До 2035 година Халк Банка ќе го врши платниот промет преку Македонски Пошти. Денеска првите луѓе на компаниите ставија потпис на 15 годишниот договор, со кој граѓаните и компаниите од 1 март наредната година, пак ќе можат да плаќаат сметки и да вршат трансакции и во пошта. Ова доаѓа во време кога Владата на големо ја турка идејата за приватизација на државното претпријатие, кое со години трупа загуби. Но првиот човек на Пошти, Јани Макрадули потврдува дека во договорот има заштитни клаузули, но детали не открива. Не кажува колкави пенали би плаќале доколку дојде до негово раскинување во текот на 15 годишниот период.

ПА ИМАМЕ ЗАШТИТНИ КЛАУЗУЛИ, ЗА ИНФОРМИРАЊЕ КОГА БИ СЕ СЛУЧИЛО СЕТО ТОА, ВЛОЖУВАЊЕТО ВО ХАРДВЕРСКАТА СТРУКТУРА, ИНФРАСТРУКТУРАТА ИМА СВОЈА ЦЕНА. ТОА СЕ ПРЕДМЕТ НА ДОГОВАРАЊЕ ПОНАТАМУ, КОГА ЌЕ СЕ НАПРАВИ, БИЛО КОЈ КОГА ЌЕ НАПРАВИ ЕДНА СТУДИЈА – ВЕЛИ МАКРАДУЛИ.

Пред два и пол месеци Владата наложи да се изготви физибилити студија на кој начин да започне постапката за приватизација на државната компанија.Опциите се јавно-приватно партнерство или целосна приватизација. Но според Макрадули, денешниот договор со Халк Банка ќе биде предност и мотив за идниот потенцијален инвеститор

СЕ РАЗБИРА ИМА ЗАШТИТНА КЛАУЗУЛА НА ДВЕТЕ СТРАНИ, БИДЕЈЌИ Е ТАКОВ ДОГОВОРОТ.ПРЕДНОСТ ДА ИМАТЕ БАНКА И ПЛАТЕН ПРОМЕТ ВО 300 ТОЧКИ Е ПРЕДИЗВИК ЗА БИЛО КОЈ ПОТЕНЦИЈАЛЕН ИНВЕСТИТОР. НЕ ВЕРУВАМ ДЕКА НЕКОЈ ЌЕ ВЛЕЗЕ ВО ВАРИЈАНТА ЕДНОСТРАНО ДА ГО РАСКИНЕ.

Според првиот човек на Халк банка, условите на банката се утврдени во договорот.

НИЕ ПРИ ПОДГОТОВКА НА НАШАТА ПОНУДА ГИ УТВРДИВМЕ НАШИТЕ УСЛОВИ ВО КОНСУЛТАЦИЈА СО МЕНАЏМЕНТОТ НА МАКЕДОСНКИ ПОШТИ. ИМАЈЌИ ЈА ПРЕДВИД НАШАТА ИНФРАСТРУКТУРА И МОЖНОСТА ДА СЕ ПРИЛАГОДИМЕ НА ТОА ДЕЈСТВУВАЊЕ, ЗАТОА ГО ДАДОВВМЕ И ТОЈ ПЕРИОД ОД 2 МЕСЕЦА.

Ова доаѓа по пропаѓањето на Еуростандард банката преку која се вршеше платниот промет на Пошти. Според договорот со Халк Банка заедничкиот приход ќе го делат двете компании. Кај државната Пошта ќе легнуваат 71, а кај Халк Банка 29 проценти од приходите од платниот промет.

Република Северна Македонија во февруари ги добива првите дози на Фајзер вакцината. Веста попладнево на својот фејсбук профил ја објави Министерот за здравство, Венко Филипче. 

Денеска попладне постигнавме директен договор со компанијата, а количина ќе биде позната во текот на следните недели. Следните дози од вакцината на Фајзер ќе пристигнат во март и април. Министерството за здравство продолжува разговори за обезбедување вакцини и преку преговори со земјите членки на ЕУ како и преку Ковкакс механизмот од каде се очекува распоредот и датумот за дистрибуција на првите количини, напиша Филипче на фејсбук. 

Ова е одлична вест за сите граѓани и прв чекор кон конечна победа над пандемијата. Во јануари се очекуваат и фрижидерите за складирање на овие вакцини и со тоа македонскиот здравствен систем ќе биде целосно подготвен за вакцинацијата, додаде тој. 

Компанијата Reddit во соопштение откри дека го купува ривалот на TikTok, Dubsmash. Во соопштението не беа откриени финансиските услови на зделката.

Dubsmash им овозможува на корисниците да создаваат и споделуваат видео содржини, а особено е популарен кај младата, разновидна публика. Жените сочинуваат 70% од корисниците на оваа апликација, а приближно 30% од корисниците активно ја користат секој ден, според „Reddit“.

Платформата со седиште во Њујорк овозможува повеќе од 1 милијарда прегледи на видеа месечно.

Тројцата ко-основачи на Dubsmash , Сошит Даш, Џонас Друпел и Тим Спехт, ќе се приклучат на Reddit со непосреден ефект. Додека Dubsmash ќе ја одржува сопствената платформа и бренд, нивните алатки за создавање видео ќе бидат интегрирани во Reddit.

Reddit им дозволува на корисниците да поставуваат и споделуваат свои видеа од 2017 година, а сегментот расте брзо. Бројот на објавени видеа на платформата е двојно зголемен во 2020 година, според компанијата.

„Возбудени сме што како компанија, воведувајќи ги нашите алатки и технологија ќе допринесеме во нивната страсна, рапидно растечка база на корисници", се вели во изјавата на Даш, Друпел и Спехт.

Во последниве години, платформите за социјални медиуми инвестираа многу во кратки видеа, поттикнати од успехот на TikTok и Snapchat. Facebook, Instagram, Google, лансираа свои производи дизајнирани да се натпреваруваат со TikTok.

Сите ние сакаме да заштедиме повеќе пари - но генерално, голем дел од луѓето се соочуваат со проблеми околу заштедата. Научникот за однесување Венди Де Ла Роса проучува како секојдневните луѓе донесуваат одлуки за подобрување на нивната финансиска состојба. Погледнете го видеото и дознајте како да заштедите повеќе, а трошите помалку.