот од 5-12 јануари во споредба со претходната недела, намалувајќи се на 10,6 милиони.

Податоците на фирмата за анализа на апликации Sensor Tower, откриваат дека оваа бројка сега е помала од таа на „Сигнал“ и „Телеграм“, кои забележаа 17,8 милиони и 15,7 милиони преземања соодветно во истиот временски период.

Намалувањето на побарувачката за апликацијата во сопственост на Фејсбук следи по раширеното незадоволство од тоа како ги третира податоците на корисникот.

Поп-ап порака испратена до нејзините 2 милијарди корисници ги замоли да ги прифатат Условите на услугата за нејзината политика за приватност пред 8 февруари или во спротивно ќе го изгубат пристапот до апликацијата.

Корисниците надвор од Велика Британија и Европа сега ќе бидат предмет на договор за споделување на податоци помеѓу WhatsApp и Facebook, кој ќе гледа приватни детали како телефонски број, IP адреса и информации за прелистувачот.

Егзодусот го испаничи тимот на WhatsApp, кој неделава објави реклами на цела страница во весниците во Индија, барајќи од корисниците да не се откажуваат од апликацијата.

„WhatsApp ја почитува и заштитува вашата приватност“, се вели во пораката, која се појави на насловната страница на „Индијан експрес“ и „Хинду“, како и во осум други весници.

„WhatsApp не може да ги гледа вашите приватни пораки, или да ги слуша вашите повици, а не може ниту Facebook. Секоја приватна порака, фотографија, видео, говорна порака и документ што ќе им ги испратите на вашите пријатели, семејство и соработници во единечните или групните разговори се заштитени со енкрипција од крај до крај. Секој разговор останува меѓу вас “.

Исто така, значителен број конзервативни корисници ја напуштија платформата откако Facebook им се придружи на останатите големи социјални платформи во забраната на Доналд Трамп и неговите најекстремни следбеници од нивните платформи.

Масивниот прилив на нови корисници кон „Телеграм“ го натера основачот на апликацијата да ја опише како „најголемата дигитална миграција во историјата на човештвото“.

Српскиот претседател Александар Вучиќ утре на граничниот премин Табановце ќе ја достави првата пратка вакцини за Македонија, објави а1он.

Премиерот Зоран Заев придружуван од министерот за здравство Венко Филипче ќе ја пречека спрската делегацијата предводена од претседателот Александар Вучиќ.

Законското решение кое овозможува недела да биде неработен ден е во последни подготовки. Многу брзо се очекува предлог Законот да влезе во собраниска процедура. Во примена новиот Закон за работни односи кој ќе предвидува нови правила за недела да биде неработен ден се очекува да почне да се применува на терен од септември. Синдикатите ја поздравуваат оваа иницијатива но бараат строга контрола од страна на инспекторатот за труд. Бизнисмените сметаат дека загубите во оваа криза дополнително ќе се продлабочат.

Со последната измена на Законот за работни односи се предвидува недела да биде неработен ден. Ова Законско решение предвидува ден на неделен одмор, велат од Министерството за труд и социјална политика. Исклучок се дејностите кои се неопходни за непречено функционирање на општеството и дејности во кое е неопходно одржување на континуитет на работниот процес. Исклучоците се однесуваат во делот на пример: снабдување со вода, отстранување на отпад, сообраќајот, како копнен така и воздушен и воден транспорт. Социланата и здравствена заштита, пожарникарската служба, царинската служба, објави bankometar.mk.

„За работниците кои ќе работат во недела предвиден е надомест на плата кој што е соглсасно закон и колективен договор. Дополнително работникот во овие дејности кои се наведени како исклучоци во предлог законот покрај надоместокот за работа во недела ќе добиваат и слободен ден за што се уште се преговара во Економско – социјалниот совет. Надзорот ќе биде на државниот инспекторат за труд, работодавачите од наведените дејности од исклучоците, мора да пријават дека дел од нивните работници на одредени работни позиции ќе работат во недела. Доколку државниот инспекторат за труд направи увид, по допрен глас, или по друга пријава од страна на работници и се утврдат прекршување на правилата тогаш се препишува казна затворање од 15 до 30 дена, тоа уште се договара. И прекршочна мерка во паричен износ согласно законот за прекршоци“, велат од министерството за труд и социјална политика.

Според планот, во недела ќе работат бензинските пумпи, трговијата со струја, секој вид на транспорт, угостителскиот сектор, медиумите, болниците, телекомуникацискиот сектор, противпожарната служба, погре балните услуги, комуналните дејности, музеите, зоолошките градини и останати дејности кои овој период се дефинираат. Во делот на трговската мрежа, предлог Законот предвидува да работат само трговски објекти до 200 квадратни метри површина кои се во склоп на бензиски пунпи на граничните премини на аеродромите, автобуските станици и железничките станици. Останатите трговски објекти законското решение вели дека нема да работат во недела, додаваат од ресорното министерство.

Предлог-законот на седницата помина без расправа и беше даден на натамошно постапување.

Како што образложи повереникот од Министерството за внатрешни работи Весна Доревска, со измените и дополнувањата на Законот се врши усогласување со одредби од Законот за употреба на јазиците, како и усогласување со Уставниот закон за спроведување на амандманите од XXXIII до XXXVI на Уставот на Република Македонија.

Имено, со донесувањето на Законот за употреба на јазиците, меѓу другите обврски кои произлегуваат од него, се наметна и потребата од усогласување на обрасците за личните документи на граѓаните што ги издава Министерството за внатрешни работи. За патните исправи како личен документ на граѓаните, се врши усогласување во делот на начинот на печатење на обрасците за патните исправи и начинот на запишување на податоците во нив, со цел сеопфатно усогласување на постојното законско решение со законското решение предвидено во Законот за употреба на јазиците, како во делот на законската имплементација на јазиците на сите етнички заедници во државата, така и во терминолошкото дефинирање на различните категории на граѓани од етничките заедници, на начин кој е утврден во Законот за употреба на јазиците.

Покрај наведеното, предвидено е и усогласување на Законот со Амандманот XXXIII од Уставот на Република Северна Македонија, од аспект на рокот на замена на постојните патни исправи кои го содржат натписот „Република Македонија“ со патни исправи со новото уставно име на државата, запазувајќи го рокот предвиден во членот 3 од Уставниот закон за спроведување на Амандманите од XXXIII до XXXVI на Уставот, односно пет години од стапувањето во сила на уставните измени.

Обрасците на патните исправи и на визите, се посочува, се печатат на македонски јазик и неговото кирилско писмо, со превод на англиски и француски јазик и нивното писмо. Податоците кои се внесуваат во патната исправа се запишуваат на македонски јазик и неговото кирилско писмо и на основно латинично писмо, освен интернационалните ознаки (кодови), што се запишуваат согласно со утврдените меѓународни стандарди.

-Обрасците на патните исправи на граѓаните кои зборуваат службен јазик различен од македонскиот јазик што го зборуваат најмалку 20 проценти од граѓаните на Република Северна Македонија, по службена должност се печатат и податоците во нив се запишуваат и на јазикот и писмото што го употребува граѓанинот. Обрасците на патните исправи на граѓаните кои зборуваат јазик различен од македонскиот што го зборуваат помалку од 20 проценти од граѓаните на Република Северна Македонија, на нивно барање, се печатат и на јазикот и писмото што го употребува граѓанинот. На нивно лично барање, податоците што се внесуваат во патната исправа се запишуваат и на јазикот и писмото што го употребува граѓанинот. Исто така, на нивно лично барање податоците за личното име што се внесуваат во патната исправа се запишуваат и на јазикот и писмото што го употребува граѓанинот, стои во Предлог законот.

Предлог законот содржи преодна одредба која предвидува дека патните исправи кои го содржат натписот „Република Македонија“ издадени до денот на отпочнување на примената на овој закон, ќе важат до рокот на важење кој е наведен во патната исправа, но не подолго од 12 февруари 2024 година. Предложената измена е во насока на усогласување на законот со рокот предвиден во член 3 од Уставниот закон за спроведување на Амандманите од XXXIII до XXXVI на Уставот на Република Македонија односно пет години од стапувањето во сила на уставните измени. Законот, според предлогот, треба да влезе во сила осмиот ден од денот на објавувањето во „Службен весник на Република Северна Македонија“, а ќе почне да се применува од 1 јули 2021 година.