Премиерот Зоран Заев предмалку на својот Твитер профил објави дека Владата ја прифатила иницијативата: денот недела да биде прогласен за неработен ден.

„Го задолживме МТСП во рок од 15 дена да достави законско решение. Ова е во интерес сите граѓани. Недела треба да биде ден посветен на одмор, ден за поквалитетно време, ден за семејството, за себе“, напиша Заев.

Да стануваш рано наутро, да се спремаш, да трчаш, да менуваш автобуси, да одиш на работа, да седиш во канцеларија со еден куп колеги, сите со различни карактери ( а со една иста цел), да имаш шеф над глава, а уште полошо газда, веќе сето тоа полека, но сигурно станува минато, особено кога се младите во прашање.

Фриленсерството сѐ повеќе станува избор во Македонија. Убава и платена работа во Македонија ќе најдеш само ако имаш добри врски или ако си член на некоја политичка партија која во моментов е на власт, во спротивно или ќе си без работа, или ќе работиш било што ќе најдеш, или ќе бидеш платено мизерно, а може и да се случи воопшто и да не добиеш плата.

Барајќи нешто подобро, младите се одлучуваат да работат од дома, да бидат фриленсери.

Оваа работа, како и секоја друга, бара многу труд, исполнителност и, пред сѐ, самомотивација. Колку повеќе работиш, толку повеќе ќе заработиш. Па така, колку ќе ти биде платата, зависи од самиот тебе. Некои се платени од час, а некои имаат фиксна плата, или фиксен проект.

Скопјанецот Филип веќе три години работи како фриленсер. Тој е графички дизајнер. Вели дека е потребен многу труд, но дека парите се секогаш мотивација.

-Некој работам и по 15 часа на ден, а некогаш и не работам со денови. Сега за сега не сум во план да ја менувам оваа работа. Работам од дома од кревет, за плата која некогаш достигнува и повеќе од 2.000 долари. Не би ја менувал оваа работа за ништо, раскажува Филип.

И Емилија исто така работи како фриленсер. Таа работи како преведувач.

-Јас сум задоволна премногу. Платена сум од текст. Никаде во Македонија нема да можам да земам плата од околу 800 долари. И кога надвор има дожд и снег и ветер и сонце, јас сум дома. Убаво ми е вака, вели таа.

Работодавачите да исплатат плата за октомври, а откако ќе се донесе Законот за финансиска поддршка на приватниот сектор Управата за јавни приходи ќе го корегири образецот за да им додели финансиска поддршка односно субвенција. Со четвртиот пакет мерки, Владата предвиде финансиска поддршка на приватниот сектор и стимулирање на компаниите за враќање и задржување на работниците на работните места. Овој предлог закон е во собраниска процедура и од УЈП велат дека очекуваат да биде донесен во најкраток можен рок.

„Имајќи го во предвид фактот дека законот сеуште не е донесен како и краткиот рок за поднесување на барањето за финансиска поддршка за исплата на платите на работниците, работодавачите кои имаат можност за исплата на платата, може истото да го сторат веднаш, а по донесувањето на законот ќе имаат можност да го поднесат барањето и да направат корекција на МПИН образецот за користење на финансиска поддршка за исплата на платите, велат од УЈП. 

Барањето за финансиска поддршка на работодавачите за исплата на плати ќе се поднесува до УЈП преку системот е-Даноци, a УЈП во рок од 3 дена ќе ја провери и потврди комплетноста на барањето.

Од Управата за јавни приходи објаснуваат како е подготвен системот е-Даноци. 

„Работодавачот со комплетно барање, за работниците за кои побарува финансиска поддршка, во полето 3.4б од месечната пресметка за интегрирана наплата (МПИН образец) внесува шифра 5001, а работодавачот кој може да истовремено да користи и друга мерка за субвенционирање на социјалните придонеси ја внесува соодветната шифра за ослободување и истата ја комбинира со шифрата 5001. По обработка на МПИН образецот, Управата за јавни приходи ќе го информира работодавачот-барател на финансиска поддршка за вкупниот износ на финансиската поддршка што ќе му биде исплатена за соодветниот месец, велат од УЈП.

Град Скопје ги известува граѓаните дека во согласност со одредбите од Законот за даноците на имот за присилна наплата, ja почнa постапката за присилна наплата на неплатените обврски за 2019 годинa, со доставување опомени, по кои следуваше изготвување решенија за присилна наплата и нивно доставување до сите правни и физички лица коишто вршат дејност на територијата на главниот град.

„Доколку обврзниците не постапат по ваквите решенија, Град Скопје ќе започне со доставување решенија за блокада на нивните сметки по банки. Ви укажуваме дека сите даночни и таксени обврзници кои имаат заостанати и неплатени долгови, потребно е да ги подмират своите обврски“, се наведува во соопштението на градските власти.

Од таму потсетуваат дека станува збор за неплатени обврски по основ на годишниот данок на имот и комуналната такса за фирмарина за минатата година.

„Ве информираме дека секое физичко или правно лице има достапен увид во неговата финансиската картица, увид во изготвените решенија по кои е задолжен и истите може да ги печати следејќи го следниот линк“, појаснуваат од Град Скопје.