FutureLearn штотуку објави студија за технолошко знаење кај современата работна сила, а резултатите открија дека само 30,6% од професионалците сметаат дека факултетот ги подготвил доволно добро за работното место.

Имајќи предвид дека половина од испитаниците во студијата рекле дека недостатокот на неопходните технолошки способности ги спречиле во работата што ја сакаат, можеби ќе сакате да станете проактивни во однос на вашата надградба.

Microsoft Office Suite

Совладувањето Microsoft Office Suite се смета како да е нешто застарено или како очигледна ставка во биографијата, но тоа е далеку од вистината. Всушност, тоа е вештина што сите треба да ја знаат пред да влезат на пазарот на работна сила, па затоа е рангирана како број 1.

Информациска писменост

Информациската писменост беше втора најважна вештина нагласена од страна на анкетираните професионалци. Но, од што се состои? „За да биде писмено со информации, едно лице мора да може да препознае кога е потребна информацијата и да има способност да ја лоцира, процени и ефикасно да ја искористи истата“, велат од Здружението на Американските Библиотеки.

Google Suite 

Google Drive е веднаш зад „Microsoft Office Suite“, кога се работи за врвните програми што луѓето ги користат во еден типичен работен ден, а Google Suite беше рангиран на четвртото место според важноста на вештини.

Значи во ваш најдобар интерес е да знаете како да го користите пакетот алатки на Google за општ успех во работата.

Владеење на општоприфатен оперативен систем

Дали повеќе користите Mac или компјутер? Колку добро можете да се снајдете и да ги решите проблемите со вашиот компјутер? 

На крајот на краиштата, совладувањето на општопрофатен оперативен систем значи дека ќе бидете попродуктивни додека ги завршувате своите задачи. 

Софтвер за онлајн состаноци

Не е изненадувачки тоа што познавањето на софтверите како Zoom се наоѓа меѓу најважните 5 вештини периодов. Пандемијата си го направи своето и ги натера организациите и компаниите да се навикнат на работа од дома со тоа што состаноците секако мора да се одржат, а поради безбедност, тоа мора да биде на дистанца.

До каде е изградбата на трговскиот центар East Gate mall - компанијата објави видео од активностите на терен. Првичните најави од летото 2020 годна беа дека трговскиот центар ќе биде готов годинава односно сезоната есен-зима 2021 година.

East Gate Mall е дел од модерниот и современ повеќенаменски комплекс Скопје East Gate. Трговскиот центар на ретаил пазарот во Скопје треба да донесе на 20 нови светски модни брендови на малопродажна површина од над 20.000 квадратни метри. Тогаш беше најавено дека во овој трговски центар ќе ја има најголемата Зара на Балканот. Веќе се потпишани комерцијални услови и договори за закуп, а според информациите на Фактор кои се неофицијални во трговскиот центар ќе има и H&M, полските LPP и CCC. 

Според нашите информации влез на пазарот разгледуваат освен германски ЛИДЛ и уште неколку други интернационални ланци на супермаркети кои оперираат во регионот, меѓу нив и познатите SPAR и BILLA. Сите планираат да влезат токму во овој трговски центар.

Илон Маск изјави дека на кандидатите за работа кои доаѓаат кај него на интервју им поставува исто прашање за кое тврди дека ги разоткрива лажговците. Како шеф на Tesla, SpaceX и ко-основач и основач на Neuralink и The Boring Company, 49-годишниот милјардер точно знае што прави кога станува збор за бизнис.

Плус, тој неодамна стана најбогатата личност на светот со нето вредност од 136 милијарди фунти, па не е изненадување што секој сака да го знае неговиот трик за вработување.

Прашањето е...

Маск не го интересира кое училиште го посетувал потенцијалниот вработен, ниту пак  кое е нивото на неговото образование, пренесува Daily Star. 

„Нема потреба дури и да има факултетска диплома, па дури и средно училиште“, изјави Маск за време на интервјуто за Авто Билд во 2014-та година.

Наместо тоа, таткото на седум деца бара „доказ за исклучителна способност“ кога станува збор за вработување нов персонал.

„Ако има евиденција на исклучително достигнување, тогаш веројатно е дека тоа ќе продолжи и во иднина“, рече тој.

Се разбира, лесно е некој да излаже во своето резиме или за своите достигнувања, но Маск има прашање што е дизајнирано да ги фати лажговците.

Говорејќи на Светскиот Владин Самит во 2017 година, Маск го откри прашањето кое го поставува на секој кандидат што го интервјуира: „Кажете ми за некои од најтешките проблеми на кои сте работеле и како ги решивте“.

Метод - Асиметрично управување со информации

Една студија објавена во „Весник за применети истражувања во меморијата и сознанието“ во декември 2020 година откри неколку пристапи за разоткривање лажговци засновани на техника за интервју за работа што всушност ја потврдува валидноста на техниката на Маск.

Еден таков метод се нарекува „Асиметрично управување со информации“ (AIM) и е дизајниран да му обезбеди на кандидатот јасни средства за да ја покажат својата невиност или вина пред оној кој го води интервјуто преку обезбедување детални информации.

„Ситните детали се најважни во форензичките истраги и можат да им обезбедат на истражителите факти за да ги проверат и да ги испрашаат сведоците“, напиша Коди Портер, еден од авторите на студијата и виш соработник на Универзитетот во Портсмут, во една статија за Тhe Conversation.

Таа конкретно изјави дека оние кои го водат интервјуто треба да им дадат до знаење на кандидатите дека „ Ако дадат подолги, подетални изјави за настанот од интерес, тогаш оној кој го води интервјуто ќе може подобро да открие дали ја кажуваат вистината или лажат“.

„За разлика од сериозните кандидати, лажговците сакаат да ја сокријат својата вина“, објасни Портер.

„Ова значи дека тие имаат поголема веројатност стратешки да ги премолчат информациите како одговор на методот AIM.“

„Нивната претпоставка е дека искажувањто повеќе информации ќе му олесни на оној кој го води интервјуто да ја открие нивната лага, па наместо тоа, тие даваат помалку информации.

Студијата, исто така, открила дека користењето на AIM методот може да ја зголеми веројатноста за откривање на лажговците на интервју за скоро 70 проценти.

Маск во интервјуто за Auto Bild додаде дека она што тој навистина сака да го знае е дали некој кандидат навистина го решил проблемот за кој тврди дека го решил.

Тој изјави: „Се разбира дека сакате да бидете сигурни дали кандидатот има некое значајно достигнување, дали тој бил навистина одговорен при решавање на проблемот, или некој друг бил поодговорен?

„Обично, некој што навистина морал да се избори со проблем, тој навистина ги разбира деталите и не ги заборава“.

Тагови: интервју за работа

 Минатата година во стопанството се слеале 397,4 милиони евра по основ на поврат на ДДВ кон фирмите. И покрај тоа што 2020 беше кризна година, минатата година има најголем поврат на ДДВ како процент од бруто наплатениот данок во споредба со изминатите години, додека исплатата се одвиваше редовно и без застои, соопшти денеска Министерството за финансии.

Минатата година извршен е поврат на скоро 34 отсто од бруто наплатениот данок на додадена вредност. За споредба, во 2019 година извршен е поврат од 32 отсто, во 2018 од 31 отсто, во 2017 од 28 отсто, во 2016 од 26 отсто и во 2015 година од 28 отсто.

– Доколку се гледа во апсолутен износ, минатата година и покрај кризата, инјектирана е висока сума на средства по основ на поврат на ДДВ кон фирмите во споредба со претходните години. Ако минатата година е извршен поврат на 397,4 милиони евра, во 2019 година повратот изнесувал 403,9 милиони евра, во 2018 од 375,8 милиони евра, во 2017 година 315 милиони евра, во 2016 280 милиони евра и во 2015 година 283,5 милиони евра, стои во соопштението.

Од Министерството за финансии информираат дека редовниот и навремен поврат на ДДВ кон фирмите е од големо значење за ликвидноста во стопанството, особено во време на криза кога пристапот до средства е ограничен.