Сојузот на синдикатите на Македонија пред донесувањето на четвртиот сет на економска помош од страна на државата до работниците и компаниите, предложи четири мерки за надминување на економските последици предизвикани од ковид-кризата. Во продолжение ви го пренесуваме дел од соопштението за предлогот на ССМ: 

„За ССМ, приоритет остануваат работничките права, а не полтроните и предавниците на синдикатот и работниците па затоа Сојузот на синдикатите на Македонија бара да се преземат сите напори со четвртиот пакет мерки да им се помогне на работниците, претпријатијата и јавните служби да ја преживеат кризата, така што ќе можат нормално да се вратат на своите активности кога истата ќе заврши.
Сите мерки, треба да бидат насочени кон зачувување на работните места, а во меѓувреме да се заштитат од невработеност и загуба на приходи и да се ублажат финансиските загуби.
Луѓето кои се болни, кои се грижат за семејството или не се во состојба да работат заради корона вирусот, не треба да страдаат финансиски, па поради тоа, од страна на Владата, потребно е да се обезбеди финансиска помош за сите вработени.
Во оваа насока:

1. Владата да обезбеди финансиска помош и поддршка за компаниите кои нема да можат да ги вршат деловните потфати заради вирусот или ќе ги вршат со значително намален обем, првенствено и исклучиво за  обезбедување на  средства за плата на работниците;
ССМ бара субвенционирањето на плата како мерка да продолжи онаму каде што производството е намалено повеќе од 30%, но да се исплаќа директно на сметките на работниците.

2.Одложување (Мораториум) за сите долгови на семејните домаќинства од 6 месеци кон извршители, банки, државни органи, правосудни органи, чии вкупни примања во семејното домаќинство се помали од Синдикалната потрошувачка кошница.

3. Работниците кои досега користеа мерки како хронично болните, бремени жени, чување на дете до 10 години, да бидат исплатени во висина нивната плата, без нејзино намалување.
Да се води грижа и за мајките кои користеле породилно отсуство, а им престанал договорот за вработување по било кој основ и истите да имаат право на платено на породилно отсуство.

4. ССМ предлага надоместокот на плата за отсуството од работа поради зараза од Ковид- 19, изолација и само изолација поради изложеност на Ковид- 19 да изнесува 100% од основицата утврдена со закон.

Сојузот на синдикатите на Македонија смета дека во Правилникот за листа на професионалните болести како професионална болест треба да се смета заразата со Ковид- 19, не само за здравствените работници, туку и за работниците од други дејности вработени во институции на работни места каде е можен контакт и изложеност на Ковид- 19.“

5. Насочување кон спроведување на јавни набавки од страна на  Државните органи, исклучиво од домашните компании.

ССМ, поаѓајќи од тоа што националните и светските компетентни институции укажуваат дека оваа нова нормалност предизвикана од Ковид – 19 ќе трае подолг период и во иднина, очекува покрај мерките за субвенционирање и помош, Владата да преземе поголем ангажман за обезбедување на нови инвестиции од домашно и странско потекло и да обезбеди економски мерки за поефикасно прилагодување на компаниите за продолжување на економските потфати со цел да се обезбедат реални и одржливи работни места и обезбедување на егзистенција за сите граѓани.

Исто така, бараме Владата да води грижа, финансиската поддршка и инвестициите да се обезбедуваат за компании кои ги почитуваа Законите и Колективните договори, кои немаат злоупотребено средства од финансиската поддршка од Државата и кои имаат неосновано отпуштено работници, како и да се задолжат компаниите кои ќе добијат од финансиската поддршка и инвестициите задолжително да ги вратат работниците на кои им го прекинале работниот однос, а истовремено да се изнајдат средства да се субвенционира секое ново отворено работно место. 

Предлагаме еден од условите за обезбедување на финансиска поддршка и инвестиции од страна на Државата да биде синдикалното организирање во компанијата, за да можеме и ние како претставници на работниците да гарантираме и да го контролираме користењето на средствата, покрај другото за плата и социјална сигурност на работниците“, гласи соопштението на ССМ.

Џев Безос, Бил Гејтс, Марк Закерберг и други американски милијардери забележаа вртоглав раст на нивното богатство во последните шест месеци.

Студијата покажа дека овој раст го зголеми богатството на најбогатите Американци од 2,95 трилиони на 3,8 трилиони долари. На списокот на луѓе кои заработуваат најмногу се сопственикот на Тесла, Илона Маск, сопственикот на Оракл, Лари Елисон и поранешниот градоначалник на Мајкл Блумберг, Мајкл Блумберг. Студијата се базира на податоци за индивидуално богатство следени од Форбс.

Дури и Колинс, директор на програмата за истражување на нееднаквоста на Институтот за политички истражувања, кој е исто така ко-автор на извештајот, рече дека е шокиран од бројките, додавајќи дека кризата ја зголемува веќе постоечката нееднаквост во Америка.

„Мислев дека можеби шест месеци по почетокот на пандемијата, работите ќе дојдат на свое место - дека сите ќе бидат погодени“, изјави Колинс за Си-Ен-Ен Бизнис.

„Разликата е остра меѓу профитот остварен од милијардерите и економската мизерија што постои низ нашата земја. Тоа ја драматизира нееднаквата жртва и профитерскиот елемент на акумулацијата на богатството на врвот“.

Пандемијата доведе до најголема криза кога станува збор за невработеноста од Големата депресија, со стапка на невработеност која достигна дури 14,7 проценти во април, додека се намали на 8,4 проценти во август. Од почетокот на февруари во САД се изгубени 11,5 милиони работни места. Невработеноста е дури четири пати поголема отколку пред пандемијата.

Многу „скокови“ на богатството се поврзани со скок на вредноста на компаниите.

Акциите на Амазон се зголемија за повеќе од 60 проценти оваа година. Како резултат на тоа, богатството на Безос порасна за 55,2 милијарди од 8 февруари и сега тој е со богатство од 200 милијарди долари, најбогатата личност во светот.

Вкупното богатство на Алис, Џим и Роб Волтон, чие семејство го основаше „Волмарт“, од февруари порасна за повеќе од 60 милијарди, бидејќи профитот на овој малопродажен гигант скокна на скоро 80 ​​проценти од година во година, 6,4 милијарди во вториот квартал на 2020 година.

Богатството на основачот на Гугл порасна за повеќе од 18 милијарди долари од февруари, додека богатството на Илон Маск порасна за дури 70 милијарди долари во истиот период, со што стана трета најбогата личност во светот.

Споредувајќи ја коронската криза со Големата депресија, Колинс истакнува дека е изненаден што нееднаквиот економски товар е на сметка на сиромашните и средната класа, во споредба со богатите. Тој исто така рече дека Конгресот мора да ги „поправи корумпираните“, односно она што води до фактот дека целиот товар паѓа на работничката класа, наместо на богатите. Во спротивно, вели тој, сегашната концентрација на богатство ќе ја промени Америка на ужасен и непоправлив начин.

"Неколку луѓе ќе имаат огромна моќ да ја кројат економијата, политиката и медиумите. Никој од нас не сака да живее во такво општество, каде што на вашата главна улица веќе нема 100 продавници, туку само магацини на Амазон", рече Колинс.

Потребата постојано да сме поврзани и навремено да ги добиваме сите информации за кои сме заинтересирани го покачија прагот за потребата на мобилен интернет за сите корисници. Возраста или професијата веќе не прават голема разлика бидејќи секојдневието се одвива онлајн. Оттука и актуелните понуди на телекомуникацискиот пазар кои вклучуваат се повеќе мобилен интернет. Но што со гигабајтите кои остануваат неискористени?

А1 Македонија ја надгради функционалноста на A1Net Sef со воведување уште еден новитет, единствен на европскиот пазар, со кој корисниците на мобилни услуги добиваат можност не само да го зачуваат интернетот и да го одложат неговото користење туку неискористените GB да ги заменат за друга услуга како интернет во странство или меѓународни разговори.. 

Со оваа најнова опција за размена, корисниците кои патуваат во странство или имаат потреба од меѓународни повици можат едноставно преку мобилната апликација Мојот А1 да активираат дополнителен пакет по свој избор.

Имено, во рамки на одредени тарифни модели од A1 Neo/Neo SIM портфолиото (M+/L/XL) како и A1 Neon+/Neon+ SIM корисниците кои имаат сочувано доволно мобилен интернет во А1 Net Sef ќе можат доколку сакаат да ги заменат сочуваните GB за дополнителни бенефити: интернет во странство или меѓународни разговори. .

Пакети (бенефити) достапни преку Опцијата за размена:

Се што треба да направи корисникот е едноставно да пристапи преку апликацијата  Мојот А1 каде се прикажани сите пакети кои се достапни за активација и да ги активира во зависност од својот сочуван мобилен интернет во А1 Net Sef, преку достапното копче “Размени”. Може да бидат разменети повеќе пакети во еден месец (во зависност од сочуваните GB).

Министерството за економија започна со исплата на ваучерите на туристичките капацитети кои од јули започнаа со сместување на граѓаните-добитници на оваа економска мерка за справување со економските последици предизвикани од пандемијата.

Првите средства се исплаќаат во последните петнаесетина дена, а засега според она што може да се види од извршените трансакции, туристите кои добија ваучери, на почетокот најмногу летувале во Инекс Дрим, хотелот во Струга, на кого му се исплатени 50.000 евра до 10 септември.

Следуваат хотелот Манастир во Берово со 450.000 денари, Полин во Стар Дојран до сега добил 438.000,  на ХСХ ГРУП ДОО Скопје кој стопанисува до Хотел La Terrazza во Дојран му се префрлени 408.000, Хотел Уникат Охрид првично наплатил  372.000, а Фибула за Изгрев Струга добил 342.000 денари засега. 

До Министерството за економија до сега пристигнале околу 7.000 фактури, но од таму велат дека исплатата доцнела поради предвремените парламентарни избори кои се одржаа на 15 јули.

„Исплатата на Фактурата за искористени ваучери оди согласно планираната динамика и истите веке се исплатени за месец Јули. Досега се искористени нешто над 30.000 ваучери за поддршка на домашниот туризам.

Фактурите кои не се комплетни или немаат целосна документација останале неисплатени до моментот на комплетирање од страна на странките, за што истите се известени.

Досега во Министерство за економија се пристигнати близу 7.000 фактури од кои повеке од 70% се процесирани со Решение за исплата,  30% се во фаза на проверка и истите тековно се работа од страна на Комисијата и Секторот.

Што се однесува на прашањето за доцнење на исплатата , тоа беше во текот на јули месец кога имавеме формирање на Влада и именување на Министри и истото траеше до Моментот на добивање на Овластување од страна на Министерот, во моментот од страна на Министерството за економија исплатата на Фактурите се одвива согласно динамиката“, гласи објаснувањето од Министерството за економија.

Не само хотелите, туку и сите што поседуваат вили, апартмани, како и станоиздавачите може да работат со ваучерите за туризам. Но, услов за тоа беше овие сместувачки капацитети да се регистрираат и да се категоризираат на Платформата на Министерството за економија, доколку сакаат корисниците кај нив да ги трошат туристичките ваучери. 

Сите хотелиери, но и газдите на другите сметстувачки капацитетите, како што се вилите, апартманите и станоиздавачите, оваа процедура требаше да ја завршат до 30 јуни годинава.

Теоретски вкупно треба да бидат издадени 117.122 ваучери за домашен туризам, кои треба да бидат искористени до 15 декември.  Во игра беа вкупно 4.286 угостителски објекти за сместување. Тука спаѓаат 256 хотели, потоа 130 вили , апартмани, хостели, студентски преноќишта и одморалишта, како и близу 4.000 физички лица, односно станоиздавачи кои нудат приватно сместување. 

Инаку, согласно оваа владина мерка, над 117 илјади граѓани, кои ги исполнуваат критериумите што ги предвиде Владата и ги стави на листата, добиваат ваучер од шест илјади денари за домашен туризам.

Извор - Фактор.мк

Тагови: Министерство за економија туризам