Министерката за труд и социјална политика Јагода Шахпаска во емисијата 24 анализа ги демантираше наводите дека претставниците на ССМ не се вклучени во собраниските комисии. Истакна дека се работи на законското решение, недела да биде неработен ден.

„Ја направивме анализата иако ни беше даден краток рок за анализа и го разгледувавме на седницата на економско социјалниот совет, со писмен допис беше испратено како до Сојузот на стопанските комори, така и до претставниците на синдикатите, на сите засегнати страни. Суштината е да се овозмои работниците да го користат правото на неделен одмор за да бидат со семејствата, но мора да има и исклучоци.“ - рече министерката.

Државата цела година се однесува како сметководителите да се имуни на КОВИД 19. Се носат закони, се менуваат правила, се носат мерки, роковите остануваат исти, а и казните и каматите исто така. Сметководителите бараат средба со владни претставници најдоцна до четврток попладне во спротивно ќе организираат протести, а не е исклучена ни можноста за генерален штрајк.

Главно барање на сметководителите е да се пролонгираат роковите за поднесување ДДВ пријави и годишна сметка. Оние кои имаат доказ дека биле болни или во изолација да не плаќаат казни и камати за задоцнето поднесување. Да се води сметка кога се носат мерки затоа што сметководителите постојано ги бркаат роковите за исплата на плати.

Сметководителите велат дека сите влади без барања ги пролнгирале роковите за достава на сметки. Пример во Србија, рокот за поднесување завршна е продолжен до 31 јули 2021, кај нас останува 15 март.

Претставници на Меѓународната асоцијација за воздушен транспорт (ИАТА) открија дека употребата на нивната „дигитална влезница“, (Travel Pass), треба да започне во март. Се очекува тогаш да започне да се користи од големите авиокомпании.

Тоа е мобилна апликација која им помага на патниците да складираат и управуваат со информации поврзани со сертификати за тестирање на ковид-19 или вакцинација. Апликацијата обезбедува поголема безбедност и ефикасност од печатените, т.е. хартиени документи.

ИАТА посочува дека нивните тимови работат на проектот во 12-часовни смени со цел да овозможат проектот да заврши што е можно побрзо, пишува Травемагазин.

Оттаму велат дека на овој начин, ќе се решат најголемите проблеми на авионската индустрија поврзани со моменталната пандемија.

Тие исто така додаваат дека ниту еден проект досега не се развил со вакво темпо. Брзиот развој на апликацијата може делумно да се припише на постојната технологија, вклучувајќи ја и апликацијата за бесконтактна идентификација.

Оваа апликација е развиена од ИАТА пред пандемијата, во партнерство со компанијата „Еверним“ (Evernym), која се занимава со решенија за дигитална идентификација.

Со развојот на Travel Pass, ИАТА исто така се обидува да реши потенцијален проблем поврзан со персоналот на аеродромот.

Во моментов, авиокомпанијата, која работи со околу 10% капацитет, користи 100% од својот персонал за да ги потврди сертификатите за тест на Ковид-19.

Премиерот Зоран Заев, денеска преку социјалните мрежи информираше дека Македонија ќе добие 8.000 дози од вакцината на „Фајзер“ од Србија кои ќе се платат по набавна цена, односно нема да ни бидат подарени, туку одделени за нас и самите ќе ги платиме.

„Имаме убава, среќна вест. Добиваме 8.000 Фајзер вакцини од Србија. Претседателот Вучиќ денес ми потврди дека Србија ќе ни помогне со вакцини од нивната набавка, кои ќе ги платиме по набавна цена.

Ова е чин на солидарност на нашиот сосед и зацврстување на нашето пријателството. Во тек се преговори околу техничките процеси за доставување на вакцините, а со првите дози ќе се вакцинираат здравствените работници, хронично болните лица, возрасните и други ризични категории“, напиша Заев.