Премиерот Зоран Заев смета дека е вредно да се разгледа варијантата за намалување на данокот на додадена вредност кај електричната енергија од 18 на пет проценти, но посочува дека треба да се направат калкулации и премсетки што тоа ќе значи за економската стабилност, финансиските ресурси на државата и изворите на помагање на македонското стопанство.

-Се што е добро за граѓаните од старт ми е веднаш прифаталиво, но претседател сум на Влада и мора да пресметаме да знаеме што тоа значи секако за стабилноста економска на државата, финансиските ресурси на државата и изворите на помагање на македонското стопанство, изјави Заев денеска на прес-конференција одговорајќи на новинарско прашање.

Потенцира дека ќе ја разгледаат таа можност и ќе ги направат калкулации и пресметки, наведувајќи дека и порано претседателот на Регулаторна имал јавна порака да се разгледаат овие варијанти.

-Секако е вредно за разгледување, но ние мораме да водиме грижа каков тоа импакт ќе има на севкупното обезбедување на доволни ресурси да помагаме и со петти пакет и со шести пакет понатаму на нашата македонска економија. Но секоја идеја, секоја препорака е вредна за внимание посебно кога доаѓа од европски институции како што е Европската енергетска заедница и верувам дека нашите стручни служби во Владата пред се економските министри ќе ја разгледаат оваа работа и ќе оформиме заеднички став како Влада, посочи премиерот.

Наместо 180, учениците во основното образование во новата учебна година ќе следат настава 159 дена.

Министерството за образование и наука донесе измени во календарот за организација и работа на основните училишта во учебната 2020/2021, според кој ќе има 21 наставен ден помалку.

Во претходниот редовен календар кој беше објавен во јули, бројот на наставните денови изнесуваше 180, а новата одлука следува откако учебната година започна на 1 октомври.

Наставната година ќе трае до 10 јуни, а учебната до 31 август 2021.

Министерството за финансии ќе го финализира ребалансот за годинава и најверојатно веднаш ќе почне со подготовка на буџетот за следната година. Станува збор за буџет кој треба да ги решава проблемите од економската криза, но и да ги вметне и преку него да се остварат дел од ветувањата кои беа во програмата за работа на новата Влада. Од неа, најавените пензиски реформи најмногу ја разбрануваа јавноста, но според наши информации уште нема конкретни анализи и законско решение за можноста за предвремено пензионирање. Се прават модуси само како да се примени законски задолжителното пензионирање на 64 години за мажи и 62 за жени. 

Од Фондот за Пензиско и инвалидско осигурување за Фактор велат дека нема никаква активност, но не сакаа да коментираат. Директорот Шаип Зендели вели дека нема конечни законски измени и затоа не може да каже било што. Сепак измените секако треба да следуваат по анализа во која ќе е вклучен и Фондот но се тврди дека нема најави. 

Можноста за предвремено пензионирање до максимум пет години пред остварувањето на правото на пензија, ама со намален износ, ја најави Владата во новата програма за работа од 2020 до 2024 година. Во програмата не беа наведени рокови ама се тврдеше дека тоа ќе биде од 2021 година. Сепак дали идниот буџет ќе го издржи овој „товар“ допрва ќе се прават пресметки. 

„Ќе овозможиме флексибилен пензиски систем со воведување можност за предвремено пензионирање до максимум 5 години пред остварувањето на правото на пензија, со пропорционално намален износ на редовната пензија. Зајакнување на улогата на старите лица во локалните заедници и обезбедување услови за вклучување во јавниот живот, стои во програмата. 

Повеќе прочитајте на Фактор.мк

Премиерот Зоран Заев ги повика компаниите кои годинава имаат загуба, но во претходните години акумулирале поголеми добивки, да исплатат регрес за своите работници.

- Работниците се трајното добро и за компаниите и за државата. Апелирам уште еднаш дека законот и самите колективни договори регулираат дека компаниите кога покажуваат загуби, тогаш нивната задолжителност да исплатат К-15 паѓа. Но имаме компании кои до Нова Година ќе покажат загуба, но имаат акумулирана добра добивка од претходната година или знаат дека имаат потенцијал загубата веднаш да биде покриена со успешен резултат во 2021. Заради тоа секогаш препорачувам тие да водат грижа за работниците, кои се најважниот капитал во државата, рече Заев како одговор на новинарско прашање.

Претседателот на Владата додаде дека исплатата на регресот за годишен одмор ќе ја зголеми приватната потрошувачка и истовремено ја раздвижува економијата во земјата.